მითხარი პრობლემა, უფალს მისი გადაჭრა რომ არ შეეძლოს!..
- საყვარელი ადამიანი ავად გყავს?
წმინდა წერილში წერია, რომ რწმენით სხვისთვისაც რომ ითხოვო განკურნება, თუნდაც შორს მყოფმა, ის აგისრულებს საწადელს.
უფალი მკურნალია!
- გულგატეხილი ან გულდაჭრილი ხარ?
ბიბლია გვასწავლის, რომ უფალი ახლოსაა ასეთ ადამიანებთან!
ის კურნავს გულგატეხილს და ჭრილობას უხვევს მას.
- მეგობართან შერიგება გინდა?
დაწერილია: თუ უფლისთვის მოსაწონია კაცის გზები, მტერსაც კი შეარიგებს მას!
მითხარი პრობლემა, უფალს მისი გადაჭრა რომ არ შეეძლოს!..
- ფიქრობ, რომ წარმატებას ვერასოდეს მიაღწევ?
ღმერთი გეუბნება – დადე იმედი ჩემზე და მე აგისრულებ გულის წადილს.
- მარტოდ გრძნობ თავს? ფიქრობ, რომ არავის უნდა შენთან ურთიერთობა?
უფალი ამბობს, რომ სინათლედ გაქცევს, რომლისკენაც ილტვის ხალხი… თუკი დაემორჩილები მას!
- შეშინებული და ნერვიული ხარ?
დაწერილია: შეჩერდით და გაიგეთ, რომ მე ვარ ღმერთი!
მითხარი პრობლემა, უფალს მისი გადაჭრა რომ არ შეეძლოს!..
- გგონია, შემთხვევითობა ხარ, ან შენს არსებობას აზრი არ აქვს?
უფალმა თავისი ხელებით გამოგძერწა დედის მუცელში, და უნიკალურს, დედამიწის შექმნამდე, წინასწარ განგიწესა კეთილი საქმეები საკეთებლად.
- სიბნელე და წყვდიადი გაკრავს გარს?
ღმერთი აგზავნის უმცირეს ნათელს, უმცირეს ვარსკვლავს და თუ მას გაჰყვები, მიხვალ თავად უფალთან და უკან განსხვავებული დაბრუნდები, როგორც მოგვები – ქრისტეს შობისას.
მითხარი პრობლემა, უფალს მისი გადაჭრა რომ არ შეეძლოს!..
- გგონია, რომ მარტო ებრძვი გამოწვევებს?
არა! ლომი იუდას ტომიდან – უფალი იესო ქრისტე – გამოვა შენთან ერთად საბრძოლველად.
- ფიქრობ, რომ უმცირესობაში ხარ?
ღმერთთან ერთად უმრავლესობაში ხარ! თუ ღმერთია შენკენ, ვინ აღდგება შენ წინაშე?
- კიდევ ფიქრობ, რომ რაიმე შეუძლებელია უფლისთვის?
რა სიმაღლის, სიგრძისა თუ სიგანის წინაღობასაც არ უნდა შეეჯახო, რა გარემოებაშიც არ უნდა მოხვდე, გახსოვდეს ერთი რამ – უფალი ყოვლისშემძლეა!..
შენს უმცირეს გასაჭირს ვერ დაგაძლევინებს?!
შენს პაწაწინა ტკივილსა თუ იარას ვერ მოგიშუშებს?!
დაცემულს ვერ წამოგაყენებს?!
სუსტს ვერ გაგაძლიერებს?!
დაიმახსოვრე – ის მკვდარსაც კი გაგაცოცხლებს!
ის ამბობს: მე ვარ აღდგომა და სიცოცხლე!
ჩემთან მოსულს არასოდეს გავაძევებ!..
მითხარი პრობლემა, უფალს მისი გადაჭრა რომ არ შეეძლოს!..
მისწერე ავტორს ფეისბუკზე