ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

რომ არ ყოფილიყო შობა…

თეონა მენაბდიშვილი 25 დეკემბერი, 2022
თეონა მენაბდიშვილი 25 დეკემბერი, 2022 198 ნახვა
198

რომ არ ყოფილიყო შობა, ღმერთი თავად რომ არ ჩამოსულიყო მიწაზე, ახლაც ამაო მცდელობაში ვიქნებოდით, რომ როგორმე მას მივწვდომოდით ზეცად. 

რომ არ ყოფილიყო შობა, სიბნელეში მსხდომნი კვლავაც ვერ გავიგებდით სინათლის შესახებ.

რომ არ ყოფილიყო შობა, არ გვეცოდინებოდა, რომ ღვთის აღთქმამ შეიძლება გასტანოს საუკუნეები, ათასწლეულები და ყველაზე მოულოდნელ დროს მაინც აღსრულდეს.

რომ არ ყოფილიყო შობა, ვერასოდეს გავიგებდით, რამხელაა ზეციერი მამის ჩვენდამი სიყვარული და 

რამდენის გაღება შეუძლია მას კაცობრიობისთვის. 

არ გვეცოდინებოდა, რომ ღმერთს არ ძალუძს ჩვენი ტანჯვის შორიდან ყურება; არ შეუძლია, არ მოვიდეს, როცა გვჭირდება, და ვერ გავიგებდით, რა გზის გავლა შესწევს ჩვენთან მოსასვლელად. 

რომ არ ყოფილიყო შობა, არ გვეცოდინებოდა, რომ ის ჭეშმარიტად არის ემანუელი – ღმერთი ჩვენ შორის. 

ღმერთი კაცად ქცეული, ღმერთი დამდაბლებული, ღმერთი მონის ხატებით. 

რომ არ ყოფილიყო შობა, საკუთარი ძე, საკუთარი თავი ახალგაზრდა გოგონას ხელებისთვის რომ არ მიენდო ღმერთს, არ გვეცოდინებოდა, რამდენის მინდობა შეუძლია მას უბრალო ადამიანისთვის. 

და არ გვეცოდინებოდა, რამხელა საგანძურს შეიძლება ატარებდეს ერთი ადამიანი, როგორც მარიამის გარშემო მყოფებმა არ იცოდნენ ეს. 

რომ არ ყოფილიყო შობა, არ გვეცოდინებოდა, რომ ბნელი ღამე სინამდვილეში შეიძლება დიდი სინათლის დაბადება იყოს. 

არ გვეცოდინებოდა, რომ ერთმა უბრალო, არაფრით გამორჩეულმა ღამემ შეიძლება შეცვალოს კაცობრიობის ისტორია. 

რომ არ ყოფილიყო შობა და იმ ღამით ყრმა იესო ასე თავმდაბლურად გომურში, სიბინძურეში რომ არ დაბადებულიყო, ვერასოდეს შევძლებდით, ჩვენს გულებში შემოგვეპატიჟებინა იგი, ვერასოდეს ვიფიქრებდით, რომ ის ჩვენს გულებში დაბადებასაც იკადრებდა.

რომ არ ყოფილიყო შობა, 

ის რომ არ დაბადებულიყო, 

ჩვენ არ გვექნებოდა შანსი ხელახლა დაბადების. 

ის რომ არ გამხდარიყო ჩვილი, ჩვენ ვერასოდეს გავხდებოდით ღვთის შვილები. 

მაგრამ იმ საოცარ ღამით იყო შობა. 

იშვა ქრისტე, ემანუელი, კაცობრიობის მხსნელი.

თეონა მენაბდიშვილი

ქალაქ გორის „სიცოცხლის სიტყვის“ ეკლესიის წევრი.
TCM International Institute - ს სტუდენტი (თეოლოგიის ფაკულტეტი).
„საქართველოს ქრისტიან სტუდენტთა კავშირი.“ - ს თანამშრომელი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

შენ ხელახლა გამომძერწე…

7 აგვისტო, 2020

უფალი ჩემი მწყემსია

7 ნოემბერი, 2016

სწორად აღვლენილი ლოცვა

20 სექტემბერი, 2021

მისი ფურცლები სისხლივით ელავს…

11 სექტემბერი, 2020

ღმერთი, რომელმაც ჩვენი შექმნა გადაწყვიტა…

31 იანვარი, 2018

იესო ქრისტე გუშინ, დღეს და სამუდამოდ იგივეა

9 აპრილი, 2020

ზეციური სიყვარულის შეხება

10 დეკემბერი, 2020

პატიების ძალა

21 აპრილი, 2021

უფლის ხელია ჩემზე!..

6 იანვარი, 2022
Facebook

პოპულარული ბლოგები

  • 1

    თუ უფლის ყურადღების მიპყრობა გსურს

    23 მარტი, 2020
  • 2

    სიცარიელე, სახელად უღმერთობა

    27 ივნისი, 2019
  • 3

    სიკეთის ენა

    6 ნოემბერი, 2018
  • 4

    ღმერთი არ არის საშუალება

    5 დეკემბერი, 2022
  • 5

    მედროვე ადამიანთა ქმედებები…

    22 მარტი, 2019


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ