ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ჭეშმარიტი თავისუფლება – წერილები ღმერთს

თეონა მენაბდიშვილი 20 მარტი, 2017
თეონა მენაბდიშვილი 20 მარტი, 2017 320 ნახვა
320

არ ვიცი, როგორია უდროობა, რომელშიც მკვიდრობ, მაგრამ აქ, დედამიწაზე, დრო სწრაფად გადის და დღითი დღე ყველაფერი სულ უფრო რთულდება.

ქვეყნიერებაზე  ბოროტებაა გაბატონებული და ამ ბატონს დამორჩილებულნი თავისუფალ ადამიანებად იწოდებიან. ყველა თავისუფალია, ვინც ცოდვას დაემონა, ვინც საკუთარ ვნებებსა და გულისთქმებს დაემორჩილა.

თავისუფლები არიან ქალები, რომლებიც საკუთარ სხეულს აშიშვლებენ ყველას თვალწინ, თავისუფალნი არიან მოღალატე ქმრები, ნარკოტიკით  გაბრუებული ახალგაზრდები, ღვთის მაგინებელი განათლებული ადამიანები, მშობლების შეურაცხმყოფელი ბავშვები…

მაგრამ ჩვენ, შენი შვილები, უარს ვამბობთ ასეთ თავისუფლებაზე.

ჩვენ არ ვცნობთ დროის ასეთ სვლას, რადგან ჩვენი  დრო  შენთან  შეხვედრისას გაჩერდა…

შენს ჯვართან  განეშორნენ წამები წუთებს  და დღემდე არაფერი იცვლება.

ისევ აქ დგანან მოტირალი ქალები, ისევ ისმის ქარის დაუნდობელი კივილი და ჯარისკაცთა სიცილი, ისევ აქ ვართ, გოლგოთის მთაზე…

ჩვენ – ცოდვილნი და  შენ – წმინდა მსხვერპლი, ჩვენ გამოსასყიდად.

ჩვენ – სიკვდილის ღირსნი, შენ კი ჩვენთვის ჯვარცმული, სიცოცხლის საბოძებლად.

ჩვენ – ღვთისგან განდგომილნი, ხოლო  შენ –  გამოწვდილი ხელით, შესარიგებლად.

ჩვენ –  ცოდვის მონები,  შენ კი ჭეშმარიტება, თავისუფლების მოსანიჭებლად.

არსად გვსურს წასვლა, არ გვსურს არაფრის ცოდნა, არ გვსურს წუთისოფლის ნაჩუქარი თავისუფლება.

რაც არ უნდა ხდებოდეს სამყაროში, საითაც არ უნდა მიიჩქაროდეს დრო, რასაც არ უნდა ესწრაფოდნენ ადამიანები, ჩვენ  გვსურს დავრჩეთ შენს ჯვართან – ბნელი სამყაროს  ყველაზე ნათელ წერტილთან, დროზე აღმატებულ ღმერთთან, შენთან  – ჩვენს ჭეშმარიტ თავისუფლებასთან …

თეონა მენაბდიშვილი

ქალაქ გორის „სიცოცხლის სიტყვის“ ეკლესიის წევრი.
TCM International Institute - ს სტუდენტი (თეოლოგიის ფაკულტეტი).
„საქართველოს ქრისტიან სტუდენტთა კავშირი.“ - ს თანამშრომელი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

შენც შეეხე იესოს რწმენით

21 აპრილი, 2022

ცხოვრების იარები

12 ნოემბერი, 2021

მოუსმინე საკუთარ გულში მოსაუბრე ღმერთს

11 სექტემბერი, 2020

არის იმედი!

31 იანვარი, 2019

ჩვენც იქ ვიყავით…

22 თებერვალი, 2017

გილოცავთ, კიდევ ერთხელ შემობრუნდა დედამიწა მზის გარშემო

30 დეკემბერი, 2022

იქნებ

9 ივნისი, 2022

“და ასე იქმნა ნათელი ჩემს უდაბურ შინაგანში…”

23 მარტი, 2020

ბარაბას ადგილზე რომ ვყოფილიყავით…

14 აპრილი, 2023
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • საუბარი ღმერთთან

    4 მაისი, 2018
  • 3

    ენდე ღმერთს

    11 მარტი, 2021
  • 4

    სამყაროს სჭირდება ქრისტე!

    24 აპრილი, 2019
  • 5

    ნუ ცხოვრობ წარსულით, წინ მომავალია!

    24 აპრილი, 2017


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ