ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

აღდგომის დროა!

თეონა მენაბდიშვილი 3 მაისი, 2019
თეონა მენაბდიშვილი 3 მაისი, 2019 101 ნახვა

კიდევ ერთმა ბრწყინვალე დღესასწაულმა ჩაიარა. დიასახლისები მორჩნენ სააღდგომო სუფრის გაწყობა-ალაგებას,  თითქმის ყველა გამოფხიზლდა, საფლავებზე დაღვრილი ღვინო გაშრა და ალაგ-ალაგ მოჩანს წითელი კვერცხები. ცხოვრების ჩვეულ რიტმს დაუბრუნდა ყველა. ახლა უფრო და უფრო იშვიათად გაიჟღერებს ქრისტეც და მისი აღდგომის ამბავიც, და თუ მაინც ვინმე ეცდება მასზე საუბრის წამოწყებას, ყველა ეჭვის თვალით შეხედავს და სასაუბრო თემის შეცვლას შეეცდება. აქ სეზონურია მორწმუნეობა. ყოველ წელს დგება დრო, როცა დამწუხრებული სახით, გრძელი სანთლითა და ათასი ეჭვით უნდა იდგე, თავს აიძულო ღამის გატეხა და თან კმაყოფილებით გაბრუებული ფიქრობდე, რომ ღმერთს აამე, მცირე ტანჯვით გადაფარე ხანგრძლივი განცხრომა და თვითგვემით გამოისყიდე ცოდვები.

მნიშვნელობა არ აქვს, რომელ მხარესაა საკურთხეველი, თუ ზურგით დგახარ ქრისტეს ჯვართან…

მნიშვნელობა არ აქვს, „მოკალი“ თუ არა ხორცი მარხვით, თუკი შენი სულიც მკვდარია…

მნიშვნელობა არ აქვს, გარდამოვიდა თუ არა ცეცხლი, თუკი მარადიულობა სწორედ ცეცხლში უნდა გაატარო…

უფალმაც ხომ იცოდა, რომ ვერასოდეს მივწვდებოდით ზეცას ჩვენი ძალისხმევით და სწორედ ამიტომ მოვიდა მიწაზე. აზრი არ აქვს მის გარეშე ქრისტიანობას,  თავად ქრისტეა აღდგომაცა და სიცოცხლეც.

და რომ მოგესმინათ ჩვენი უფლის ხმა…

რომ მოგესმინათ, როგორ გეძებთ მწყემსი კეთილი…

რომ აგხელოდათ თვალები და დაგენახათ თქვენი ცოდვები მასთან ერთად ჯვარზე გაკრული…

რომ გაგხსნოდათ  ყური სასმენად და გაგეგონათ გულის კარზე მისი კაკუნი…

ნუ გაიქვავებთ გულებს, შემობრუნდით ღმერთისკენ, ეძებეთ მისი სახე და მოუხმეთ უფლის სახელს გადასარჩენად.

„სხვაში არავისში არ არსებობს ხსნა, არც არის ცის ქვეშ ხალხისათვის მიცემული სხვა სახელი, რომლითაც გადავრჩებით.” (საქმეები 4:12).

„თუ შენი ბაგით აღიარებ, რომ იესო უფალია, და შენი გულით ირწმუნებ, რომ ღმერთმა აღადგინა იგი მკვდრეთით, გადარჩები. ვინაიდან გულით სწამთ სიმართლე, ხოლო ბაგით აღიარებენ გადასარჩენად.“  (რომაელთა 10:9-10).

კიდევ ერთმა ბრწყინვალე დღესასწაულმა ჩაიარა…

და იქნებ სწორედ ახლაა დრო ნამდვილი აღდგომის?!

 

თეონა მენაბდიშვილი

ქალაქ გორის „სიცოცხლის სიტყვის“ ეკლესიის წევრი.
TCM International Institute - ს სტუდენტი (თეოლოგიის ფაკულტეტი).
„საქართველოს ქრისტიან სტუდენტთა კავშირი.“ - ს თანამშრომელი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

შობა,იმედის ზეიმი

16 დეკემბერი, 2021

სიკვდილის სურნელი აქვს ამ დღეს, რათა სიცოცხლე ეგრძნო...

24 აპრილი, 2022

როცა გტკივა…

8 მარტი, 2016

გაიმარჯვე სწორი გადაწყვეტილების მიღებით!

9 ივნისი, 2022

იქ, არც ისე შორს – შენ გვერდით…

8 მარტი, 2016

მილიონი „პატარა“ სასწაული

16 დეკემბერი, 2021

მოისმინე მისი ხმა…

18 ივნისი, 2019

სწორად აღვლენილი ლოცვა

20 სექტემბერი, 2021

იესო, ხელი არ გამიშვა, შენთან ყველაზე უსაფრთხოდ ვარ…

8 ოქტომბერი, 2020
Facebook

პოპულარული ბლოგები

  • 1

    გულში არსებული სიცარიელე

    5 მარტი, 2020
  • 2

    ცოდვა – კაცობრიობის ერთადერთი პრობლემა

    12 თებერვალი, 2019
  • 3

    თვალი მიაპყარი ზეცას

    15 მარტი, 2019
  • 4

    „დაემორჩილე უფლის ხმას, წამოდექი!“

    9 ივნისი, 2022
  • 5

    ერთ ნაბიჯში

    26 ნოემბერი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ