ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ჩვენც იქ ვიყავით…

თეონა მენაბდიშვილი 22 თებერვალი, 2017
თეონა მენაბდიშვილი 22 თებერვალი, 2017 141 ნახვა
141

ცხელოდა… მზის მცხუნვარებაც რომაელი ჯარისკაცებივით დაუნდობელი იყო…

მიწის მტვერი ეკვროდა ცრემლიან თვალებს და ცხელ ჰაერში იკარგებოდა მოტირალთა ამაო გმინვა.

საშინელი სუნი იდგა, ოფლის, სისხლისა და უსამართლობის.

ყვირილით დაღლილთ ძლიერ სწყუროდათ… ზოგს წყალი, ზოგსაც სისხლი…

ერთმანეთს აწყდებოდნენ დამნაშავენი უდანაშაულოს დასჯის მოლოდინში.

ის კი დუმდა…

მტკივნეულად ნელა მოდიოდა.

თითქოს სისხლიანი თვალებით ყველას ერთდროულად უყურებდა.

ზიზღს იწვევდა მისი დამახინჯებული სახე,

თვალებზე ხელს იფარებდნენ სანახაობით შეწუხებულნი.

აი, ქვაც ისროლეს…

თითქოს მის ზურგზე ამოკაწრულ სამყაროს ფერები აკლდა და შემატეს კიდეც.

უჭირდა კიდევ ერთი ნაბიჯის დადგმა ცოდვილ მიწაზე,

უჭირდა ჯვრის ზიდვა და ეკლის გვირგვინის ტარება.

უჭირდა ეთქვა: „მიუტევე, მამა“,

უჭირდა და მაინც თქვა: „აღსრულდა!“

ხის ჯვარზე მძიმე იყო ჩვენი ცოდვები,

ჭრილობებზე მეტად ვაჩნდით,

სისხლის წვეთებზე მეტნი ვიყავით,

ჩვენი განდგომილება უფრო მტკივნეული იყო, ვიდრე წვერის გლეჯა,

ჩვენი დუმილი უფრო ხმამაღალი იყო, ვიდრე ბრბოს შეძახილი.

დალურსმულ ხელებზე მეტად ვტკიოდით.

ეს ჩვენ ვიყავით,

იქ ვიყავით…

თეონა მენაბდიშვილი

ქალაქ გორის „სიცოცხლის სიტყვის“ ეკლესიის წევრი.
TCM International Institute - ს სტუდენტი (თეოლოგიის ფაკულტეტი).
„საქართველოს ქრისტიან სტუდენტთა კავშირი.“ - ს თანამშრომელი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ქრისტეს ჭრილობებში ჩვენი კურნებაა

1 დეკემბერი, 2020

მე შენთვის ავირჩიე ჯვარი

19 ივნისი, 2018

ნუ მომკლავ…

27 ოქტომბერი, 2020

შენ ხარ ჩემთან, ჩემს გადასარჩენად!

5 მაისი, 2020

სადა ხარ?

14 თებერვალი, 2023

მიუტევე არგუმენტის გარეშე

7 მარტი, 2023

“ლგბტ საზოგადოება – როგორ მოვექცეთ?!”

18 მაისი, 2019

კვლავ დაგიბრუნდი, მამა

13 სექტემბერი, 2022

სინათლე უკუნეთ სიბნელეში

5 ნოემბერი, 2018
Facebook

პოპულარული ბლოგები

  • 1

    რა ღირს ადამიანი?

    1 დეკემბერი, 2016
  • 2

    ნუ იქნები გარემოების მსხვერპლი!

    12 მაისი, 2022
  • 3

    სიკეთის ენა

    6 ნოემბერი, 2018
  • 4

    დაემორჩილე უფალს და დაელოდე მას

    4 ნოემბერი, 2019
  • 5

    პატიება

    5 დეკემბერი, 2015


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ