ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ
ქრისტიანის ბლოგი

www.QBlog.Ge

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

უღმერთობა გვსჯის

ლიკა მელანაშვილი 5 დეკემბერი, 2019
ლიკა მელანაშვილი 5 დეკემბერი, 2019 173 ნახვა

სიტყვა „დასჯა“ ღრმა ბავშვობიდან იღებს სათავეს და ზრდასრულობაშიც იკიდებს ფეხს. ასაკის მატებასთან ერთად სასჯელის სიმძიმეც იმატებს ხოლმე, თუმცა ამ სიტყვის არსი ყოველთვის ერთია – ჩვენივე ქმედებაზე პასუხისგება. დამსჯელი ყოველთვის ჩვენზე ძლიერად გვევლინება და ჩვენც შიში გვიპყრობს, ბუნებრივია… მამები კი, ყოველთვის საუკეთესო დამსჯელებად მიაჩნიათ.

მაშინ, როდესაც მარტონი ვართ უკიდეგანო ბურუსით მოცულ ცხოვრებისეულ ქარიშხლებში, ყველაფერი ჩვენზე ძლიერია. ძლიერია სისუსტე, ძლიერია ძირს დაცემა, ჩვენზე ძლიერია ყველაზე უმწეო არსებაც კი, და სწორედ აქედან იწყება არსებობის შიში. ჩვენ, როცა მარტონი ვართ, ანუ, როცა ღმერთს ვტოვებთ, ღმერთი კი არა, უღმერთობა გვსჯის.

კედლებთან მიხეტებულ, სინათლით ვერგამძღარ ცხოველს ვგავართ, უმისამართო ხეტიალით გადაღლილსა და… უფრო საბრალოს. ჰო, ხშირად სწორედ უმისამართო წერილები ვართ, ვტოვებთ ღმერთს და ცხოვრებისეული სირთულეების წინააღმდეგ მარტონი ვილაშქრებთ, მერე ვმარცხდებით და… ძირს ვეცემით. სწორედ ამ დროს იწყება დასჯის შიში. ჩვენ გვეშინია ჩვენზე ძლიერის. მოდის მეათე, მეასე სირთულე და ვამბობთ: „ღმერთი მსჯის“, მაგრამ… მეგობარო, ღმერთი კი არა, უღმერთობა გვსჯის!

ათასი კითხვა გვებადება, გვიკვირს, თუ რატომ არის ამდენი სირთულე, როგორ მოვედით აქამდე. გვიჭირს კიდეც იმის აღიარება, რომ ღმერთმა კი არ მიგვატოვა, ჩვენ მივატოვეთ ღმერთი. მეგობარო, რა მიატოვე შენ? სიბნელე თუ სინათლე? ტკივილი თუ სიხარული? სიკვდილი თუ სიცოცხლე? უფალი ამბობს: „მე ვარ გზა, ჭეშმარიტება და სიცოცხლე“ (იოანე 14:6). რომელ გზას ირჩევ შენ? ვის ან რას უკავია მთავარი ადგილი შენს ცხოვრებაში? შეცდომების აღიარებისთვისა და პატიების თხოვნისთვის არასდროსაა გვიან; მთავარია, რამდენად გულწრფელია სინანული, რადგან „ყოველთა გულის მხილველია უფალი და ყველა ფიქრისა და ზრახვის მცოდნეა“ (1-ლი ნეშტთა 28:9).

თუ დღეს შენზე ძლიერია შიში, სისუსტე, პრობლემები და განსაცდელები, შემობრუნდი ღმერთისკენ და უთხარი ეს მას. ნუ იფიქრებ ღმერთზე, როგორც საუკეთესო დამსჯელზე, რადგან ხშირად, როცა მარტონი ვართ, ანუ, როცა ღმერთს ვტოვებთ, ღმერთი კი არა, უღმერთობა გვსჯის…

ლიკა მელანაშვილი

ვსწავლობ თბილისის სახელმწიფო უნივერსიტეტში, ჰუმანიტარულ მეცნიერებათა ფაკულტეტზე. ვარ გორის წმინდა სამების ქრისტიანული ეკლესიის წევრი, ვგალობ ამავე ეკლესიის მგალობელთა გუნდში. მიყვარს საინტერესოდ მოსაუბრე, თბილ, მშვიდ ადამიანებთან ურთიერთობა. ვაფასებ მოსმენის უნარსა და კულტურას. ბედნიერებას მანიჭებს ბავშვების გარემოცვაში ყოფნა და ბანანი. ხშირად ვიღიმი. ვგრძნობ პოეზიას და ყველაფერს, რაც ხელოვნებას უკავშირდება. მიყვარს ქარის დროს სირბილი, პეპლების დევნა, საკუთარი ჩრდილებით თამაში და პინგვინები. შემიძლია, საათობით ვუყურო წვიმის წვეთებსა და ახლად აყვავებულ კვირტებს. მიყვარს ჩემი სამშობლო, ქართული ენა და მინდა, ვიყო რედაქტორ-კორექტორი. ჩემი ბავშვობის ოცნება ობოლთა, მოხუცთა და ცხოველთა თავშესაფრების აშენება იყო. ახლა ვისურვებდი მშვიდობას. მინდა, ვაკეთო ის საქმე, რისთვისაც ვარ ღმერთისგან მოწოდებული. ჩემი საყვარელი ბიბლიური მუხლია ესაია 49:15: „განა დაივიწყებს ქალი თავის ძუძუთა ბავშვს და არ შეიბრალებს ძეს თავისი მუცლისას? იმათაც რომ დაივიწყონ, მე არ დაგივიწყებ შენ!“

მისწერე ავტორს ფეისბუკზე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

შენ არ შეგიძლია შეცვალო საკუთარი წარსული − შეცვალე...

24 ნოემბერი, 2016

ფიზიკური ნაკლი არ არის პრობლემა…

7 ოქტომბერი, 2020

სამყაროს სჭირდება ქრისტე!

24 აპრილი, 2019

არ დაგავიწყდეთ ღიმილი

1 ნოემბერი, 2018

ერთ ნაბიჯში

26 ნოემბერი, 2019

უფლის სიტყვა – ჩემში ჩამარხული ძალა

2 აგვისტო, 2019

ცარიელი ნავი

26 მარტი, 2019

„გულები დაიგლიჯეთ და არა სამოსელი!“

27 აპრილი, 2019

ნუ გახდები სტერეოტიპების მსხვერპლი

2 ივლისი, 2018
Facebook

პოპულარული ბლოგები

  • 1

    ითოვოს ნეტავ…

    26 აპრილი, 2018
  • 2

    დაემორჩილე უფალს და დაელოდე მას

    4 ნოემბერი, 2019
  • 3

    უფლის წუხილი დაკარგულ კრავზე

    15 მაისი, 2018
  • 4

    იესო, ხელი არ გამიშვა, შენთან ყველაზე უსაფრთხოდ ვარ…

    8 ოქტომბერი, 2020
  • 5

    პატიება ჯვრიდან

    26 მარტი, 2020


@2020 - ყველა უფლება დაცულია.