ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ხელცარიელი მსახური

გიორგი ოდიაშვილი 27 აპრილი, 2021
გიორგი ოდიაშვილი 27 აპრილი, 2021 292 ნახვა

მინდა, გიამბოთ ერთი კეთილი მწყემსის შესახებ, რომლის დაბადების დღეც ახლოვდებოდა. მისი გუნდის წევრებმა გადაწყვიტეს ერთობლივი ძალით მისი გახარება და მისთვის გრანდიოზული საჩუქრის მიძღვნა.

დამეთანხმებით, მწყემსი (ხუცესი) ყველაფერს ხედავს და ხვდება და ახლაც, კეთილი მწყემსი მიუხვდა თავის მსახურებს ჩანაფიქრს და უთხრა, ამდენი წელია, რაც ერთად ვმსახურობთ უფლის სამკალში და თქვენგან არც სიყვარული მომკლებია ოდესმე და არც საჩუქრები, წელს კი გთხოვთ და გაფრთხილებთ, რომ არავინ არაფერი მაჩუქოს, გთხოვთ, დაემორჩილეთ ჩემს სიტყვასო.

მისი დაბადების დღე რომ დადგა, მწყემსი და მსახურები სუფრასთან ისხდნენ; ერთად განვლილ დროს იხსენებდნენ; მადლობდნენ ღმერთს მისი სიკეთისა და წინამძღოლობისთვის; გალობდნენ; მხიარულობდნენ და უცბად წამოდგა ერთი მსახურთაგანი, რომელსაც ეწადა თავის გამოჩენა და განაცხადა, რომ მწყემსისთვის საჩუქარი ჰქონდა. მწყემსს არ ესიამოვნა ეს ფაქტი, მაგრამ, როგორც სჩვევოდა, სიბრაზეს მალავდა ხოლმე და საჩუქარი მიიღო.

ამ მსახურის შემდეგ სხვა მსახური წამოდგა და მანაც მიართვა საჩუქარი მწყემსს, ამის შემდეგ კიდევ ერთი წამოდგა და მიართვა საჩუქარი, და ერთმანეთის მიყოლებით დგებოდნენ მსახურები და მწყემსს საჩუქრებს უძღვნიდნენ, სიყვარულისა და მადლიერების ნიშნად, რომ ის ზრუნავდა მათ სულიერ ცხოვრებაზე.

როდესაც ერთის გარდა ყველა მსახურმა დაასაჩუქრა მწყემსი, უნებლიეთ, ყველას ყურადღება მისკენ იქნა მიმართული, აინტერესებდათ, მან რა საჩუქარი მოუტანა, ხოლო ეს მსახური თავდახრილი და გაწითლებული იჯდა, რადგან არაფერი მოეტანა მწყემსისთვის, მისი ნათქვამისამებრ…

შეატყო რა მწყემსა თავის მსახურს სირცხვილის შეგრძნება, წამოდგა, კაბინეტში გავიდა, იქიდან ბიბლიით ხელში დაბრუნდა და თქვა:

„ყველას მადლობას მოგახსენებთ თითოეული საჩუქრისთვის, სიყვარულისა და პატივისცემისთვის, მაგრამ ყველაზე დიდი მადლიერება შენ მიმართ მაქვს (დავდახრილ მსახურს მიმართა), რადგან შენ ყველაზე დიდი საჩუქარი მაჩუქე დღეს – შენი მორჩილება, და წმინდა წერილიდან წაიკითხა ადგილი:

‘განა ისევე ეამება უფალს სრულადდასაწველნი და მსხვერპლნი, როგორც უფლის ხმის მორჩილება? აჰა, მორჩილება მსხვერპლზე უკეთესია და მოსმენა – ნებისმიერ საჩუქარზე.’“

(1-ლი მეფეთა 15:22).

იყავი მომსმენი და მორჩილი შენი მწყემსისა, რომელიც თავად ღმერთმა დააყენა შენი სულის დარაჯად.

გიორგი ოდიაშვილი

ქალაქ გორის „სიცოცხლის სიტყვის“ ეკლესიის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ღმერთის ნება იყო?

5 მარტი, 2019

შენ ტოვებ კვალს…

27 სექტემბერი, 2019

„მომეცი ძალა, კიდევ ერთი გადავარჩინო“

30 ნოემბერი, 2016

შენც შეეხე იესოს რწმენით

21 აპრილი, 2022

როგორ უნდა გამოიყურებოდეს ქრისტიანი სოციალურ ქსელში?!

2 ივლისი, 2018

ის მეტია, ვიდრე სიცოცხლე…

11 მარტი, 2016

პასუხი, რომელიც მოდის საჭირო დროს

28 იანვარი, 2021

რატომ, ღმერთო?!

17 აპრილი, 2020

შენ ხარ ჩემთან, ჩემს გადასარჩენად!

5 მაისი, 2020
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    პატიება

    5 დეკემბერი, 2015
  • 3

    იესო, ყველაზე ძლიერი მეგობარი

    15 ნოემბერი, 2022
  • 4

    მედროვე ადამიანთა ქმედებები…

    22 მარტი, 2019
  • 5

    ადამიანებს სცივათ და შიათ

    23 იანვარი, 2023


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ