ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

უთხარი მას…

ნატალია ჩიქოვანი 23 მარტი, 2016
ნატალია ჩიქოვანი 23 მარტი, 2016 252 ნახვა
252

წარსული რვეულში შეცდომით ჩაწერილი ამოცანა არაა, ხელის ერთი მოსმით რომ ამოხიო და თავიდან გადაწერო; არც გაბზარული ჭიქაა, ნაგავში რომ გადაუძახო; არც ფოტოზე აღბეჭდილი კადრია, “ფოტოშოპით” რომ დაამუშაო… და სწორედ მაშინ, როცა ყველაფრის თავიდან დაწყებას გადაწყვეტ, ის აუცილებლად მოვა და გეტყვის, რომ შენ ღირსი არ ხარ; მოვა და მოიტანს წარსულის სკივრიდან ამოქექილ ძონძებს და მტვრიან მოგონებებს და შეეცდება დაგაჯეროს, რომ მხოლოდ წარსული გაქვს…

ნუ შეგეშინდება მისი ბრალდებების, თამამად გაჰყევი მას წარსულის ბნელ ლაბირინთებში და თან უფლის სიტყვის ლამპარი გაიყოლე… თავი ასწიე და გაიარე აბლაბუდით მოქსოვილი კედლები, მხრებში გაშლილმა ჩაუარე ხავსმოდებულ საბრალდებო დასკვნების თაროს, უთხარი მას, რომ ღმერთის შვილი ხარ!

…რომ ძვირფასი სისხლით ხარ გამოსყიდული!

უთხარი, რომ გაქვს მომავალი და იმედი!

…რომ უფალი შენი მწყემსია!

უთხარი, რომ წარსული შენი გამოცდილებაა, ის საძირკველია, რომელზეც მომავალს ააშენებ. ნუ გრცხვენია; ნუ ცდილობ, ღრმად დამარხო, პირიქით, გახსოვდეს, რათა ხედავდე უფლის დიდებას მთელი სიცხადით, იამაყე შენი ღმერთით… ვერავინ მოგაყენებს ტკივილს იმით, რითიც ამაყობ; ვერავინ შეგახსენებს იმას, რაც არასდროს გავიწყდება… აქციე წარსული შენს გამოცდილებად, თავი ასწიე, მხრებში გაიშალე და ცხოვრება განაგრძე. წამოდექი ყოველი დაცემის შემდეგ და თავიდან დაიწყე. დაცემათა და ფეხზე წამოდგომათა რიცხვი მხოლოდ იმაზე მიუთითებს, რომ არ ნებდები…

ის მოვა, მოვა დაუპატიჟებლად მაშინ, როცა არ ელი და გეტყვის, რომ მხოლოდ წარსული გაქვს, თან მოიტანს სკივრიდან ამოქექილ ძონძებს და მტვრიან მოგონებებს…. უთხარი მას, უთხარი, რომ გაქვს მომავალი და იმედი, რომ უფალი შენი მწყემსია!!!

ნატალია ჩიქოვანი

"ქრისტიანული არხის" ჟურნალისტი.
რუსთავის სახარების რწმენის ეკლესიის წევრი.
მინი-თეატრალური დასის და საკვირაო სკოლის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

აპატიე, რადგან გეპატია შენც!

15 მაისი, 2023

შენ ცუდი არ ხარ!

21 ივნისი, 2021

ახალი ქმნილება

21 თებერვალი, 2017

სიკვდილის სურნელი აქვს ამ დღეს, რათა სიცოცხლე ეგრძნო...

24 აპრილი, 2022

გააღვივე რწმენის ნაპერწკალი შენს გულში

4 მარტი, 2021

მიუტევე არგუმენტის გარეშე

7 მარტი, 2023

სწორად აღვლენილი ლოცვა

20 სექტემბერი, 2021

სიკვდილის შიშის გარეშე… აღდგომა!..

28 აპრილი, 2019

„მოგიხმობს სული ჩემი…“- წერილები ღმერთს

6 ივნისი, 2017
Facebook

პოპულარული ბლოგები

  • 1

    იფიქრე, რაზე ფიქრობ

    17 მარტი, 2022
  • 2

    ჩემგან იწყება ცვლილება

    4 მარტი, 2021
  • 3

    უფლის სიტყვა – ჩემში ჩამარხული ძალა

    2 აგვისტო, 2019
  • 4

    რა ღირს ადამიანი?

    1 დეკემბერი, 2016
  • 5

    სად გაექცევი მას?

    4 სექტემბერი, 2020


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ