ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

მე არ დავსრულდი…

მარიამ ბაიდაშვილი 20 დეკემბერი, 2019
მარიამ ბაიდაშვილი 20 დეკემბერი, 2019 164 ნახვა
164

გამარჯობა,

არის აქ ვინმე? ერთი წუთით მომისმინე…

მე აქ ვარ, მტკივა, მეტისმეტად მტკივა, გაუსაძლისად, ისე, რომ ბაგეს ვეღარ ვხსნი, საუბარი აღარ მინდა.

გუშინ ღამით სიკვდილს გადავურჩი, ერთი ნაბიჯიღა მაკლდა და დავსრულდებოდი.

დავსრულდებოდი…

დასრულდებოდა დედა, დასრულდებოდა მეგობრობა, დასრულდებოდა ის ომი, რომელშიც ვიმყოფებოდი, მაგრამ ამ ომში მარტო მე კი არა, ყველა უთუოდ დაეცემოდა, გარდა ტკივილებისა, გარდა დარდებისა, რადგან მე აღარ ვიქნებოდი; მე, ვისაც შეეძლო, რომ გაეძლო, არა საკუთარი თავის გამო, არამედ იმ ადამიანებისთვის, ვისაც ჩემი არყოფნა მოკლავდა.

ჩემი დასრულება მოკლავდა დედას, ჩემს თანაკლასელს, მამას, ჩემს ძმას, რომელიც სახლში მელოდება, დას, რომელსაც ვჭირდები, მეზობელს, რომელსაც ისედაც ათასი დარდი აწევს გულზე.

ჰო, კიდევ, ყველაზე მეტად ჩემს ძაღლს მოკლავდა ჩემი არყოფნა, მას მხოლოდ მე ვაჭმევ.

მე აქ ვარ, მხოლოდ მე და შენ ვართ, არავინ გვისმენს და შემიძლია, ერთი სიმართლე გითხრა, რომელსაც არავის ვუმხელ. მომისმინე, იცი, ისე მინდა ხოლმე სხივისი გულის ტკენა ჩემი სიკვდილით, ზოგჯერ მშობლები ვერ იგებენ და ისე მინდა ხოლმე, რომ წავიდე, გავქრე, ვაიძულო იმ სამყაროში ყოფნა, სადაც მე არ ვარ, რომ გაიგონ, როგორი მნიშვნელოვანი ვიყავი… არა მარტო დედას ან მამას, მინდა ჩემს თანაკლასელს, ჩემს მეზობელს, ჩემს დას, ჩემს ძმას, ჩემს უახლოეს მეგობარს დავუმტკიცო ხოლმე, რომ უჩემო სამყარო მძიმე და საშინელია!

ჰო, მინდა ხოლმე, რომ ყველას სამაგიერო გადავუხადო ჩემი სიკვდილით, აი, ასეთი სუსტი და ეგოისტი ვარ.

იმის მაგივრად, რომ ძლიერი გოგო ვიყო, იმის მაგივრად, რომ სხვები დავიცვა, ვიხსნა ტკივილისაგან, იმის ნაცვლად, რომ ჩემი არყოფნის სევდისგან გადავარჩინო, მე სიკვდილს ვარჩევ, გავრბივარ და კიდევ უფრო მეტ დარდს ვტოვებ მათ წინ.

აი, დღეს აქ ვარ კიდევ ერთხელ გადარჩენილი, გუშინ მე არ დავსრულდი, ჰო, გუშინ მე მტკიცე გოგო ვიყავი, გუშინ მე ჩემი თავი სიკვდილისგან ვიხსენი და დღეს გმირი ვარ, იმიტომ, რომ სიცოცხლე გადავარჩინე, ეს სიცოცხლე მე მეკუთვნოდა, მაგრამ ხომ გადავარჩინე?..

გინდა, ისევ გითხრა რაღაც? მე მომეწონა ჩემი სიმტკიცე, ძლიერება, მე მომეწონა ჩემი თავის გადარჩენა.

იცი, შენ თუ დასრულდები, მეც მომკლავ, და გთხოვ, არ დასრულდე, იმიტომ, რომ მე სიცოცხლე ძალიან მინდა, იმიტომ, რომ გუშინ სულიერად მტკიცე, ძლიერი გოგო გავხდი, ჩემი სიცოცხლე გადავარჩინე და დღეს შენი სიკვდილით ნუღარ მომკლავ, გადამარჩინე, გევედრები, გადამარჩინე მეც და შენი თავიც.

მერე მოდი და მითხარი, როგორ გადარჩი, მე კი იმას მოგიყვები, თუ როგორ ვაგრძელებ სიცოცხლეს.

აქ ვარ და გელოდები, რომ გადამარჩენ.

მარიამ ბაიდაშვილი

ქალაქ გორის ევანგელურ-პროტესტანტული ეკლესიის წევრი.
ეკლესიის მგალობელთა გუნდის მსახური.
ილიას სახელმწიფო უნივერსიტეტის სტუდენტი

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

მძიმე თუ წერტილი?!…

4 ოქტომბერი, 2015

ცხოვრება მშვენიერია

10 თებერვალი, 2020

ჩვენისთანა ბედნიერი… – წერილი ახალგაზრდებს

14 მაისი, 2018

რას ხედავ შენ?

12 იანვარი, 2021

საუბარი ღმერთთან

4 მაისი, 2018

ილაპარაკე!..

21 მარტი, 2019

ძველმა განვლო? ყოველივე ახალია?!

27 სექტემბერი, 2019

უფლის წუხილი დაკარგულ კრავზე

15 მაისი, 2018

გონივრული მიდგომა წმინდა წერილის მიმართ. პრაქტიკული რჩევები ბიბლიის...

26 აპრილი, 2020
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    პატიება

    5 დეკემბერი, 2015
  • 3

    ცოდვა – კაცობრიობის ერთადერთი პრობლემა

    12 თებერვალი, 2019
  • 4

    მეორე ლოყის მიშვერის შესახებ

    2 აპრილი, 2019
  • 5

    რა ღირს ადამიანი?

    1 დეკემბერი, 2016


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ