ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

მიუყვებიან ადამიანები ბილიკებს…

გუჯა ჩაჩანიძე 7 იანვარი, 2021
გუჯა ჩაჩანიძე 7 იანვარი, 2021 564 ნახვა
564

უამრავი ბილიკი და ნაკვალევი გასდევს ცხოვრებას.

ზოგი მკრთალია, ზოგი ღრმად გაკვალული, ზოგი მალევე წყდება და ბალახებში იკარგება. ზოგიც ისეთია, თვალს ვერ გააწვდენ, ზოგი ბილიკი ტალახიანია, ზოგიც მრუდე, ზოგიც სწორი.

არჩევანი ბევრია.

ადამიანები მიჰყვებიან ამ ბილიკებს ცხოვრების დასაწყისიდანვე, ისინი ირჩევენ მიმართულებას და ამ არჩევანის შედეგად, მათი ბილიკებიც იდენტური ხდება იმის, რომელ ბილიკსაც ისინი დაადგებიან ხოლმე.

არჩევანის გაკეთება არც ისე რთულია, მაგალითად, ღრმად გაკვალულ ბილიკს წარმატებასთან მიჰყავს ადამიანები, რომელსაც ეს ქვეყნიერება იძლევა. სავალი გზა კარგად ჩანს, მაგრამ სიარული რთულია.

ტალახიანი ბილიკი არც ისე მიმზიდველია, მაგრამ საოცარი ის არის, რომ მასზეც ბევრი ადამიანი დადის. ეს ის ბილიკია, რომელიც არც წარმატებას იძლევა და არც სიამეს და არც სადმე განსაკუთრებულ ადგილზე არ მიდის. ამ ბილიკზე მოტყუებული ადამიანები დადიან, რომელთაც უარი თქვეს მიზანზე და გაუცნობიერებლად დაადგნენ ბილიკს, რომელსაც არსად მიჰყავს, არამედ ტალახში ახრჩობს მათ.

ბილიკები, რომლებიც მალე წყდება, იმ ადამიანებისაა, რომელთაც დაიწყეს სიარული, მაგრამ შეწყვიტეს სხვადასხვა მიზეზის გამო. ეს ბილიკები ყველაზე უცნაური და შემაძრწუნებელი სანახავია ყველა იმ ბილიკის ფონზე, რომელიც ცხოვრებაში შეიძლება ნახო.

ბილიკები, რომელსაც თვალს ვერ გააწვდენ, ადამიანებისაა, რომელთაც ისტორიული კვალი დატოვეს ამ ცხოვრებაში.

ყველა ბილიკს თავისი მიმართულება აქვს და შეგიძლია, ნებისმიერს დაადგე. ყველა სადღაც მიდის, თუმცა სადღაც სრულდება.

მაგრამ არის ერთი ბილიკი, რომელიც ცხოვრების დასაწყისშივე არ იწყება, ეს ბილიკი სხვა ბილიკებს უერთდება ცხოვრების სხვადასხვა პერიოდში, და ადამიანებს აქვთ შესაძლებლობა, ამ ბილიკზე განაგრძონ სვლა.

ეს ბილიკი ვიწროა, მაგრამ მკაფიო. სავალად ძნელი ჩანს, მაგრამ აქვს ის, რაც სხვა ბილიკებს არ აქვს. ამ ბილიკს თავისი მეგზური ჰყავს, რომელმაც ზუსტად იცის, სად მიდის ეს გზა, რომელიც ეხმარება ნებისმიერ ადამიანს, რომ ამ ბილიკს არ გადაუხვიოს და მიაღწიოს ქალაქს, რომელიც ამ დედამიწაზე არ მდებარეობს და რომელიც არასდროს დაინგრევა. იგი ართმევს ტვირთს ადამიანებს და თავად ეხმარება სიარულში, ის წმენდს მგზავრებს ტალახისგან, ასწავლის გზას, ზრუნავს მათზე და წინ მიუძღვება.

ყველა ჩვენგანის ცხოვრებისეულ ბილიკზე, დროის გარკვეულ მონაკვეთში, ერთხელ მაინც გამოჩნდება ეს ბილიკი, რომელსაც მეგზური ჰყავს, და თითოეულ ჩვენგანზეა დამოკიდებული, გადავალთ თუ არა მის გზაზე და გავყვებით თუ არა მას, ვინც ამ გზის მეშვეობით მარადისობამდე მიგვიყვანს.

როცა დადგება ეს პერიოდი შენს ცხოვრებაში და მიხვდები, რომ არის დრო, გადახვიდე გზაზე, რომელსაც მეგზური ჰყავს – მხსნელი და უფალი იესო, სწორ არჩევანს გააკეთებ.

შედით ვიწრო კარიბჭით, რადგან ფართოა კარიბჭე და განიერია გზა, რომელსაც დაღუპვისკენ მიჰყავს, და მრავალნი არიან მასზე მოსიარულენი. რადგან ვიწროა კარიბჭე და რთულია გზა, რომელსაც სიცოცხლისკენ მიჰყავს და ცოტანი პოვებენ მას.

მათეს სახარება 7:14
გუჯა ჩაჩანიძე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ილაპარაკე, რომ დაგინახონ!

19 დეკემბერი, 2019

ღმერთი არს ჩვენთან!

24 ივნისი, 2019

რამ მომიყვანა შენთან?!

29 დეკემბერი, 2020

რომ არ ყოფილიყო შობა…

25 დეკემბერი, 2022

ღმერთი საკმარისია!

24 იანვარი, 2020

ნუ განსჯი სხვას

12 მაისი, 2022

სად არის, სიკვდილო, შენი ნესტარი? სად არის, ჯოჯოხეთო,...

1 მაისი, 2016

ერთის სიკვდილი საკმარისია!

19 დეკემბერი, 2019

შენ ცუდი არ ხარ!

21 ივნისი, 2021
Facebook

პოპულარული ბლოგები

  • 1

    ერთიდან შეგვქმნა…

    4 მაისი, 2016
  • 2

    მარტო არა ხარ!

    27 მარტი, 2017
  • 3

    და რა გვაბრკოლებს, რომ გადავრჩეთ?!

    18 სექტემბერი, 2018
  • 4

    მედროვე ადამიანთა ქმედებები…

    22 მარტი, 2019
  • 5

    იმედგაცრუების ძირითადი მიზეზი

    31 ივლისი, 2019


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ