ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ერთი წინადადებით რომ შეგეძლოთ მადლიერების გამოხატვა სამყაროს წინაშე, რას დაწერდითო, მკითხეს.

იმას, რასაც ვფიქრობდი და ვგრძნობდი, როგორ ჩავტევდი ერთ წინადადებაში, არ ვიცოდი.

ეს მართლაც წინადადებაზე დიდი იყო, ეს მსჯელობა და ფიქრი გახლდათ საკუთარ თავთან.

ჩემთვის ეს სამყარო სწორედ ისეთი აღმოჩნდა, რომ მე შემძლებოდა, მეპოვა ჩემი თავი; დამენახა, როგორი ვარ რეალურად, რა შემიძლია, რა დროს რას გავაკეთებ და ზოგადად, რის გაკეთება შემიძლია ამა თუ იმ სიტუაციაში.

ამ სამყაროში მე შემეძლო მტკენოდა, მეტირა, მეყვირა, მეცინა, მეგრძნო, მეფიქრა, მებრძოლა, გამემარჯვებინა, მეზეიმა! – ამ და სხვა ბევრ რამეში მე ამ სამყაროში დავინახე ჩემი ძლიერი და დადებითი, და ასევე, სუსტი და მანკიერი მხარეები.

პირველი ადამიანები დიდებულ ადგილზე იმყოფებოდნენ, დიდებულ ღმერთთან, სადაც ვერ დაინახეს საკუთარი თავი, ვერ იკმარეს ის დიდებულება, ის სივრცე, ის სამყარო…

ყოველთვის ვგრძნობ, რომ აქაურობა ჩემთვის თითქოს არ არის ის კომფორტის ზონა, თუმცა მე აქ ვიპოვე ღმერთი; სწორედ აქ შევიყვარე ის; სწორედ ეს იყო ის ადგილი, სადაც ავირჩიე იგი!  

სწორედ აქ გავიცანი და შევიყვარე საკუთარი თავი; აქ მივიღე ჩემი „მე“; აქ გავაანალიზე, რომ მჭირდებოდა – მიმეღო უფალი ჩემს პირად მხსნელად; აქ მოვიდა ქრისტე ჩემს გადასარჩენად; სწორედ აქ დაიღვარა სისხლი ჩემი ცოდვებისთვის და მეც სწორედ აქ გამიჩნდა სურვილი ღმერთის განდიდების. სწორედ ამიტომ ვცდილობ, საკუთარი თავი გავხადო ისეთი, რომ დავბრუნდე იქ, სადაც უნდა ვიყო…

სწორედ ამიტომ, მადლობა ამ სამყაროს, რადგან ის არის ჩემთვის, როგორც ღმერთისგან ბოძებული შესაძლებლობა, რათა საკუთარი ნებით ავირჩიო, რა მინდა, ვის მინდა გავყვე, როგორი მინდა ვიყო, ვის ვემსახურო, ამიტომ მადლობა ამ ყველაფრისთვის.

ვფიქრობ, ეს სამყარო, რაც არ უნდა ცუდი იყოს, ჩემს შემთხვევაში, მაინც დიდებულია თავის თავში და სწორედ ამ სამყაროში დევს გარკვეული სიბრძნეც და სიღრმეც.

ის თავის მისიას ასრულებს, ჩვენ კი ყოველდღიურ არჩევანს ვაკეთებთ.

P.S. გამარჯობა, სამყაროვ! ვაპირებ, საკუთარი თავით გაგალამაზო.  ^_^ (მულტფილმიდან „დაფი დაკი“).

რამდენად ლამაზიც ვიქნებით მე და შენ (არა ხორციელად, არამედ სულიერად), იმდენადვე გალამაზდება სამყაროც, რადგან ჩვენ ვიქნებით ნათელი ამ სამყაროში.

კოლ. 3:4-5: „როდესაც გამოჩნდება ქრისტე, თქვენი სიცოცხლე, მასთან ერთად თქვენც გამოჩნდებით დიდებით. მაშ, მოაკვდინეთ თქვენი მიწიერი ასოები: სიძვა, უწმინდურება, ვნება, ბოროტი გულისთქმა და ანგარება, რაც კერპთმსახურებაა.“

ეს ჩვენი ბრძოლაა, ეს ჩვენი არჩევანი და გადაწყვეტილებაა!

კოლ. 3:12-14: „ამიტომ, როგორც ღვთის რჩეულებმა, წმინდებმა და საყვარლებმა, შეიმოსეთ მოწყალება, სახიერება, თავმდაბლობა, სიმშვიდე, სულგრძელობა. შეიწყნარეთ ერთიმეორე და მიუტევეთ ერთმანეთს. და ყოველივე ამას დაურთეთ სიყვარული, რომელიც ყველაფერს აკავშირებს და სრულყოფს.“ 

მიყვარხართ!..

თამუნა შაქარაშვილი

ვარ ჟურნალისტიკის ყოფილი და ამჟამად იურიდიული ფაკულტეტის სტუდენტი. ჩემი ინტერესის სფერო ძირითადად ხელოვნება და სპორტია. მიყვარს სიმღერა, ცეკვა, თეატრალური სფერო და ასევე ფეხბურთი. :) დავდივარ თბილისის სახარების რწმენის ეკლესიაში და ჩართული ვარ ქება-დიდების გუნდის მსახურებაში. ძალიან მიყვარს საგალობლები და მათგან გამორჩეული Hillsong-ის „Transfiguration“-ია. ჩემი საყვარელი ბიბლიური მუხლებია: „ააცილე თვალი ჩემი ამაოების ცქერას, შენი გზით მაცოცხლე.“ (ფსალმუნი 118:37) და ესაია წინასწარმეტყველი 43:1-2: „...ნუ გეშინია, რადგან მე გიხსენი, შენი სახელით მოგიწოდე, ჩემი ხარ შენ. ვერ წაგლეკავენ წყლები და მდინარეები, როდესაც მათში გაივლი, რადგან მე ვიქნები შენთან. როცა ცეცხლში შეხვალ, არ დაიწვები და ალი არ მოგეკიდება.“ ჩემი საყვარელი და გამორჩეული ციტატა, რომელიც ქრისტიანულ ბანაკში მოვისმინე, არის: „დაიცავი უფლის მაღალი სტანდარტები და სტანდარტი დაგიცავს შენ!“ ვფიქრობ, რომ ერთადერთი, ვის მიმართაც სრულყოფილ სიყვარულს განვიცდი, რაც ადამიანს ძალუძს, ღმერთისადმი სიყვარულია, რადგან ის ერთადერთია, ვისიც შეიძლება მჯეროდეს, მრცხვენოდეს და სრულ ნდობას ვუცხადებდე; რადგან ის ერთადერთია, რომელმაც შეძლო, ჩემში გარდატეხა მოეხდინა და ვფიქრობ, ჯერ კიდევ გარდატეხის და უკეთესობისკენ სწრაფვის პროცესში ვარ.

მისწერე ავტორს ფეისბუკზე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

არასწორი მოლოდინი

10 ივლისი, 2019

სად ინახავ უფლის სიტყვას?

1 თებერვალი, 2022

ტანჯვის ქუჩა

30 ივნისი, 2015

მარადისობისთვის შექმნილი – ადამიანი

2 თებერვალი, 2021

სიკვდილის სურნელი აქვს ამ დღეს, რათა სიცოცხლე ეგრძნო...

24 აპრილი, 2022

ცხოვრება მშვენიერია

10 თებერვალი, 2020

უდანაშაულოთა სისხლი…

12 ოქტომბერი, 2021

როგორ უნდა გამოიყურებოდეს ქრისტიანი სოციალურ ქსელში?!

2 ივლისი, 2018

ადექი და აიღე შენი ჯვარი!

9 ივნისი, 2016
Facebook

პოპულარული ბლოგები

  • 1

    მოიშორე ტვირთი…

    17 ოქტომბერი, 2019
  • 2

    რატომ, ღმერთო?!

    17 აპრილი, 2020
  • 3

    ცოდვა – კაცობრიობის ერთადერთი პრობლემა

    12 თებერვალი, 2019
  • 4

    გადამწყვეტი წუთი

    26 თებერვალი, 2020
  • 5

    განსაცდელში უფალს მიენდე

    27 სექტემბერი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ