ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ნახევარი სიმართლე სრული სიცრუეა

გიორგი ოდიაშვილი 14 ივლისი, 2020
გიორგი ოდიაშვილი 14 ივლისი, 2020 368 ნახვა
368

ერთხელ მინდოდა, დავხმარებოდი ადამიანს, რომელმაც ცხოვრებაში ბევრი რამ დაკარგა ალკოჰოლის გამო…

როდესაც მოვინდომე, მესაუბრა მასთან ღმერთსა და მის ნებაზე ადამიანის მიმართ, ბიბლიის საფუძველზე, მან გამაჩუმა და მკითხა, იცი, რა წერია ბიბლიაში? გაკვირვებულმა ვკითხე, რა წერია, აბა, მითხარი-მეთქი და მანაც მიპასუხა:

„…მიეცით ღვინო სულგამწარებულს.“

(იგავების 31:6).

არც მეტი, არც ნაკლები, ეს იყო ერთადერთი მუხლი ბიბლიიდან, რომელიც ამ ადამიანმა იცოდა, მაგრამ იმდენად ღრმად იყო გამჯდარი მასში ეს პატარა მუხლი, რომ მრავალი მცდელობის მიუხედავად, სამწუხაროდ, „დამარცხებული“ გამოვბრუნდი უკან…

არ ვიცი, ალბათ, კიდევ უნდა მეცადა…

მოვდიოდი და ვფიქრობდი გზაში, ბიბლიაში უამრავი მუხლი ლაპარაკობს თრობის მავნებლობაზე და იმაზე, რომ გამწარებული სულის განსაკურნებლად ღმერთი თავის სულსა და მშვიდობას გვაძლევს, მაგრამ ამ ადამიანმა იცოდა მხოლოდ ის ერთი მუხლი, ის ერთადერთი, რომელიც მას „ნებას რთავდა“, ეცხოვრა თავისი გულისთქმისამებრ…

ვფიქრობდი, სატანას არ აქვს პრობლემა, რომ იცოდნენ ქრისტიანებმა ნახევარი სიმართლე, ნახევარი ჭეშმარიტება, ნახევარი ბიბლია, ის მაინც შეძლებს მათ დატყვევებას და განეიტრალებას თავისი სიცრუის მეშვეობით, ის ხომ მამაა სიცრუისა.

უდაბნოში ყოფნის დროსაც ხომ ასე სცდიდა სატანა უფალ იესოს:

მათე 4:6: „უთხრა: ‘თუ ღმერთის ძე ხარ, გადავარდი აქედან, რადგან დაწერილია: თავის ანგელოზებს უბრძანებს შენზე და ისინი ხელში აყვანილს გატარებენ, რათა ქვას არ წამოჰკრა ფეხი.’“

ზემოთ მოყვანილ მუხლში ყურადღება მიაქციეთ სიტყვას „დაწერილია“.

უწმინდური სატანა ელაპარაკებოდა იესოს წმინდა ღმერთის წმინდა სიტყვიდან და ის ეუბნებოდა სიმართლეს, მაგრამ ნახევარს, და თუ იესოს არ ეცოდინებოდა დანარჩენი ნახევარი სიმართლეც, სატანა აუცილებლად შეძლებდა მის ცდუნებას.

მათე 4:7: „იესომ უპასუხა: ‘ასევე დაწერილია: არ გამოცადო უფალი, ღმერთი შენი.’“

დასკვნა ამისა კი ის არის, რომ უპირველესად, ნუ იქნები ქრისტიანი, რომელსაც შეეშინდება სრული სიმართლის გაჟღერებისა, თუნდაც მტკივნეული იყოს შენთვის და შენი მსმენელებისთვისაც, უთხარი მათ სიმართლე სრულად და მიეცი მათ საშუალება, შეცვალონ თავიანთი ცხოვრება.

და მეორე, თავად შენ ნუ დაკმაყოფილდები ნახევარი სიმართლით, რადგან ის სრული სიცრუეა და ნუ იქნები ქრისტიანი, რომელიც ცდილობს, მოირგოს ღმერთის სიტყვა, იყავი ქრისტიანი, რომელიც მოერგება ღმერთის სიტყვას თავის სრულ ჭეშმარიტებაში მიუხედავად იმისა, რამდენად უსიამოვნო იქნება ეს მისი ხორცისთვის.

გიორგი ოდიაშვილი

ქალაქ გორის „სიცოცხლის სიტყვის“ ეკლესიის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

სინათლე უკუნეთ სიბნელეში

5 ნოემბერი, 2018

მონა თუ თავისუფალი?

31 მარტი, 2022

დაკავებული ქრისტიანი

14 თებერვალი, 2017

რაც არ ამირჩევია მე, მოწოდებაა შენგან

4 ნოემბერი, 2021

ღმერთი იბრძვის შენთვის

13 სექტემბერი, 2022

სინათლე აღემატება სიბნელეს

28 იანვარი, 2021

სიკვდილის შიშის გარეშე… აღდგომა!..

28 აპრილი, 2019

გაიარე უდაბნო რწმენით

15 ნოემბერი, 2022

იმედგაცრუების ძირითადი მიზეზი

31 ივლისი, 2019
Facebook

პოპულარული ბლოგები

  • 1

    თუ უფლის ყურადღების მიპყრობა გსურს

    23 მარტი, 2020
  • 2

    სიცარიელე, სახელად უღმერთობა

    27 ივნისი, 2019
  • 3

    სიკეთის ენა

    6 ნოემბერი, 2018
  • 4

    ღმერთი არ არის საშუალება

    5 დეკემბერი, 2022
  • 5

    მედროვე ადამიანთა ქმედებები…

    22 მარტი, 2019


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ