ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

მიენდე აღმთქმელს, ნუ დაეჭვდები, იბრძოლე!

რუსუდან ილურიძე 30 მარტი, 2020
რუსუდან ილურიძე 30 მარტი, 2020 209 ნახვა

რამდენიმე წლის წინ, როდესაც უფალს განსაკუთრებით დავუახლოვდი, ის დამელაპარაკა. მან მომცა აღთქმა, აღთქმა, რომელიც მოიცავდა ჩემს ერთ-ერთ უმნიშვნელოვანეს მისიას ამქვეყნად. ის დამპირდა, რომ აღთქმას სისრულეში მოიყვანდა, უბრალოდ ჩემგან ნდობას, მორჩილებას მოითხოვდა… თანაც გამაფრთხილა: „ეს არ იქნება მარტივად გასავლელი გზა…“ ამ დღიდან მე უფალთან ერთად დავადექი ამ გზას… მრავალჯერ, ამ წლების განმავლობაში, მინდოდა დანებება, გაჩერება, ხანდახან უბრალოდ ბრძოლის აზრს ვეღარ ვხედავდი… ასეც მოვიქცეოდი, ამ გზაზე უფალი რომ არ ყოფილიყო ჩემ გვერდით ჩემი მარჯვენის დამჭერად, და ყოველი წაბორძიკებისას მას რომ არ დავეჭირე…

რამდენიმე დღის წინ ისევ მქონდა ეს მომენტი; ცოტა გავზარმაცდი, ამან კარები გახსნა ქურდისთვის, როგორც იცით, ეშმაკი მოსაპარად და მოსაკლავად მოდის… გგონიათ, ჩემ მიერ დატოვებული ღია კარი გამორჩა? არამც და არამც! ყველაზე მგრძნობიარე წერტილში დამარტყა, ისეთ ადგილას, სადაც ტკივილს ვერ ვუძლებ… ვერ აღგიწერთ, რა ვიგრძენი, სუნთქვა შემეკრა, ცრემლებს ვერ ვაკავებდი… უცებ შიგნიდან მკაცრი, მაგრამ მაინც თბილი ხმა გავიგონე: „შენ შეგიძლია, ახლა განაგრძო ტირილი, ან ადგე, იბრძოლო და შეცვალო!“ ტირილისგან დაღრეჯილი სახე წამიერად გამისწორდა, თითქოს სახეში შემომარტყეს და გამომაფხიზლესო! შემრცხვა, ნუთუ დამავიწყდა, ვის ეჭირა ამ გზაზე ჩემი ხელი, ვინ მომიყვანა აქამდე; ნუთუ დამავიწყდა მისი დანაპირები და ის, რომ როდესაც იტყვის, ასრულებს კიდეც! ასე ხდება, როდესაც მოვლენებს ჩვენი გადმოსახედიდან ვუყურებთ და არა უფლის თვალებით!.. ასე ხდება, როცა მავიწყდება, ვინ ვარ! გახსოვთ 12 მზვერავი, მოსემ რომ გაგზავნა აღთქმული ქვეყნის დასაზვერად?.. აქედან 10 შეშინდა, იმ ქვეყანაში ძლიერი ხალხი ცხოვრობს და ჩვენ ვერ შევძლებთ მათ დამარცხებასო, მაგრამ ორმა მათგანმა (იესო ნავეს ძე და ქალებ იეფუნეს ძე) თქვა: „…იმ ქვეყნის ხალხისა ნუ გეშინიათ, რადგან ჩვენი ნადავლია იგი. ვინაიდან განერიდათ მათ თავიანთი მფარველი, ჩვენ შორის კი თავად უფალია, ნუ გეშინიათ.“

განა ამ 12-მა ერთი და იგივე ქვეყანა არ დაზვერა?! თუმცა ერთი ნაწილი ხორციელი თვალით იყურებოდა და გარემოებებს აქცევდა ყურადღებას, მეორე კი უფლის თვალით უმზერდა მათ და იმას ხედავდა, რაც უფალმა აღუთქვა! ახლა შენ მოგმართავ: ვისი თვალებით უყურებ შენს აღთქმულ ქვეყანას? შენ გარშემო აღელვებულ ზღვას უმზერ? ტალღებს, რომლებსაც ზღვის შავბნელი სიღრმეებისკენ შენი ჩათრევა სწყურია, თუ შენ წინ მდგომ იესოს შესცქერი? ენდე უფალს და დაელოდე! შეიძლება ვერ ხედავ გამოსავალს, მაგრამ ნუ იფიქრებ, რომ ის არ არსებობს.

ბოროტს თავს ნუ მოატყუებინებ! იყავი მტკიცე აზრებში, ჩაეჭიდე შენი ზეციერი მამის აღთქმებს! გახსოვდეს: აღმთქმელი ერთგულია!

„აზრებში მტკიცეს სრულყოფილ სიმშვიდეში დაიფარავ, რადგან შენზეა მონდობილი.

სამარადისოდ მიენდეთ უფალს, რადგან მარადიული კლდეა უფალი ღმერთი.“

(ესაია 26:3-4).

გაიხსენე, ვინ ხარ! გაიხსენე, ვისი ხარ! ადექი და იბრძოლე!

რუსუდან ილურიძე

თბილისის სახარების რწმენის ეკლესიის წევრი.
სოფელ რენეს ეკლესიის, ახალგაზრდული მსახურების ხელმძღვანელი.
SEU - ს ფსიქოლოგიის ფაკულტეტის სტუდენტი.

1 კომენტარი

Tamar Ben yeshua 30 მარტი, 2020 - 13:41

ღმერთმა დაგლოცოს რუსუდან. ეხლა ძალიან მჭირდებოდა ეს სიტყვები. დიდი მადლობა

პასუხი

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

მისი სახელია იესო!

2 დეკემბერი, 2020

სამყაროს დასალიერის მიღმა…

16 დეკემბერი, 2020

მაღლიდან ჩამომავალი სიბრძნე…

6 ოქტომბერი, 2020

„მოგიხმობს სული ჩემი…“- წერილები ღმერთს

6 ივნისი, 2017

მადლიერების გზაზე მატარე, ღმერთო

1 თებერვალი, 2021

ერთი ცოდვილის ისტორია

2 მაისი, 2020

მისი ფურცლები სისხლივით ელავს…

11 სექტემბერი, 2020

ქარიშხლის შუაგულში

23 თებერვალი, 2021

არ გვეშველება, ვიდრე…

9 ნოემბერი, 2020
Facebook

პოპულარული ბლოგები

  • 1

    გულში არსებული სიცარიელე

    5 მარტი, 2020
  • 2

    თვალი მიაპყარი ზეცას

    15 მარტი, 2019
  • 3

    „დაემორჩილე უფლის ხმას, წამოდექი!“

    9 ივნისი, 2022
  • 4

    ცოდვა – კაცობრიობის ერთადერთი პრობლემა

    12 თებერვალი, 2019
  • 5

    ერთ ნაბიჯში

    26 ნოემბერი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ