ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

მე მარიამი ვარ, ღვთისმშობელი

თეონა მენაბდიშვილი 29 აგვისტო, 2018
თეონა მენაბდიშვილი 29 აგვისტო, 2018 321 ნახვა

მე მარიამი ვარ, ღვთისმშობელი.

გინახავთ ზეცად ამაღლებული მაცხოვარი?

მე ვნახე მთაზე, ღრუბლებში გახვეული როგორ მოეფარა თვალს.

გინახავთ, როგორია ღვთის სისხლით გათხვრილი ჯვარი?

მე ვნახე მასზე მილურსმული ქრისტე.  საკუთარი ხელებით შევიგრძენი მისი სისხლის სითბო, ეს თვალები უყურებდა ცაზე შეკრებილ შავ ღრუბლებს, ეს გული კანკალებდა მიწისძვრისას.

გინახავთ, როგორ აგლიჯეს წვერი მესიას?

მე ვუსმენდი მის გმინვას, ვუყურებდი, როგორ ტოვებდნენ  მის ბეჭებზე  ცოდვილ ანაბეჭდს. მოვისმინე, როგორ აირჩია ყველამ ბარაბა, არ დააყოვნეს და იყვირეს ერთხმად:  „ჯვარს აცვით.“

მთელი ღამე გაატარა ლოცვაში, გულში მახვილის დარტყმის ხმა და ღალატის გემო ჰქონია იუდას კოცნას.

ფეხები სათითაოდ დაჰბანა ყველას.

საკუთარი „სისხლი“ შეასვა მოღალატეს.

როგორ ყვიროდა ხალხი „ოსანას“  – პალმის რტოებით შეეგება ყველა მესიას.

ის ამჩნევდა ქვრივის ორ ლეპტას, იცავდა მამის სამლოცველო სახლს, მას ესმოდა ბარტიმეოსის ძახილი, ის იყო ბავშვებთან მოთამაშე ღმერთი.

ფერისცვალება ახილვინა უბრალო მეთევზეებს, განკურნა ეშმაკეულნი, აალაპარაკა მუნჯნი, ხეიბართ სიარული შეაძლებინა, იზრუნა ხალხის შიმშილზე.

ქარიშხალს სიტყვით აწყნარებდა, წყალზე მოაბიჯებდა მშვიდად.

მრუშებთან და მებაჟეებთან ჭამდა.

მეთევზეებს მოუწოდა ტბასთან.

ქორწილში წყალი ღვინოდ აქცია.

სულ 12 წლის იყო, როცა ტაძარში რჯულისმცოდნეებს ესაუბრებოდა.

ნაზარეთში გაიზარდა, ღვთის სული იყო მასთან.

მისი შობისას კი ყველამ იხილა კაშკაშა ვარსკვლავი, იქ, იმ ბაგაში, სამყაროს მეფე იბადებოდა.

ანგელოზმა მაუწყა, რომ ჩემგან მოევლინებოდა სამყაროს.

ერთ დღეს ჩემს მუცელში მყოფმა, ტანჯვის გავლით, სხვათა გულებში დაიდო  ბინა.

თქვენ ის არ გინახავთ, არ შეხებიხართ, ხელით არ მოგისინჯავთ, მაგრამ იცნობთ…

თქვენ გამო თავი გაწირა, მან დაგიხსნათ, მარადიულ სამკვიდრებლად ამოგირჩიათ, თქვენში იშვა, თქვენში რჩება, სავანეს გიმზადებთ და სამუდამოდ მისი ოჯახი იქნებით.

მე მარიამი ვარ, ღვთისმშობელი თქვენ კი – ღვთისშობილნი.

თეონა მენაბდიშვილი

ქალაქ გორის „სიცოცხლის სიტყვის“ ეკლესიის წევრი.
TCM International Institute - ს სტუდენტი (თეოლოგიის ფაკულტეტი).
„საქართველოს ქრისტიან სტუდენტთა კავშირი.“ - ს თანამშრომელი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

გამოფიტული გულები

30 ივლისი, 2020

რითი გავმხნევდე?

18 ოქტომბერი, 2019

აქ ამბობენ, რომ მოკვდი… – წერილები ღმერთს

15 მარტი, 2017

სიკვდილის სურნელი აქვს ამ დღეს, რათა სიცოცხლე ეგრძნო...

24 აპრილი, 2022

დააკვირდი, სად თესავ

16 დეკემბერი, 2022

დაღლილი თვალები კვლავ იხილავს ჰორიზონტიდან ამომავალ მზეს

17 მაისი, 2021

უფალი ლაპარაკობს!

23 დეკემბერი, 2020

სინათლე უკუნეთ სიბნელეში

5 ნოემბერი, 2018

მოუსმინე საკუთარ გულში მოსაუბრე ღმერთს

11 სექტემბერი, 2020
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    პატიება

    5 დეკემბერი, 2015
  • 3

    იესო, ყველაზე ძლიერი მეგობარი

    15 ნოემბერი, 2022
  • 4

    მედროვე ადამიანთა ქმედებები…

    22 მარტი, 2019
  • 5

    ადამიანებს სცივათ და შიათ

    23 იანვარი, 2023


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ