ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ნაიარევი, რომელიც არ გტკივა…

თორნიკე ხუბაშვილი 31 მარტი, 2020
თორნიკე ხუბაშვილი 31 მარტი, 2020 616 ნახვა
616

ნაიარევი, რომელიც არ გტკივა…

შენ გაქვს არჩევანი: შეგიძლია, შეინახო სიმწარე შენს გულში, დაადანაშაულო სხვები შენს უბედურებაში, ყოველღამე იფიქრო იმაზე, თუ რა დაგიშავეს, იტირო, შეიცოდო თავი და ეს პასუხისმგებლობა დააკისრო მათ, ვინც გატკინა, მაგრამ ამ ყველაფრიდან ერთადერთი დაზარალებული ადამიანი შენ იქნები…

რადგან ვისაც სტკივა, სწორედ მას შეუძლია, ატკინოს სხვას, ვინც სიმწარეს ინახავს, სწორედ მისი ცხოვრება განიცდის დეფორმაციას. ეს სიმწარე არ მოგცემს საშუალებას, შექმნა ბედნიერი ოჯახი, ჩამოაყალიბო კარგი ურთიერთობები, აღზარდო სუფთა გულის შვილები, ეს სიმწარე ყოველთვის შეგიშლის ხელს როგორც ღმერთთან, ისე ადამიანებთან ურთერთობაში, ვერ იპოვი ადგილს ღმერთში, რადგან დაწერილია: „ვინც არ მიუტევებს, არ მიეტევება“, და ვერ იპოვი ადგილს ადამიანებში, რადგან „ტკბილი“ ადამიანები „მწარე“ წყალს ერიდებიან. ამიტომ ერთადერთი დაზარალებული ადამიანი შენ იქნები.

პატიებას აქვს ერთი საოცარი ეფექტი, ის არის ნაიარევი, რომელიც აღარ გტკივა… ტკივილი, რომელიც სადღაც გაქრა… უყურებ, გახსოვს, შეგიძლია ‒ ხელით შეეხო, მაგრამ ვეღარ ახერხებს შენში ტკივილის გამოწვევას… ამას თავისუფლება ჰქვია…

გქონდეს პატიების უნარი ‒ ეს ნიშნავს, რომ დაამსხვრიო შენს ცხოვრებაში ყველა წინაღობა, რომელიც შენი ბედნიერი მომავლის გზას კეტავს.

თუ მართლა გსურს, იპოვო პატიების ძალა, მაშინ იცოდე, რომ არის პიროვნება, რომელმაც მოახერხა ეს ყველაზე რთულ სიტუაციაში… მაშინ, როდესაც ყველაზე მეტად სტკიოდა, ვინ მოახერხა მიტევება მათთვის, რომლებიც ყველაზე ნაკლებად იმსახურებდნენ ამას? ეს პიროვნება იესო ქრისტე იყო, და ის ჯვარზე ამბობდა: „მამა, მიუტევე, რადგან არ იციან, რას აკეთებენ.“

მოუხმე იესოს, რომ გასწავლოს პატიება, რომელსაც მოაქვს თავისუფლება, კურნება და იმედით სავსე მომავალი შენთვის!

კოლ. 3:13

„შეიწყნარეთ ერთიმეორე და მიუტევეთ ერთმანეთს, თუ ვინმესთან რაიმე სადავო აქვს ვინმეს: როგორც ქრისტემ მოგიტევათ, თქვენც ასევე მიუტევეთ.“

თორნიკე ხუბაშვილი

საქართველოს სახარების რწმენის ეკლესიის წევრი.
მოზარდთა და ახალგაზრდული მსახურების მსახური.
TCM International Institute - ს სტუდენტი (თეოლოგიის ფაკულტეტი).

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

მძიმე თუ წერტილი?!…

4 ოქტომბერი, 2015

უყურე ცხოვრებას ფხიზელი თვალით – დალევა გამოსავალი არ...

22 აპრილი, 2015

უფალი გჩუქნის მომავალს

21 აპრილი, 2021

როცა შვილს სძინავს, დედა ზრუნავს

7 მარტი, 2023

„გულები დაიგლიჯეთ და არა სამოსელი!“

27 აპრილი, 2019

ენა – ჩვენი შინაგანი მდგომარეობის ინდიკატორი

24 სექტემბერი, 2019

უდაბნოს იქით…

16 აპრილი, 2016

ნუ დააყოვნებ, ის გელოდება

4 სექტემბერი, 2020

ვინ არის შენი საქართველო?

21 თებერვალი, 2023
Facebook

პოპულარული ბლოგები

  • 1

    რა ღირს ადამიანი?

    1 დეკემბერი, 2016
  • 2

    ნუ იქნები გარემოების მსხვერპლი!

    12 მაისი, 2022
  • 3

    დაემორჩილე უფალს და დაელოდე მას

    4 ნოემბერი, 2019
  • 4

    სიკეთის ენა

    6 ნოემბერი, 2018
  • 5

    პატიება

    5 დეკემბერი, 2015


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ