წერილი უფალს ბნელი ღამისას:
ახლა ღამეა, უფალო, პრობლემებში ჩაძირული. ახლა ღამეა, უფალო, სირთულეებით გამუქებული. მტკივნეული სიჩუმეა, მაგიდაზე თავი დავდე და გაგიღიმე. უფალო, ჩვენი ღიმილი ერთმანეთისადმი ისე ლამაზია, როგორც ბნელ ღამეში ვარსკვლავები. ახლა ღამეა, უფალო, მაგრამ მე ვეჭიდები ვარსკვლავს, რომელიც შენი ღიმილია. შენი სუნთქვა ჩემს სულს აწყნარებს. ძვირფასო უფალო, ღამემ თავისი ცივი ხელები შემოხვია ჩემს გულს, მაგრამ შენ მიღიმი და შენი ღიმილი მათბობს. სანამ ინათებს, შენი ხმა დამამშვიდებს მე.
უფლის წერილი ზეციდან ბნელი ღამისას:
ბნელ ღამეში ხმას რომ გაიგებ, რომელიც შენს სულს მოეფერება, იცოდე, რომ ეს მე ვარ, შვილო. როდესაც ღამე ტკივილს გაყენებს, დახუჭე თვალები და მოუსმინე ხმას, რომელიც შენთან ახლოვდება, ეს შენი უფლის ნაბიჯებია. დახუჭე თვალები და იფიქრე ჩემზე, შენს უფალზე, რომელიც დაგარწევს თავის მკლავებში და გეტყვის, რომ ბრძოლაში მარტო არ ხარ. დახუჭე თვალები, მე შენ გვერდით ვარ, მალე გათენდება, ჩემო შვილო, მალე შეწყდება წვიმა, და ქარიშხალი შორს, მთის იქით გადაიხვეწება შენ გამო; სანამ წვიმა გადაიღებს, ჩემი ფრთების ქვეშ აგიშენებ სახლს და მამის სუნთქვა გაგათბობს შენ. და თუ ისევ გეშინია ღამის, ჩახედე მამას თვალებში და დაგამშვიდებს მისი მზერა. შეეხე ჩემს გულს, შენი უფლის გულს, ეს გული შენი სახლია და ყოველთვის შენთვის ძგერს, ჩემო პატარა კრავო. მალე გათენდება და ნუ შეგაშინებს ეს ბნელი ღამე, რადგან სანამ ინათებს, შენს გულს ეფერება ჩემი სუნთქვა.
მშვიდად იძინე ამ ღამით.
შენი მამა, უფალი.
