ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ადექი და აიღე შენი ჯვარი!

ნატალია ჩიქოვანი 9 ივნისი, 2016
ნატალია ჩიქოვანი 9 ივნისი, 2016 203 ნახვა
203

ადექი და აიღე შენი ჯვარი… იტვირთე სიმძიმე და მიხვდები, რომ არ დარჩება ადგილი დრტვინვისა და წუხილისთვის… ადექი და აიღე შენი ჯვარი, ხელი გაუშვი სასოწარკვეთას და იმედგაცრუებას, ხელი გაუშვი ყველაფერს, რასაც ბოლო იმედივით ჩაფრენილხარ გახელებით, ხელი გაუშვი სიმწარეს, ტკივილსა და მარტოობას. იტვირთე შენი ჯვარი და ნუ წაეპოტინები მიუწვდომელს.

ადექი და აიღე შენი ჯვარი! ჩამოიფერთხე ქვეყნიერების მტვერი და გარეცხე სამოსელი… გამართე დაშვებული მხრები და ხმას ნუ დაუხშობ დადარაჯებულ სინდისს… იარე წინ და ნუ დატოვებ შენს ჯვარს პირველივე გზაჯვარედინზე. იარე წინ, მიუხედავად ტკივილისა, წვიმისა და ქარისა, სიცხისა და სიცივისა… იარე წინ! და თუ იგრძნობ, რომ ვეღარ მიდიხარ, თუ ჯვრის სიმძიმემ გადაგძალა და მაინც დაეცი, მაშინ იხოხე… ოღონდ გზა განაგრძე… იტირე, მაგრამ ჯვარს ხელი არ გაუშვა, არ დანებდე ტყუილს სიმსუბუქეზე, რადგან არ არსებობს ცოდვაზე დიდი ტვირთი ამქვეყნად…

და თუ სადმე, ცხოვრების უდაბნოში, ქვიშის ქარიშხალი თვალებს მტვრით ამოგივსებს, თუ გზიდან გადაუხვევ და უცხო ცეცხლთან, უცხო ხალხთან ერთად შემორჩები, ნუ ჩამოხვალ საკუთარ თავს ფსონად ცხოვრების კაზინოში… ზეცას ახედე! ის გიჩვენებს უკან დასაბრუნებელ გზას და შობის ვარსკვლავი გაგინათებს ბილიკს სახლისკენ… და თუ უკან დაბრუნებას გადაწყვეტ, გზად უსათუოდ იპოვი მტვერში დაგდებულ ჯვარს… ადექი და აიღე შენი ჯვარი! ეს ერთადერთი გზაა, ზეცაში რომ მიდის…

ნატალია ჩიქოვანი

"ქრისტიანული არხის" ჟურნალისტი.
რუსთავის სახარების რწმენის ეკლესიის წევრი.
მინი-თეატრალური დასის და საკვირაო სკოლის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ადამიანები ერთმანეთს წამლავენ უსიყვარულობით

8 აგვისტო, 2016

ღმერთი არასოდეს შეგაქცევს ზურგს…

27 აპრილი, 2019

გარდაქმნა ღმერთში

29 ოქტომბერი, 2018

ღვთიური სიცოცხლე შენში

23 თებერვალი, 2017

რამდენიმე მცდარი აზრი ვაჟკაცობაზე

7 თებერვალი, 2019

როგორ მოვიქცეთ მაშინ, როცა კანონი ერთს ამბობს, გული...

25 მარტი, 2020

უფალი – ჩვენი თავშესაფარი

12 ნოემბერი, 2021

გილოცავთ, კიდევ ერთხელ შემობრუნდა დედამიწა მზის გარშემო

30 დეკემბერი, 2022

უფალი წონის გულებს

4 ივნისი, 2019
Facebook

პოპულარული ბლოგები

  • 1

    რა ღირს ადამიანი?

    1 დეკემბერი, 2016
  • 2

    ნუ იქნები გარემოების მსხვერპლი!

    12 მაისი, 2022
  • 3

    პატიება

    5 დეკემბერი, 2015
  • 4

    სიკეთის ენა

    6 ნოემბერი, 2018
  • 5

    ღმერთი სიყვარულია

    24 მარტი, 2016


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ