ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

სინათლის ძალით

თეონა მენაბდიშვილი 24 ივლისი, 2019
თეონა მენაბდიშვილი 24 ივლისი, 2019 250 ნახვა
250

ზოგჯერ, წყვდიადში გაწოლილი, სამყაროს შავბნელ კუთხეში, დასჯილი ბავშვივით ვდგავარ და ვცახცახებ.

ზოგჯერ სიბნელე ქარიშხალივით ცდილობს გულში შემოჭრას, ჩემი გული კი ძველი ქოხივით ირხევა, ჭრიალებს.

ბნელა… 

აქ ვარ, სადაც თავგაჭეჭყილი გველი გვირგვინით იფარავს დამარცხების კვალს. 

აქ ვარ, სადაც მზე შავია, სხივები კი – ცივი. 

აქ ვარ, ზეციდან შორს და ღმერთთან ახლოს.

თუმცა, წყვდიადში მოარულთა ღრიალი ვერ ფარავს უფლის ჩუმ ძახილს. ამ ცივ სამყაროში, მშობლის მიერ მოფარებული საბანივით თბილია მისი ჩურჩული. 

მაშინ, როცა ხელ-ფეხი სუსტდება და გული ცახცახებს, როცა მავიწყდება ზეცის სურნელი და ტკივილის ღრუბელი ფარავს თვალთახედვას, როცა იმედის ბოლო წვეთებიც დათვლილი მაქვს და მოლოდინის სარკმლებიც დახურულია, უფლის მხოლოდ ერთი სიტყვა, მხოლოდ ერთი შეხებაც კი შეშინებულ ბავშვს ძლიერ მებრძოლად მაქცევს.

კვლავ მოდის და ნალურსმევი ხელით მწმენდს ცრემლებს, მაღლა მაწევინებს თავს, ფარსა და მახვილს მაჭერინებს, ხელებს მიმაგრებს და ფეხებს ძალას აძლევს.

ის აქცევს ჩემს გულს სინათლის სამყოფლად, ის აქცევს უძლურებას თავის იარაღად, ის აქცევს ჩემს ჭრილობებს სხვების განკურნებად, ის აქცევს ჩემს ცრემლებს საბრძოლო ყიჟინად.

აქ, სადაც მოურიდებლად მეტმასნება ბოროტება… 

აქ, სადაც ღმერთისთვის ადგილი არ მოიძებნა… 

აქ, სადაც ცხოვრობენ ისე, თითქოს სულაც არ არიან „მკვდრები“…

აქ, წყვდიადში გაწოლილი სამყაროს შავბნელ კუთხეში, 

ვდგავარ სიბნელისაგან ვერდაძლეული სინათლის ძალით…

სიბნელისაგან ვერდაძლეული სინათლის ძალით ვდგავარ!..

თეონა მენაბდიშვილი

ქალაქ გორის „სიცოცხლის სიტყვის“ ეკლესიის წევრი.
TCM International Institute - ს სტუდენტი (თეოლოგიის ფაკულტეტი).
„საქართველოს ქრისტიან სტუდენტთა კავშირი.“ - ს თანამშრომელი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ნაციონალური ქრისტიანობა

18 მარტი, 2020

მილიონი „პატარა“ სასწაული

16 დეკემბერი, 2021

კვლავ დაგიბრუნდი, მამა

13 სექტემბერი, 2022

ნუ მომკლავ…

27 ოქტომბერი, 2020

რანაირები ხართ ადამიანები?!..

1 მარტი, 2018

LGBT – გაუკუღმართებული გრძნობები…

20 ივნისი, 2017

აღდგომამდე გზაა გასავლელი…

30 აპრილი, 2021

რომელ მეფეს მიუტევებია მიუტევებელი?

14 აპრილი, 2023

ყველაზე მნიშვნელოვანი წიგნი

15 მარტი, 2024
Facebook

პოპულარული ბლოგები

  • 1

    თუ უფლის ყურადღების მიპყრობა გსურს

    23 მარტი, 2020
  • 2

    სიცარიელე, სახელად უღმერთობა

    27 ივნისი, 2019
  • 3

    სიკეთის ენა

    6 ნოემბერი, 2018
  • 4

    ღმერთი არ არის საშუალება

    5 დეკემბერი, 2022
  • 5

    მედროვე ადამიანთა ქმედებები…

    22 მარტი, 2019


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ