ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ღმერთი იბრძვის შენთვის

მაკო გამეზარდაშვილი 13 სექტემბერი, 2022
მაკო გამეზარდაშვილი 13 სექტემბერი, 2022 239 ნახვა
239

ღმერთის მიერ შექმნილ ველურ ცხოველებს შორის გველი ყველაზე ცბიერი იყო. მას სურდა, ევასთვის შეეთავაზებინა ისეთი რამ, რაც მის გულს ჩასწვდებოდა; საუბრით ხედვა შეუქმნა და მოანდომა, ღმერთს გასტოლებოდა; ასეთი მოტივის მქონე ევამ დაინახა, რომ საჭმელად კარგი ჩანდა იმ ხის ნაყოფი, თვალთათვის საამური და მიმზიდველი; მოწყვიტა ნაყოფი და შეჭამა.

ეშმაკის ხრიკია – დაგანახვოს, მოგანდომოს, გაგასინჯოს და შემდეგ მსჯავრი დაგდოს. ფხიზლად ყოფნა გვმართებს! დიდი მნიშვნელობა აქვს, რით ვკვებავთ ჩვენს გულებს, რას ვუყურებთ და რას ვუსმენთ. რითაც „ვიკვებებით“, მისითვე ვიმართებით; თუ ამ ყველაფერს წავუყრუებთ, სიბნელეში აღმოვჩნდებით, სადაც საკუთარი თავის გაუცხოება გვეწყება; ტკივილისგან დამძიმებულნი კი უღირსობის მორევში ჩაძირვას ვიწყებთ, ბრძოლის სურვილს ვკარგავთ და  სიღრმიდან ამოსვლის აზრს ვეღარ ვპოულობთ.

შეიძლება ამბობდე, მაინც იგივე შემეშლება, რა აზრი აქვს? მიეცი საკუთარ თავს შანსი, რომელიც ამ დღის მადლით მოგეცა. ალბათ, გაიფიქრე, რამდენჯერ უნდა მივცე შანსი?.. გიპასუხებ: იმდენჯერ, რამდენჯერაც შეგეშლება! როდესაც წრფელი გულით მოინანიებ შენს ცოდვას, ეშმაკს აღარ აქვს უფლება შენკენ თითის გამოშვერის; არავის აქვს უფლება, გამართლებული გაგასამართლოს.

ვინ ხარ შენ, სხვისი მონის განმკითხველო? თავისი უფლის წინაშე დგას იგი ან ეცემა; მაგრამ წამოყენებული იქნება, ვინაიდან ღმერთს ძალუძს მისი წამოყენება.

რომაელთა 14:4

შენთვის ძვირფასი სისხლია დაღვრილი, რომლის მეშვეობითაც ღმერთი ყოველთვის მზად არის, მიგიღოს, წამოგაყენოს და მოგცეს ძალა გამარჯვების. იესომ დაუმსხვრეველი ბორკილები დაამსხვრია, შეუძლებლიდან სასწაული დაგვანახვა. არასდროს თქვა, რომ ეს დასასრულია, ყოველი სუნთქვისას ახალი შანსი და ახალი შესაძლებლობა გეძლევა.

დროა, თქვა:

ნუ ხარობ ჩემზე, მტერო! რომც დავეცე, წამოვდგები, ბნელშიც რომ დავჯდე, უფალია ჩემი ნათელი!

მიქა 7:8

შენ გამარჯვებულ ომში ხარ, სადაც ღმერთი იბრძვის შენთვის!

მაკო გამეზარდაშვილი

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

სამყარო შენით იწყება

23 აპრილი, 2021

ღმერთი, რომელმაც ჩვენი შექმნა გადაწყვიტა…

31 იანვარი, 2018

კეთილი უწყება – ახალი ამბავი, რომელიც არ ძველდება!

3 თებერვალი, 2021

ბედნიერება ქრისტეშია!

30 ივნისი, 2021

სტანდარტული ქრისტიანობა საკმარისი არ არის

19 მარტი, 2019

შეგვინდე, ღმერთო…

11 ოქტომბერი, 2021

ცეცხლით და ძალით

6 ოქტომბერი, 2020

უდაბნოს იქით…

16 აპრილი, 2016

ტანჯვის ქუჩა

30 ივნისი, 2015
Facebook

პოპულარული ბლოგები

  • 1

    პატიება

    5 დეკემბერი, 2015
  • 2

    სიკეთის ენა

    6 ნოემბერი, 2018
  • 3

    მედროვე ადამიანთა ქმედებები…

    22 მარტი, 2019
  • 4

    უფალი ლაპარაკობს!

    23 დეკემბერი, 2020
  • 5

    ბარაბას ადგილზე რომ ვყოფილიყავით…

    14 აპრილი, 2023


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ