რამდენიმე წლის წინ მე და მამაჩემი ბალს ვკრეფდით და ვაპირებდით, გაგვეყიდა.
როდესაც სრულად მოვკრიფეთ, რამდენიმესაათიანი კრეფის შემდეგ, ხილის მოსავალი იქვე დავაწყვე და ხელების დასაბანად გავეშურე.
უცბად, მამამ დამიძახა და მითხრა, მყიდველი საღამომდე ვერ მოვა და ჯობია, ჩრდილში შეინახო ბალი, რომ მზეზე არ გაფუჭდესო.
მივბრუნდი და დავიწყე ბლით სავსე ყუთების ჩრდილში გადატანა, და თან ფიქრებმა წამიღო…
ასეა ღვთის სიტყვაც, როდესაც ის მოდის შენს ცხოვრებაში, სრული ძალმოსილებით და სიდიადით მოდის, მაგრამ რამდენად ნაყოფიერი იქნება იგი შენი ცხოვრების მეშვეობით და სადამდე გაგყვება, მხოლოდ იმაზეა დამოკიდებული, თუ სად შეინახავ მას.
თუ მხოლოდ გონებაში შეინახავ, ლოგიკური აზროვნება ყოველთვის დააბრკოლებს ღმერთის ძალას, რომელიც არ ექვემდებარება ადამიანურ ლოგიკას; ხოლო თუ გულში ჩაიმარხავ, ის ყოველთვის შენთან იქნება და დროულ შემწეობას მოგივლენს უფლისას!..ფსალმუნი 118:11: „გულში ჩავიმარხე შენი სიტყვები, რათა არ შეგცოდო.“
