ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

მილიონი „პატარა“ სასწაული

ნატალია ჩიქოვანი 16 დეკემბერი, 2021
ნატალია ჩიქოვანი 16 დეკემბერი, 2021 201 ნახვა
201

ზოგჯერ მთელი ცხოვრება ელი სასწაულს… მთელი ცხოვრება რაღაც განსაკუთრებულის მოლოდინში ხარ. წინასაშობაო გარემო კი უფრო მეტად გიმძაფრებს მოლოდინს. გჯერა, რომ რაღაც უფრო მეტისთვის დაიბადე, რაღაც განსაკუთრებულისთვის. ეს მოლოდინი ზოგჯერ მოტივს გვაძლევს, ზოგჯერ კი იმედს გვიცრუებს…

მივაბიჯებ საშობაო ანგელოზებით განათებულ ქალაქში და ვფიქრობ სასწაულებზე, რომლებიც არ მოხდა ჩემს ცხოვრებაში და ვიძინებ სასწაულებზე ფიქრში, რომლებიც მინდა, რომ მოხდეს მომდევნო წელს.

ერთხელ კი შემთხვევით დავიწყე ფიქრი იმაზე, რა არის სასწაული. და მართლაც, რა არის ის? რაღაც, რაც წესით არ უნდა ხდებოდეს… და ვინ იცის, რა უნდა ხდებოდეს „წესით“? როდის იყო, სამყარო ადამიანის დაწესებულ წესებს ემორჩილებოდა? როდის იყო, რომ ადამიანმა ზუსტად იცოდა, რამდენ ხანს იცოცხლებდა? არც არასდროს…

და რატომ არ არის სასწაული ყოველი დღის გათენება? თვალის ახელა ყოველ დილით? რატომ არ არის სასწაული ყოველი მოლეკულა ჟანგბადი ჩვენში? ყოველი ამოსუნთქვა, ყოველი ჩახუტება? ყოველი ცრემლი? რატომ არ არის სასწაული ყოველი ნაბიჯი, ყოველი გაღიმება? მეგობრობა ან სიყვარული?…

და მე აღმოვაჩინე მილიონობით „პატარა“ სასწაული ჩემს ცხოვრებაში და გული მადლიერებით ამევსო.

მადლობა უფალს ყოველი სასწაულისთვის, მილიონობით „პატარა“ სასწაულისთვის, რომელიც ჩვენს ცხოვრებას ქმნის.

გილოცავთ კაცობრიობის მთავარი მოვლენის, იესო ქრისტეს შობას და გისურვებთ მილიონი „პატარა“ სასწაულით ტკბობას, რომელიც უფალმა მისცა კაცთა მოდგმას საჩუქრად.

ყველაზე დიდი სასწაული კი თვითონ სიცოცხლეა, ამაზე მეტს რაღას უნდა ელოდო!

შობას გილოცავთ!

ნატალია ჩიქოვანი

"ქრისტიანული არხის" ჟურნალისტი.
რუსთავის სახარების რწმენის ეკლესიის წევრი.
მინი-თეატრალური დასის და საკვირაო სკოლის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

მე შევცოდე…

20 დეკემბერი, 2019

არის იმედი!

31 იანვარი, 2019

ვიდრე ჰხვალ, უფალო? ‒ ცხოვრება ახალ რეალობაში

20 მარტი, 2020

ნუ დააყოვნებ, ის გელოდება

4 სექტემბერი, 2020

მიუტევე არგუმენტის გარეშე

7 მარტი, 2023

“წადი იერუსალიმში!”

17 სექტემბერი, 2015

შაქარი, ზეციური მანანა და მინდობა ღმერთზე

17 მარტი, 2022

წერილი ღმერთს

6 ნოემბერი, 2018

ნუ მოირგებ ნიღაბს…

3 ივლისი, 2020
Facebook

პოპულარული ბლოგები

  • 1

    რა ღირს ადამიანი?

    1 დეკემბერი, 2016
  • 2

    ნუ იქნები გარემოების მსხვერპლი!

    12 მაისი, 2022
  • 3

    სიკეთის ენა

    6 ნოემბერი, 2018
  • 4

    პატიება

    5 დეკემბერი, 2015
  • 5

    ღმერთი სიყვარულია

    24 მარტი, 2016


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ