გიორგი ოდიაშვილი
ვცხოვრობ სოფელ ტყვიავში. ვარ ქალაქ გორის „სიცოცხლის სიტყვის“ ეკლესიის წევრი, სადაც აქტიურად ვარ ჩართული ახალგაზრდულ მსახურებაში. ჩემი ინტერესის სფერო კითხვა, წერა, სეირნობა, ფიქრი, მუსიკის მოსმენა და ადამიანებთან, განსაკუთრებით მოხუცებთან და ბავშვებთან, ურთიერთობაა. ჩართული ვარ სპორტულ აქტივობებში. ჩემს სოფელში აქტიურად ვეწევი ჯანსაღი ცხოვრების პროპაგანდას და ბავშვებს და მოზარდებს ვავარჯიშებ ფეხბურთში. რაც არ უნდა უცნაური იყოს, მომწონს ნედლი შეშის დაპობა. ? ჩემი ქვეყანა ჩემთვის ძალიან ძვირფასია. მტკივა და მაწუხებს, როდესაც ახალგაზრდები თუ უფროსი თაობის წარმომადგენლები ტოვებენ ქვეყანას გაჭირვების გამო... ვლოცულობ და მწამს ცვლილებების. ჩემი ყველაზე ძვირფასი წიგნი ბიბლიაა, ხოლო ყველაზე ძვირფასი პიროვნება მისი ავტორი - სულიწმიდა. გამონათქვამი, რომელიც გამორჩეულად მომწონს: არ მწამს ღმერთის, ვიცი, რომ ის არის. ჩემთვის ყველაზე ძვირფასი მუხლი ბიბლიიდან არის მათე 6:9, რადგან შესანიშნავია იმის გააზრება, რომ ღმერთი ჩვენი მამაა.
მისწერე ავტორს ფეისბუკზე