ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ეს შენთვის იყო…

გიორგი ოდიაშვილი 5 ოქტომბერი, 2018
გიორგი ოდიაშვილი 5 ოქტომბერი, 2018 337 ნახვა
337

ამ სასწაულებიდან არც ერთი არ ყოფილა ჩემთვის. მე არ ვსაჭიროებდი, რომ წყალი სისხლად გარდამექმნა, გომბეშოებით ამევსო მათი ქუჩები, მათი სახლები კი − მკბენარითა და ბუზანკლით. არ ვსაჭიროებდი, რომ მათი საქონელი ამომეწყვიტა, რომ წყლულით დამეფარა მათი სხეულები, რომ სეტყვით მომესპო მათი მოსავალი და რაც სეტყვას გადაურჩა, კალიებისთვის მიმეცა.

მე არ ვსაჭიროებდი არც სიბნელის მოხმობას და არც მათი პირმშოების ამოხოცვას. მე შემეძლო უბრალოდ მეთქვა და ყველა ისრაელიანი ერთ წამში აღმოჩნდებოდა ეგვიპტის გარეთ. ეს ყველაფერი ჩემი ერისთვის გავაკეთე, რათა, ერთ დღეს, როდესაც უდაბნოში მოსწყურდებოდათ, მოშივდებოდათ, თუ მტრის ჯარს დაინახავდნენ მათ წინააღმდეგ დაძრულს, გახსენებოდათ ყველაფერი, რაც მე მოვიმოქმედე, ჩემდამი რწმენაში განმტკიცებულიყვნენ და გზა განეგრძოთ აღთქმულისაკენ!

ზუსტად ასევე, მე არ ვსაჭიროებდი განკაცებას; არ ყოფილა ჩემთვის საჭირო არც სისხლი, არც ჯვარი. მე შემეძლო, უბრალოდ მეთქვა და შენ ერთ წამში იქნებოდი გამოსყიდული. არავითარი შობა, არავითარი ჯვარი, არავითარი სისხლი, მაგრამ ეს ყველაფერი შენთვის მოვიმოქმედე!

რათა ერთ დღეს, როდესაც მარტო იქნებოდი შენს ოთახში, სიბნელეში და მოგივიდოდა აზრი: „ღირს კი გაგრძელება?! უკვე მერამდენედ არ გამომდის ერთი და იგივე. იქნებ სჯობს, დავნებდე?!“ − გაგხსენებოდა ჯვარი და მოგესმინა პასუხი: „არ დანებდე!“

ეს შენთვის იყო, რომ, ერთ ღამეს, როდესაც მარტო გაუყვებოდი სიცივეში ცარიელ ქუჩებს და მოგივიდოდა აზრი: „ალბათ ღმერთმა მიმატოვა, ალბათ მოჰბეზრდა ჩემი გამოწვრთნა“, გაგხსენებოდა ჯვარი და გცოდნოდა, რომ მიყვარხარ, რომ არ დამისრულებია შენი გამოწვრთნა, რომ ფასით ხარ დახსნილი და არასდროს დაგთმობ!

ჯვარი − ეს შენთვის იყო. განმტკიცდი, წამოდექი, გზა განაგრძე, რადგან მე მჯერა შენი!

გიორგი ოდიაშვილი

ქალაქ გორის „სიცოცხლის სიტყვის“ ეკლესიის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ნუთუ ღმერთმა მიმატოვა?

9 ივნისი, 2021

ნუ განიკითხავ…

4 მაისი, 2016

სიკეთის ენა

6 ნოემბერი, 2018

რამ მომიყვანა შენთან?!

29 დეკემბერი, 2020

მოზარდული იმპულსები ნაწილი III

4 სექტემბერი, 2020

სიკვდილის სურნელი აქვს ამ დღეს, რათა სიცოცხლე ეგრძნო...

24 აპრილი, 2022

არ დაგავიწყდეთ ღიმილი

1 ნოემბერი, 2018

აირჩიე სიმართლე

31 მარტი, 2022

მაშინ, როდესაც კითხვები რჩება

4 თებერვალი, 2016
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    გოდება უდაბნოდან (ნაწილი მეოთხე)

    26 ნოემბერი, 2023
  • 3

    პატიება

    5 დეკემბერი, 2015
  • 4

    ნუ იქნები გარემოების მსხვერპლი!

    12 მაისი, 2022
  • 5

    მეორე ლოყის მიშვერის შესახებ

    2 აპრილი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ