ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ნუ ცხოვრობ წარსულით, წინ მომავალია!

თამუნა შაქარაშვილი 24 აპრილი, 2017
თამუნა შაქარაშვილი 24 აპრილი, 2017 643 ნახვა
643

ადამიანები ხშირად ამახვილებენ ყურადღებას წარსულში დაშვებულ შეცდომებზე.

რა თქმა უნდა, შეცდომების დაშვება არ არის კარგი, მაგრამ ამას უარყოფითთან ერთად დადებითი მხარეც აქვს. კარგია, როდესაც ვხვდებით ჩვენს შეცდომებს და მათი მეშვეობით ვსწავლობთ. ცხადია, ჩვენ მიერ დაშვებული შეცდომები უნდა მოვინანიოთ და  თუ შესაძლებელია, გამოვასწოროთ კიდეც, თუმცა წარსულის შეცდომებს არ უნდა მივცეთ უფლება, რომ განგვისაზღვროს მომავალი ცხოვრება.

ქრისტეს სისხლი წარსულში დაშვებულ შეცდომებზე ბევრად აღმატებულია, ამიტომ ის გვწმენდს ჩვენ ყოველგვარი ცოდვისგან და ღმერთი არც ერთ მათგანს აღარ გვიხსენებს.

გავიხსენოთ, რას ეუბნება იესო მარიამ მაგდალინელს: „გეპატია შენი ცოდვები. წადი და აღარ შესცოდო.“

ქრისტე თავისი სისხლით გვწმენდს და ივიწყებს წარსულს, თუმცა ამით არ უნდა ვისარგებლოთ და არ უნდა განვაგრძოთ შეცდომების შეგნებულად დაშვება იმ იმედით, რომ იესო მაინც გვაპატიებს.

არ უნდა გვეშინოდეს, უფალს უნდა მივენდოთ, მისი ხელი არ დამოკლებულა და მისი აღთქმები არ შეცვლილა.

ჩვენ, ადამიანებმა, უნდა გადავლახოთ განსაცდელები, რათა გავძლიერდეთ და მიზანს მივაღწიოთ.

მთავარია გავიაზროთ, რომ შევცოდეთ უფლის წინაშე და რომ მონანიებისა და განახლების დროა.

გადაწყვიტე, რომ გაჰყვე მას!

შენ კონკრეტული მიზნისთვის ხარ გაჩენილი. საკუთარ შეცდომებზე ისწავლე და გამოცდილება გამოიყენე ჯერ საკუთარი თავის და შემდეგ სხვა ადამიანების წამოსაწევად, მათ გასამხნევებლად და დასარიგებლად. შენ შეგიძლია, დაშვებული შეცდომები კურთხევად შემოაბრუნო და ემსახურო სხვებს.

იყავი ის ადამიანი, რომელიც ქარის, წვიმისა და ნებისმიერი დაბრკოლების მიუხედავად მაინც იდგება.

იყავი ის ადამიანი, რომელიც ასჯერ დაცემული ას მეერთეჯერ წამოდგება და იტყვის: “დიდება უფალს! მე ვაგრძელებ ბრძოლას, რომელშიც უკვე გავიმარჯვე!”

ქრისტიანული ცხოვრება ჩვენი ყოველდღიური არჩევანი უნდა იყოს.

ყოველდღე აირჩიე უფალი და მას ემსახურე. მან ჯერ კიდევ მაშინ შეგვიყვარა, როდესაც ცოდვილნი ვიყავით და ეს არ ყოფილა დაბრკოლება მისთვის, უბრალოდ ჩვენ უნდა გადავწყვიტოთ და უარი ვთქვათ ცოდვაზე.

შევიძულოთ ცოდვა!

ჩვენი რწმენა მის სიტყვებზე უნდა დავაფუძნოთ, რადგან მისი სიტყვა ჭეშმარიტია.

(ესაია 43:1,2) “ნუ გეშინია, რადგან მე გამოგისყიდე, მოგიწოდე შენი სახელით; ჩემი ხარ შენ. როდესაც გაივლი წყლებში, მე შენთან ვარ, მდინარეებში გატოპავ და ვერ წაგლეკავენ ისინი. ცეცხლში გაივლი და არ დაიწვები, მისი ალი არ მოგედება.“

არ დაგავიწყდეს, რომ  უფალი თავისი სიტყვის ერთგულია.

(ესაია 43: 18,19) “ნუ გაიხსენებთ წარსულს და მომავალზე ნუ იფიქრებთ, რადგან მე შევქმნი ახალს.“

უფალი შექმნის ახალ კაცს შენში! უფალი წაგიძღვება ყოველივეში. მან უკვე გაპატია და გითხრა, წადი და ნუღარ შესცოდავ.

შენ გეპატია ცოდვები, თუკი რწმენით მიიღე მისი სიტყვები და გულში ჩაიბეჭდე.

უფლის ხელი არ დამოკლებულა შენზე. აღიარე იესო ქრისტე შენს ღმერთად და მიეცი საშუალება, იუფლოს შენზე.

არ გეგონოს, რომ შეცდომები აღარ იქნება. რა თქმა უნდა, იქნება, რადგან ჩვენ ადამიანები ვართ, მაგრამ არ უნდა დავრჩეთ ამ მდგომარეობაში.

დაცემული ხარ? წამოდექი! ასჯერ რომ დაეცე, ასმეერთედ წამოდექი!

შენ უფლის შვილი ხარ!

არასდროს დანებდე!

თამუნა შაქარაშვილი

ვარ ჟურნალისტიკის ყოფილი და ამჟამად იურიდიული ფაკულტეტის სტუდენტი. ჩემი ინტერესის სფერო ძირითადად ხელოვნება და სპორტია. მიყვარს სიმღერა, ცეკვა, თეატრალური სფერო და ასევე ფეხბურთი. :) დავდივარ თბილისის სახარების რწმენის ეკლესიაში და ჩართული ვარ ქება-დიდების გუნდის მსახურებაში. ძალიან მიყვარს საგალობლები და მათგან გამორჩეული Hillsong-ის „Transfiguration“-ია. ჩემი საყვარელი ბიბლიური მუხლებია: „ააცილე თვალი ჩემი ამაოების ცქერას, შენი გზით მაცოცხლე.“ (ფსალმუნი 118:37) და ესაია წინასწარმეტყველი 43:1-2: „...ნუ გეშინია, რადგან მე გიხსენი, შენი სახელით მოგიწოდე, ჩემი ხარ შენ. ვერ წაგლეკავენ წყლები და მდინარეები, როდესაც მათში გაივლი, რადგან მე ვიქნები შენთან. როცა ცეცხლში შეხვალ, არ დაიწვები და ალი არ მოგეკიდება.“ ჩემი საყვარელი და გამორჩეული ციტატა, რომელიც ქრისტიანულ ბანაკში მოვისმინე, არის: „დაიცავი უფლის მაღალი სტანდარტები და სტანდარტი დაგიცავს შენ!“ ვფიქრობ, რომ ერთადერთი, ვის მიმართაც სრულყოფილ სიყვარულს განვიცდი, რაც ადამიანს ძალუძს, ღმერთისადმი სიყვარულია, რადგან ის ერთადერთია, ვისიც შეიძლება მჯეროდეს, მრცხვენოდეს და სრულ ნდობას ვუცხადებდე; რადგან ის ერთადერთია, რომელმაც შეძლო, ჩემში გარდატეხა მოეხდინა და ვფიქრობ, ჯერ კიდევ გარდატეხის და უკეთესობისკენ სწრაფვის პროცესში ვარ.

მისწერე ავტორს ფეისბუკზე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

შენ ცუდი არ ხარ!

21 ივნისი, 2021

უფალი – ჩვენი თავშესაფარი

12 ნოემბერი, 2021

მე მარიამი ვარ, ღვთისმშობელი

29 აგვისტო, 2018

რომ არა ჯვარი…

20 ოქტომბერი, 2020

რა კარგია, რომ მოხვედი, იესო

27 თებერვალი, 2020

იქ, არც ისე შორს – შენ გვერდით…

8 მარტი, 2016

წერილი ღმერთს

6 ნოემბერი, 2018

მზის ამოსვლა მისი ჩასვლის წამიდან იწყება

3 დეკემბერი, 2019

ღმერთი იბრძვის შენთვის

13 სექტემბერი, 2022
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • საუბარი ღმერთთან

    4 მაისი, 2018
  • 3

    ენდე ღმერთს

    11 მარტი, 2021
  • 4

    ნუ ცხოვრობ წარსულით, წინ მომავალია!

    24 აპრილი, 2017
  • 5

    სამყაროს სჭირდება ქრისტე!

    24 აპრილი, 2019


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ