„ამიტომ გეუბნებით, ყველაფერს, რასაც ლოცვაში ითხოვთ, გწამდეთ, რომ მიიღებთ და მოგეცემათ“
ხშირად ჩვენი პრობლემა არის ის, რომ „მიიღებთ და მოგეცემათ“ აუცილებლად იმწამსვე შედეგში უნდა გამოიხატოს, სინამდვილეში კი უარვყოფთ პროცესს, რომელსაც თავად ღმერთი უშვებს…
„გწამდეთ, რომ მოგეცემათ“
რაზეც არ უნდა ლოცულობდე, თუ ხარ სუფთა და ინახავ თავს წმინდად, იქონიე მოლოდინი, რომ აუცილებლად მიიღებ პასუხს და ღმერთი აკვირდება შენს ნაბიჯებს.
თუ დამადასტურებელი ნიშნები არ ჩანს, უბრალოდ დაიჯერე, რომ როგორც კი რწმენით ითხოვ, ღმერთი იმწამსვე პროცესშია ჩართული და რასაც სთხოვ მისი ნებით, ის იმოქმედებს.
ჩვენი ნიშანი ღმერთის სიტყვაა და არა ჩვენი განცდები.
შესაძლოა, პატარა ბავშვს დაბადების დღეზე მანქანა აჩუქონ, მაგრამ გამოყენებამდე საჭიროა, დრომ განვლოს, რათა შესაფერისი დრო დადგეს მისი გამოყენების.
თუ ღმერთის სიტყვა ამბობს, რომ „მოგეცემა“, ესე იგი, მოგეცემა.
თუ ღმერთი ამბობს, რომ გაკურთხებს, ესე იგი, ნამდვილად გაკურთხებს.
თუ ღმერთი ამბობს, რომ მოვა, ესე იგი, ნამდვილად მოვა.
თუ ღმერთი ამბობს, რომ გიერთგულებს, ესე იგი, ნამდვილად გიერთგულებს.
თუ ღმერთი ამბობს, რომ განგამტკიცებს, ესე იგი, ნამდვილად განგამტკიცებს.
თუ ღმერთი ამბობს, რომ აგავსებს, ესე იგი, ნამდვილად აგავსებს.
ღმერთი ადამიანი არ არის, რომ თქვას და არ აღასრულოს.
ერთადერთი, რაც ჩვენ გვჭირდება, არის ის, რომ ვენდოთ ღმერთის მიერ წარმართულ პროცესს.
მადლიერებით ვაუწყოთ მას ჩვენი სათხოვარი და გვჯეროდეს, რომ გვისმენს და აკურთხებს ჩვენს ყოველ საჭიროებას.
ლოცვის შემდგომ კი ისე მოიქეცი, როგორც მფლობელი და არა მომლოდინე, რადგან ღმერთმა თავად აღგვითქვა:
„რასაც ითხოვ, გწამდეს, რომ მიიღებ და მოგეცემა.“
ენდე ღმერთის მიერ წარმართულ პროცესს და დაელოდე, ამას აქვს ფასი.
