ოხ, იესო, კიდევ კარგი, დაკარგულის მოსაძებნად მოხვედი, თორემ მარადიულად დაკარგულად დავრჩებოდი.
კიდევ კარგი, სნეულთა განსაკურნებლად მოხვედი, თორემ სნეულებაში გავატარებდი ჩემს წუთისოფელს.
კიდევ კარგი, ცოდვილთა მოსახმობად მოხვედი, თორემ ვინ რად ისურვებდა ჩემისთანა კაცის ხმობას ოდესმე.
კიდევ კარგი, განსასჯელად კი არა, სახსნელად მოხვედი ქვეყნიერებისა, თორემ რანაირად უნდა გვემართლა თავი შენ წინაშე?
კიდევ კარგი, ცოდვილებთან ერთად ჭამდი, სვამდი და მეგობრობდი, თორემ სხვანაირად როგორ იქნებოდა შესაძლებელი ჩემისთანა გულის პატრონისთვის შენთან მოახლოება.
ოხ, ზეცის უფალო, კიდევ კარგი, ბაგაში შობა იკადრე, თორემ სხვაგვარად როგორ დავიჯერებდი, რომ ჩემს გულში შობასაც იკადრებდი, რომელიც ბაგაზე ბევრად უსუფთაო იყო.
ნაზარეველო იესო, ნათელო ქვეყნისავ, კიდევ კარგი, მოხვედი, თორემ ვინ გვიხსნიდა წყვდიადისგან?!
კიდევ კარგი, გვიწვდი ხელს ცოდვის წუმპიდან ამოსაყვანად, თორემ სხვაგვარად ვინ შეძლებდა შენ წინაშე სათნოდ ცხოვრებას?..
