"ქრისტიანის ბლოგის" ავტორი
ცხოვრებაში არის მოვლენები, რომლებსაც ვერ აირიდებ, მათში უნდა გაიარო… თუმცა გაქვს არჩევანი, მარტო გაივლი თუ უფალს, შენს ღმერთს მოუხმობ, რათა შენთან იყოს… იმ დღეს მთელი …
www.QBlog.Ge
ავტობიოგრაფია
დავიბადე 1998 წლის 30 ნოემბერს. ვიზრდებოდი კასპის რაიონის სოფელ რენეში.
რაც თავი შევიცანი, ღმერთი ჩემი ცხოვრების ნაწილია. ჯერ სკოლაშიც კი არ დავდიოდი, როდესაც საკვირაო სკოლის შესახებ გავიგე და ჩემს მშობლებს გამოვუცხადე, რომ ამ სკოლაში უნდა მევლო. ისინიც სიხარულით დამთანხმდნენ. გახლდით საკვირაო სკოლის ძალიან აქტიური, მონდომებული მოსწავლე. ისტორიები, საზეპირო მუხლები თუ ფსალმუნები ყოველთვის ზეპირად ვიცოდი. ბავშვობიდან ჩემი საყვარელი ბიბლიური გმირი გახლდათ დანიელი.
ძალიან მიყვარდა და მიყვარს კითხვა, ხატვა, ბუნებაში ხეტიალი, ფიქრი, მუსიკის მოსმენა... მიყვარს ადამიანებთან ურთიერთობა, ნებისმიერი ასაკის წარმომადგენელთან, ყველასგან რაღაც ახალს ვსწავლობ. არ მიყვარს ერთფეროვნება და რუტინა, მიყვარს ცვლილებები, მიუხედავად იმისა, რომ ზოგიერთი მტკივნეულია.
ბევრი რამ მაქვს ნანახი და გადატანილი, თითქოს შუა ომში გავჩნდი და ფეხის ადგმიდანვე იარაღი დამაჭერინეს საბრძოლველად. მოკლედ რომ გითხრათ, ჩემი ცხოვრება ერთი დიდი ბრძოლაა, თუმცა არ მეშინია, ჩემს მხარეს სამყაროს შემოქმედი იბრძვის!
დაახლოებით 3 წლის წინ სასწავლებლად გადმოვედი თბილისში, ფსიქოლოგიის ფაკულტეტის სტუდენტი ვარ. პარალელურად დავდივარ და ვარ წევრი თბილისის სახარების რწმენის ეკლესიისა, ვარ მგალობელთა გუნდში და მთელი არსებით ვცდილობ, განვადიდო უფალი.
ყოველდღიურად მიახლოვებს ღმერთი, ყველაფრიდან მელაპარაკება და ყოველდღე მასწავლის ახალ გაკვეთილს. სრულიად გაცნობიერებულად ვამბობ: არცერთი დღე არ მჭირდება, თუ მასში ცხოვრება უფლის გარეშე, მისგან შორს მყოფს მომიწევს.
ყოველთვის ვცდილობ, უფლისთვის ხელმისაწვდომი ვიყო, ამას კი მასთან სიწრფელით ვახერხებ, კარს ვუღებ, ის კი მცვლის და მზრდის.
სიმართლე გითხრათ, ჩემთვის პარადოქსულია, ბიბლიიდან – წიგნიდან, რომლის ავტორიც სამყაროს შემოქმედია, მხოლოდ ერთი საყვარელი მუხლის არჩევა, თუმცა გაგიზიარებთ რამდენიმე მათგანს, რომელმაც ჩემზე ბოლო დროს განსაკუთრებულად იმოქმედა:
იესო ნავეს ძის 1-ლი თავის მე-9 მუხლი:
„განა ნაბრძანები არ მაქვს შენთვის, განმტკიცდი და ძლიერ გამხნევდი-მეთქი? ნუ შეძრწუნდები და შეთრთოლდები, რადგან შენთან იქნება უფალი, შენი ღმერთი, ყველგან, სადაც კი წახვალ!“
ესაიას 26-ე თავის მე-3 მუხლი:
„აზრებში მტკიცეს სრულყოფილ სიმშვიდეში დაიფარავ, რადგან შენზეა მონდობილი.“
იაკობის მე-4 თავის მე-7 მუხლი:
„ამიტომ დაემორჩილეთ ღმერთს, წინ აღუდექით ეშმაკს და გაიქცევა თქვენგან.“
რუსუდანის პოპულარული ბლოგები
რუსუდანის ახალი ბლოგები
-
-
• „მე ვარ სინათლე ქვეყნისა“ – ეს ქვეყნიერება სიბნელითაა მოცული, დამაბრმავებელი, დამღუპველი სიბნელით, ამ სიბნელის განდევნა კი მხოლოდ იესოს, მის სინათლეს ძალუძს! • „ვინც მე …
-
ეს ციტატა ბიბლიიდან გვეუბნება, რომ ჩვენ ომში ვიმყოფებით, თითოეული ჩვენგანი. ეს ომი არ არის რაიმე ხორციელისა და მატერიალურის, ან სხვა ადამიანების წინააღმდეგ, არამედ სულიერი ომია …
-
გამოსვლის წიგნის მე-17 თავი გვიამბობს ისრაელსა და ყამალეკს შორის ბრძოლაზე. ვკითხულობთ, რომ მოსეს განსაკუთრებული დავალება აქვს მიღებული უფლისგან: ის უნდა დადგეს ბორცვის თხემზე, დაიჭიროს უფლის …
-
საღამო ხანს, როდესაც მზე საბოლოოდ ჩაესვენა ჰორიზონტს მიღმა, ნავით შევცურე ზღვაში. ნაპირისგან საკმაოდ შორს ვიყავი, როდესაც საშინელი შტორმი ამოვარდა… ძლიერი ქარი, წვიმა, ჭექა-ქუხილი, ელვა… მრისხანე …
-
რამდენიმე წლის წინ, როდესაც უფალს განსაკუთრებით დავუახლოვდი, ის დამელაპარაკა. მან მომცა აღთქმა, აღთქმა, რომელიც მოიცავდა ჩემს ერთ-ერთ უმნიშვნელოვანეს მისიას ამქვეყნად. ის დამპირდა, რომ აღთქმას სისრულეში …