"ქრისტიანის ბლოგის" ავტორი
ფიზიკურ სამყაროში გამოვლინებამდე, ქმედება გადის პროცესს, რომელიც მიმდინარეობს ადამიანის გონებაში, უფრო კონკრეტულად კი, ფიქრებში. იგი ორი ძირითადი ეტაპისგან შედგება: 1. ჩასახვა – იბადება ფიქრი მოქმედების …
www.QBlog.Ge
ავტობიოგრაფია
დავიბადე 1998 წლის 30 ნოემბერს. ვიზრდებოდი კასპის რაიონის სოფელ რენეში.
რაც თავი შევიცანი, ღმერთი ჩემი ცხოვრების ნაწილია. ჯერ სკოლაშიც კი არ დავდიოდი, როდესაც საკვირაო სკოლის შესახებ გავიგე და ჩემს მშობლებს გამოვუცხადე, რომ ამ სკოლაში უნდა მევლო. ისინიც სიხარულით დამთანხმდნენ. გახლდით საკვირაო სკოლის ძალიან აქტიური, მონდომებული მოსწავლე. ისტორიები, საზეპირო მუხლები თუ ფსალმუნები ყოველთვის ზეპირად ვიცოდი. ბავშვობიდან ჩემი საყვარელი ბიბლიური გმირი გახლდათ დანიელი.
ძალიან მიყვარდა და მიყვარს კითხვა, ხატვა, ბუნებაში ხეტიალი, ფიქრი, მუსიკის მოსმენა... მიყვარს ადამიანებთან ურთიერთობა, ნებისმიერი ასაკის წარმომადგენელთან, ყველასგან რაღაც ახალს ვსწავლობ. არ მიყვარს ერთფეროვნება და რუტინა, მიყვარს ცვლილებები, მიუხედავად იმისა, რომ ზოგიერთი მტკივნეულია.
ბევრი რამ მაქვს ნანახი და გადატანილი, თითქოს შუა ომში გავჩნდი და ფეხის ადგმიდანვე იარაღი დამაჭერინეს საბრძოლველად. მოკლედ რომ გითხრათ, ჩემი ცხოვრება ერთი დიდი ბრძოლაა, თუმცა არ მეშინია, ჩემს მხარეს სამყაროს შემოქმედი იბრძვის!
დაახლოებით 3 წლის წინ სასწავლებლად გადმოვედი თბილისში, ფსიქოლოგიის ფაკულტეტის სტუდენტი ვარ. პარალელურად დავდივარ და ვარ წევრი თბილისის სახარების რწმენის ეკლესიისა, ვარ მგალობელთა გუნდში და მთელი არსებით ვცდილობ, განვადიდო უფალი.
ყოველდღიურად მიახლოვებს ღმერთი, ყველაფრიდან მელაპარაკება და ყოველდღე მასწავლის ახალ გაკვეთილს. სრულიად გაცნობიერებულად ვამბობ: არცერთი დღე არ მჭირდება, თუ მასში ცხოვრება უფლის გარეშე, მისგან შორს მყოფს მომიწევს.
ყოველთვის ვცდილობ, უფლისთვის ხელმისაწვდომი ვიყო, ამას კი მასთან სიწრფელით ვახერხებ, კარს ვუღებ, ის კი მცვლის და მზრდის.
სიმართლე გითხრათ, ჩემთვის პარადოქსულია, ბიბლიიდან – წიგნიდან, რომლის ავტორიც სამყაროს შემოქმედია, მხოლოდ ერთი საყვარელი მუხლის არჩევა, თუმცა გაგიზიარებთ რამდენიმე მათგანს, რომელმაც ჩემზე ბოლო დროს განსაკუთრებულად იმოქმედა:
იესო ნავეს ძის 1-ლი თავის მე-9 მუხლი:
„განა ნაბრძანები არ მაქვს შენთვის, განმტკიცდი და ძლიერ გამხნევდი-მეთქი? ნუ შეძრწუნდები და შეთრთოლდები, რადგან შენთან იქნება უფალი, შენი ღმერთი, ყველგან, სადაც კი წახვალ!“
ესაიას 26-ე თავის მე-3 მუხლი:
„აზრებში მტკიცეს სრულყოფილ სიმშვიდეში დაიფარავ, რადგან შენზეა მონდობილი.“
იაკობის მე-4 თავის მე-7 მუხლი:
„ამიტომ დაემორჩილეთ ღმერთს, წინ აღუდექით ეშმაკს და გაიქცევა თქვენგან.“
რუსუდანის პოპულარული ბლოგები
რუსუდანის ახალი ბლოგები
-
-
„ისურვებს უფალი თავის მოშიშებს, თავისი წყალობის მოიმედეებს.“ (ფსალ. 146:11). „ისურვებს“ – ანუ, სასურველია უფლისთვის ეს პიროვნება. „ღვთისმოშიში“ – ეს ის ადამიანია, რომელიც აცნობიერებს, თუ ვის …
-
ახალი აღთქმა (ლუკას სახარება, მე-8 თავი) გვიამბობს სინაგოგის მთავრის, იაიროსის, შესახებ. ის იესოსთან მიდის, რადგან მისი ქალიშვილი სიკვდილის პირასაა; და მას სურს, გაჰყვეს იესო თავის …
-
უფლის წინაშე მეტად აღარ მიმაქვს ის სათხოვარი, რომელიც მგონია, რომ მჭირდება… დავიწყე ლოცვა, რომ ღმერთმა იმით მაკურთხოს, რასაც თავად მიიჩნევს საჭიროდ ჩემს ცხოვრებაში! უფალია ჩემი …
-
დილით, ჯერ კიდევ მზის ამოსვლამდე ავდექი, ნაჩქარევად მოვემზადე, მოსასხამი მოვიცვი და სწრაფი ნაბიჯით ტაძრისკენ გავემართე, რადგან ვიცი, დღეს იესო იქ აპირებს მოსვლას და ქადაგებას. საოცარი …
-
ხანდახან ღმერთი არ ცვლის შენს სიტუაციას, ვინაიდან შენს შეცვლას ცდილობს. მას სურს, თავისი თავი გაგაცნოს, რომ მის მიმართ შენი რწმენა, იმედი და ნდობა განგიმტკიცოს. • …