ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

აღთქმის ორი მხარე − პარადოქსების რელიგია

ნატალია ჩიქოვანი 4 ოქტომბერი, 2015
ნატალია ჩიქოვანი 4 ოქტომბერი, 2015 141 ნახვა
141

არსებობს პარადოქსები ქრისტიანობაში, პარადოქსები, რომლებიც მოქმედებს…

სწორედ ესაა ის, რაც უკვირს მთელ კაცობრიობას, სწორედ ეს „ალოგიკურობა“ აბნევს მის მოწინააღმდეგეთ.

ზუსტად ის, რაც სხვათათვის სასაცილოა, ხშირად მათი დადუმების მიზეზი ხდება, რადგან ის მოქმედია.

რაც უფრო მეტს გასცემ, მით უფრო მეტს მიიღებ; რაც უფრო მეტი ცრემლითა და ტკივილით თესავ, მით უფრო მეტს მოიმკი; რაც უფრო დაიმდაბლებ თავს, მით უფრო მეტად ამაღლდები; როცა დაზარალებულად დარჩენას ამჯობინებ რწმენის გამო, უფრო მეტად მოგებული აღმოჩნდები, ვიდრე გეგონა…

გარეშენი აღთქმის მხოლოდ ერთ მხარეს ხედავენ და ხშირად მათ თვალში სასაცილონიც კი ვჩანვართ, მაგრამ ქრისტიანმა იცის, ვინ დგას აღთქმის მეორე მხარეს…

ქრისტიანობა არ არის მოქცეული კანონზომიერების ჩარჩოებში, ის თავადაა ყველაზე დიდი კანონზომიერება სამყაროში. მას სხვა საზომი და ანგარიში აქვს, ამიტომაც არის ორი ლეპტა ას დინარზე მეტი; ამიტომაც უწოდა უფლის ანგელოზმა მშიშარა გედეონს მამაცი მეომარი; ამიტომაც იქნება ზოგიერთი პირველი − უკანასკნელი და პირიქით. ქრისტიანობა ის რელიგიაა, რომელიც რიტუალებსა და მკაცრ დოგმებში არ არის გამოკეტილი, რომელიც ხედავს ადამიანს „შინაგანად“ და მთლიანად, არა კონკრეტულ დროსა და მომენტში, არამედ წარსულიანად და მომავლიანად, ამიტომაც უწოდებს ღმერთი არაარსს არსს. ეს არაა წესები, რომლებიც უკეთ ცხოვრებას გთავაზობს, ეს ცვლილებაა, რომელიც სიცოცხლეს გჩუქნის…

ქრისტეს დროიდან დღემდე არის ერთი დიდი პარადოქსი, რომელსაც ვერავინ ვერაფერს უხერხებს. ეს დევნაა, რომელსაც ქრისტიანობის უფრო დიდი ზრდა მოსდევს. ქრისტიანობა, ერთდროულად, ყველაზე დევნილი და ყველაზე გავრცელებული რელიგიაა.

შესაძლოა ეკლესია დაარბიო, მაგრამ სახარება დარჩება უკუნისამდე; შესაძლოა მახარობელს ქადაგება აუკრძალო, მაგრამ ქრისტიანობა სიტყვებზე მეტია და ის მორწმუნეთა ცხოვრების მეშვეობითაც იქადაგებს… მათი სიკვდილის მეშვეობითაც, თუ ეს საჭირო გახდა; შეიძლება ქრისტიანი მოკლა, მაგრამ მისი სიკვდილი რწმენის მოწმობა გახდება სხვათათვის… ეს რელიგიაა, რომელსაც სიკვდილის არ ეშინია, არამედ იმარჯვებს მასზე.

ეს პარადოქსების რელიგიაა…

ნატალია ჩიქოვანი

"ქრისტიანული არხის" ჟურნალისტი.
რუსთავის სახარების რწმენის ეკლესიის წევრი.
მინი-თეატრალური დასის და საკვირაო სკოლის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ჩვენც იქ ვიყავით…

22 თებერვალი, 2017

სიცარიელე, სახელად უღმერთობა

27 ივნისი, 2019

წუთისოფლის მარილი

10 თებერვალი, 2015

თითოეული ჩვენგანია საქართველო…

21 ივნისი, 2019

კეთილი უწყება – ახალი ამბავი, რომელიც არ ძველდება!

3 თებერვალი, 2021

ილაპარაკე!..

21 მარტი, 2019

„ესწრაფე, მიემსგავსო ღმერთს”

28 აპრილი, 2022

ოცნებები ნაგავსაყრელიდან…

6 ნოემბერი, 2018

იქნებ

9 ივნისი, 2022
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    ცოდვა – კაცობრიობის ერთადერთი პრობლემა

    12 თებერვალი, 2019
  • 3

    უყურე ცხოვრებას ფხიზელი თვალით – დალევა გამოსავალი არ არის!

    22 აპრილი, 2015
  • 4

    რა ღირს ადამიანი?

    1 დეკემბერი, 2016
  • 5

    ღმერთი სიყვარულია

    24 მარტი, 2016


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ