ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

სანთელი არაფერს კარგავს სხვა სანთლების ანთებით

ნიკა ჯიაძე 8 ოქტომბერი, 2019
ნიკა ჯიაძე 8 ოქტომბერი, 2019 222 ნახვა

მოხუცებული თავდახრილი დაყრდნობოდა თავის ყავარჯენს. ერთი შეხედვით სათნოება იხატებოდა მის სახეზე, მაგრამ სევდის, ტკივილისა და ცრემლისთვისაც მოიპოვებოდა ადგილი. თითქოს დიდი ომი გამოიარაო, ახლა კი… მეზობელი მივიდა მასთან, შეხედა და…

– აი, ხომ ხედავ! რა შედეგი გამოიღო შენმა სიმართლის ქადაგებამ?! სიკეთე გინდოდა, შენს საჭმელს სხვებს უნაწილებდი; შენს ძალებს სხვებს ახმარდი; შენი ყველა ნიჭი და უნარი სხვა ადამიანებს მოახმარე; სხვისი ჭირი შენი ჭირი იყო; ადამიანებთან სიცოცხლის სიტყვა მიგქონდა; ყველაფრის გწამდა, ყველაფერს ითმენდი; ხშირად ნაწყენი, ხშირად დაჭრილი იმედს არ კარგავდი და საუკეთესოს ელოდი სხვათაგან.  აი, ახლა რა შედეგი მიიღე? შენ მარტო ხარ… ცრემლებით დაგსველებია კალთა. რა ამაოდ დახარჯულხარ.

– იცი, რატომ ვტირი? კიდევ მეტი შემეძლო! კიდევ მეტი! ახლა მოვხუცდი და როცა ჩემს ცხოვრებას გადავხედავ, ვფიქრობ, კიდევ რამდენი ადამიანის წამოყენება შემეძლო. იცი, სუნთქვას ერთხელ წყვეტს ადამიანი, მაგრამ მრავალჯერ კვდება. მე მინახავს ასეთები. ყოველდღე ვხედავდი, მაგრამ ხშირად გვერდს ვუვლიდი. არადა ერთი სიტყვა, ერთი გაღიმება სრულიად შეცვლიდა მათ ცხოვრებას… რა მოხდებოდა, რომ უფრო მეტისთვის მეთქვა: ყველაფერი უკეთ იქნება! ნუ დანებდები, წამოდექი, იბრძოლე!  მე მწამს, გაიმარჯვებ! ან იქნებ ისიც მიმეყოლებინა: შენ განსაკუთრებული ხარ! ეს ხომ სიმართლეა? დამერწმუნებინა ისინი, რომ ყველაზე ძვირფას ბრილიანტად წარმოედგინათ თავი. ალმასის პოვნა ურთულესია ბუნებაში, მაგრამ იგი არსებობს, მისი დამუშავება კი დიდი ხელოვნებაა და მთელი რიგი სამუშაო, მაგრამ შესაძლებელია. ალმასი ყველას შინაგანში იმალება, მთელი ღონე უნდა მოიშველიო, რომ უბრალო ქვად კი არა, ალმასად იქცე, ხოლო როცა აღმოაჩენ, რომ ალმასი ხარ, გჭირდება ის, ვინც დაგამუშავებს. ყველაზე დიდი ოსტატი კი თავად უფალია.

ეს რომ მეტისთვის მეთქვა…  რამდენის ღიმილს ვიხილავდი, რამდენის დაცემას ავირიდებდი, რამდენის სიკვდილს ავცდებოდი…  აი, ეს მატირებს.

დაიმახსოვრე:

სანთელი არაფერს კარგავს სხვა სანთლების ანთებით.

ნიკა ჯიაძე

აკაკი წერეთლის სახელმწიფო უნივერსიტეტის სტუდენტი განათლება: სოციალური მეცნიერებების მაგისტრი ინტერესის სფერო: წიგნები, მსოფლიო ისტორია, გამონათქვამები. საყვარელი ციტატები: თქვა იესომ: „ჭეშმარიტად გეუბნებით თქვენ: არავინ არის, ვინც ჩემი გულისთვის და სახარების გულისთვის მიატოვებს სახლს ან ძმებს, ან დებს, ან მამას, ან დედას, ან ცოლს, ან შვილებს, ან ყანებს, და ასწილად არ მიიღებს ახლა, ამ ჟამს, სახლებს, ძმებს და დებს, დედებს და შვილებს, და ყანებს ამ დევნასთან ერთად, ხოლო მომავალ საუკუნეში – საუკუნო სიცოცხლეს.” (მარკოზის სახარება) „პატივი ეცი ადამიანს და არა ტანსაცმელს.” „ზღვა იმიტომ არის დიდი, რომ პატარა მდინარეებს არ უგულებელჰყოფს.” „ყოველი ადამიანი საკუთარი ბედის არქიტექტორია.”

მისწერე ავტორს ფეისბუკზე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ნაპატიები ვარ…

17 სექტემბერი, 2021

მითხარი პრობლემა, უფალს მისი გადაჭრა რომ არ შეეძლოს

18 აპრილი, 2019

შეგვინდე, ღმერთო…

11 ოქტომბერი, 2021

დალურსმული ხელები

23 აპრილი, 2022

შორიდან მოსული ფიქრი

4 ნოემბერი, 2019

მოისმინე მისი ხმა…

18 ივნისი, 2019

აღმთქმელი სარწმუნოა!

30 მაისი, 2017

ძველმა განვლო? ყოველივე ახალია?!

27 სექტემბერი, 2019

მარადისობისთვის შექმნილი – ადამიანი

2 თებერვალი, 2021
Facebook

პოპულარული ბლოგები

  • 1

    გულში არსებული სიცარიელე

    5 მარტი, 2020
  • 2

    ცოდვა – კაცობრიობის ერთადერთი პრობლემა

    12 თებერვალი, 2019
  • 3

    თვალი მიაპყარი ზეცას

    15 მარტი, 2019
  • 4

    „დაემორჩილე უფლის ხმას, წამოდექი!“

    9 ივნისი, 2022
  • 5

    ერთ ნაბიჯში

    26 ნოემბერი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ