ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ღმერთი არასოდეს შეგაქცევს ზურგს…

რომა შალამბერიძე 27 აპრილი, 2019
რომა შალამბერიძე 27 აპრილი, 2019 841 ნახვა
841

„მეცხრე საათი იქნებოდა, როდესაც დიდი ხმით შესძახა იესომ: ‘ელი, ელი! ლამა საბაქთანი?’ რაც ნიშნავს: ‘ღმერთო ჩემო, ღმერთო ჩემო, რად მიმატოვე?’“ (მათე 27:46).

ეს არის პირველი მოვლენა, როდესაც იესო მამას მიმართავს, როგორც ღმერთს.

მამა ღმერთმა მიატოვა იგი და პირი იბრუნა მისგან, როგორც სამყაროს სამართლიანმა განმსჯელმა, რადგან ღვთის თვალები მეტად სუფთაა იმისათვის, რომ უყუროს ბოროტებას და უკანონობას.

„მეტად სუფთაა შენი თვალები, რომ უმზიროს ბოროტებას და უკანონობას ვერ შეხედავ; რატომ უყურებ მტაცებლებს და დუმხარ, როცა ყლაპავს მართალს ბოროტეული?“ (აბაკუმი 1:13).

ზუსტად ეს წინასწარმეტყველება აღსრულდა ქრისტეში ჩვენთვის, როდესაც მამა ღმერთმა მიატოვა იესო და პირი იბრუნა მისგან.

თუ მამა ღმერთი არ გააკეთებდა ამას, მაშინ მას მოუწევდა, რომ დღევანდელ ცხოვრებაში ზურგი ექცია შენი ცოდვისთვის და მიეტოვებინე; მაგრამ რაკი იესოზე იყო ყველა ჩვენგანის ცოდვა, ეს სასჯელიც სწორედ მას დააკისრა სამყაროს შემოქმედმა და მოსიყვარულე ღმერთმა.

იესომ დაიკავა ჩვენი ადგილი ჯვარზე და მან მიიღო ყველა სასჯელი, რასაც ჩვენ ვიმსახურებდით. ახლა კი წერილის საფუძველზე ვხედავთ, რომ უფლის თვალები მოპყრობილია ჩვენკენ.

მიუხედავად იმისა, რომ სამყაროს მოსამართლე ღმერთმა პირი იბრუნა იესოსგან, როგორც მამა, ის განიცდიდა, რადგან მისი ძე კაცობრიობის ცოდვების გამო იყო ჯვარზე გაკრული.

სწორედ იესო გახდა კეთილსურნელება, რომლითაც ჩვენ გვეპატია ცოდვები.

ზუსტად ეს აღსრულდა ჯვარზე: ღმერთის წმინდა თვალებისთვის შეუფერებელი იყო, რომ ემზირა ცოდვილთათვის, ამიტომ აქცია ზურგი საკუთარ ძეს, რათა შენთვის შეხედვა შესძლებოდა. რადგანაც შენი და ჩემი ცოდვა იესომ იტვირთა, მან შეგვარიგა მამასთან და დაფარა ჩვენი ყველა დანაშაული.

ახლა ღმერთი გიღიმის და მისი თვალები მუდამ შენკენ არის მოპყრობილი, რაც არ უნდა დააშავო, თუკი გულით ითხოვ პატიებას და შემობრუნდები ცოდვილი გზიდან, ის არ გაქცევს ზურგს, რადგან იესომ საკუთარი ტანჯვით შენთვის ფასი გადაიხადა ჯვარზე. მან უკვე გააკეთა ეს, რათა სამუდამოდ შეერიგებინე მასთან.

მუდმივად მიდით ღმერთთან იესოს სახელით და მადლობა გადაუხადეთ მას ამ ძვირფასი საჩუქრისთვის და გახსოვდეთ, ღმერთი არასოდეს გაქცევთ ზურგს!..

„რადგან თქვა: ‘არ მიგატოვებ და არ დაგაგდებ.’“ (ებრაელთა 13:5).

რომა შალამბერიძე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

რატომ არ ხდება ოცნებები?

1 მაისი, 2019

კაცთა სისუსტე – ძილი!

17 სექტემბერი, 2019

პასუხი, რომელიც მოდის საჭირო დროს

28 იანვარი, 2021

სინათლე უკუნეთ სიბნელეში

5 ნოემბერი, 2018

ნახევარი სიმართლე სრული სიცრუეა

14 ივლისი, 2020

გვტკივა, ღმერთო…

19 მარტი, 2019

„დაემორჩილე უფლის ხმას, წამოდექი!“

9 ივნისი, 2022

მაღლიდან ჩამომავალი სიბრძნე…

6 ოქტომბერი, 2020

როგორ ვრცელდება ჭორები, ანუ რაც თვალს არ უნახავს...

30 მაისი, 2018
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    ცოდვა – კაცობრიობის ერთადერთი პრობლემა

    12 თებერვალი, 2019
  • 3

    ბარაბას ადგილზე რომ ვყოფილიყავით…

    14 აპრილი, 2023
  • 4

    ჩვენთვის ჯვარცმული მაცხოვარი

    30 აპრილი, 2021
  • 5

    რა ღირს ადამიანი?

    1 დეკემბერი, 2016


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ