ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

არჩევანი შენზეა!

თამუნა შაქარაშვილი 7 მარტი, 2017
თამუნა შაქარაშვილი 7 მარტი, 2017 324 ნახვა
324

ხანდახან ადამიანებს ვეუბნებით, რომ ღმერთის მიღმა გზა არ არსებობს, თუმცა არა! ღმერთის მიღმაც არის გზა, გზა, რომელსაც დაღუპვისკენ მივყავართ…

არის გზა, რომელიც გადარჩენისკენ მიდის და არის გზა, რომელსაც დაღუპვისკენ მივყავართ.

არჩევანი შენზეა!

შენი ნებაა, ვის გაჰყვები, შენი ნებაა, სად წახვალ. გინდა უფლის გზიდან წასვლა?!.. შეგიძლია წახვიდე, თუმცა გაქვს შესაძლებლობა, წინასწარ იცოდე  ამ არჩევანის შედეგები, რომელზეც ბიბლია ვრცლად საუბრობს.

ადამმაც მოისურვა გაესინჯა ღმერთის მიერ აკრძალული ნაყოფი მიუხედავად  იმისა, რომ წინასწარ იცოდა, თუ რა შედეგი მოჰყვებოდა ამას.

ჭეშმარიტება უბრალოდ არ გვიწესებს დოგმებს, ის ყოველი მხრიდან მიმოიხილავს საკითხს და შედეგებზე გვესაუბრება. ითხოვე სულიერი თვალები, რათა ისწავლო სწორი შეფასება. ხშირად ადამიანები ვხედავთ  წამიერს და  არ შეგვიძლია სულიერი თვალებით უფრო შორს დავინახოთ, მთლიანობაში აღვიქვათ რეალობა…

დააკაკუნე და გაგეღება, ეძებე და იპოვი. არ შეწყვიტო ღმერთის ძიება. დაუსვი საკუთარ თავს კითხვა, თუ რისთვის გინდა ცხოვრება?! რა მიზნები გაქვს?! რა გეგმებს სახავ?! ჩაიხედე საკუთარ გულში, გინდა, რომ ღმერთისთვის იცხოვრო?!

დაამყარე შენი იმედები იესოზე!  გადაწყვიტე შეიყვარო უფალი საკუთარ სურვილებზე და ოცნებებზე მეტად. უფალმა ჩვენდამი სიყვარული იმით დაამტკიცა, რომ მისცა თავისი მხოლოდშობილი ძე. ყოველივე, რაც გვაქვს, მისგან და მისით გვაქვს, მისით დგას მთელი სამყარო…

დაანახე უფალს, რომ გიყვარს იგი ცოდვაზე მეტად, დაანახე, რომ საკუთარ ოცნებებს და სურვილებს მასთან ურთიერთობა გირჩევნია… ვის უნდა გაჰყვე, როცა იესოს აქვს სიცოცხლის სიტყვები, როდესაც გადარჩენა ღმერთშია.

აირჩიე უკეთესი გზა. იესომ თქვა: „მე ვარ გზა, ჭეშმარიტება და სიცოცხლე, ვერავინ მივა მამასთან, თუ არა ჩემით.“

არჩევანი შენზეა!..

თამუნა შაქარაშვილი

ვარ ჟურნალისტიკის ყოფილი და ამჟამად იურიდიული ფაკულტეტის სტუდენტი. ჩემი ინტერესის სფერო ძირითადად ხელოვნება და სპორტია. მიყვარს სიმღერა, ცეკვა, თეატრალური სფერო და ასევე ფეხბურთი. :) დავდივარ თბილისის სახარების რწმენის ეკლესიაში და ჩართული ვარ ქება-დიდების გუნდის მსახურებაში. ძალიან მიყვარს საგალობლები და მათგან გამორჩეული Hillsong-ის „Transfiguration“-ია. ჩემი საყვარელი ბიბლიური მუხლებია: „ააცილე თვალი ჩემი ამაოების ცქერას, შენი გზით მაცოცხლე.“ (ფსალმუნი 118:37) და ესაია წინასწარმეტყველი 43:1-2: „...ნუ გეშინია, რადგან მე გიხსენი, შენი სახელით მოგიწოდე, ჩემი ხარ შენ. ვერ წაგლეკავენ წყლები და მდინარეები, როდესაც მათში გაივლი, რადგან მე ვიქნები შენთან. როცა ცეცხლში შეხვალ, არ დაიწვები და ალი არ მოგეკიდება.“ ჩემი საყვარელი და გამორჩეული ციტატა, რომელიც ქრისტიანულ ბანაკში მოვისმინე, არის: „დაიცავი უფლის მაღალი სტანდარტები და სტანდარტი დაგიცავს შენ!“ ვფიქრობ, რომ ერთადერთი, ვის მიმართაც სრულყოფილ სიყვარულს განვიცდი, რაც ადამიანს ძალუძს, ღმერთისადმი სიყვარულია, რადგან ის ერთადერთია, ვისიც შეიძლება მჯეროდეს, მრცხვენოდეს და სრულ ნდობას ვუცხადებდე; რადგან ის ერთადერთია, რომელმაც შეძლო, ჩემში გარდატეხა მოეხდინა და ვფიქრობ, ჯერ კიდევ გარდატეხის და უკეთესობისკენ სწრაფვის პროცესში ვარ.

მისწერე ავტორს ფეისბუკზე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

იქნებ

9 ივნისი, 2022

გამშორდი, უფალო, ვინაიდან ცოდვილი კაცი ვარ

14 სექტემბერი, 2015

სანთელი არაფერს კარგავს სხვა სანთლების ანთებით

8 ოქტომბერი, 2019

კეთილი უწყება – ახალი ამბავი, რომელიც არ ძველდება!

3 თებერვალი, 2021

იმედგაცრუების ძირითადი მიზეზი

31 ივლისი, 2019

არ მრცხვენია სახარების!

15 თებერვალი, 2017

შენ ცუდი არ ხარ!

21 ივნისი, 2021

ნუთუ ღმერთმა მიმატოვა?

9 ივნისი, 2021

ქარიშხლის შუაგულში

23 თებერვალი, 2021
Facebook

პოპულარული ბლოგები

  • 1

    ცოდვა – კაცობრიობის ერთადერთი პრობლემა

    12 თებერვალი, 2019
  • 2

    პატიება

    5 დეკემბერი, 2015
  • 3

    ნუ გეშინია უბრალოდ გწამდეს

    22 თებერვალი, 2017
  • 4

    სიკეთის ენა

    6 ნოემბერი, 2018
  • 5

    მეორე ლოყის მიშვერის შესახებ

    2 აპრილი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ