ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

სად გაექცევი მას?

ია ბობოხიძე 4 სექტემბერი, 2020
ია ბობოხიძე 4 სექტემბერი, 2020 418 ნახვა
418

სად გაექცევი თვალებს, რომლებიც მუდამ შენკენაა მოპყრობილი და სიყვარულით გიმზერს?..

სად გაექცევი ყურს, რომელიც შენს გულში ყველაზე ღრმად დაფარულ ჩურჩულს ისმენს?..

სად გაექცევი გულს, რომელსაც მხოლოდ საუკეთესო სურს შენთვის?..

სად გაექცევი კეთილ ნებას, რომელსაც ძალუძს არასწორი გადაწყვეტილების შენივე სასარგებლოდ ქცევა?

სად გაექცევი შემოქმედის ხელებს, რომლებიც ბილიკს გიმზადებს, რათა ფართო გზაზე სიარულისას მიმართულებათა სიმრავლემ არ აგიხვიოს თვალები და არ აგიბნიოს თავგზა?..

სად გაექცევი თითებს, რომლებიც გარდაქმნის ტრამალებს ყველაზე ნაყოფიერ, გაფურჩქნილ და ნაკადულებით სავსე მიწად?..

ან იქნებ შენი გულია უდაბნო? ანდაც შინაგანი ‒ გამოფიტული, უწყლო ტრამალი, გვალვისგან გამომშრალი და დახეთქილი…

ვინ იცის, როგორ გჭირდება მოსმენა სიტყვის: „წყალი აქ არის!“ და თავად წყალი?! ‒ ყველაზე მეტად.

ერთი ყლუპიც კი ალბობს დამწვარ, დაბუგულ შინაგანს… გახრიოკებულს და მიტოვებულს, რომელსაც ერთადერთი რამ სჭირდება ‒ კურნება, და ესეც წყალია, წყალი კი ალეგორია ღვთისა, რომელიც მაშინაც გიყურებს, როდესაც ყველაზე დიდ შეცდომებს უშვებ; რომელსაც მაშინაც ესმის შენი, როდესაც სიბინძურით აღსავსე ვეღარ ბედავ პატიების თხოვნას, მაგრამ ჩუმად მოთქვამ და ღაღადებ; რომელსაც უკვდება გული მაშინ, როდესაც მისგან განშორება შენს ტანჯვას იწვევს; რომლის კეთილი, სასურველი და სრულყოფილი ნება მხოლოდ სიტყვა არ არის, არამედ ქმედებით განმტკიცებული აღთქმა; და ბოლოს, ღმერთი, რომელიც განუწყვეტლივ იმაზე ზრუნავს, რომ ქვეყნიური საცდურებით აღსავსე დროში მყარად იდგე ცოდვაზე გამარჯვებული და ოდესღაც ნაკლოვანებებით დაუძლურებული შენი შინაგანი ამჯერად სისრულით გაფურჩქნილი ყვაოდეს.

სად გაექცევი უფალს ისე, რომ ვეღარ იპოვო? როგორ ან რატომ?

იგია ყოველივე ყოველივეში, მისი ხელის ნამოქმედარს კი გვამცნობს სამყარო.

დაიწყე შენს გულში სიცოცხლის წყაროების ძიება და იგრძენი, რომ ღვთის შემოქმედების ყველაზე დიდი ნაყოფი ხარ.

ია ბობოხიძე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

მასთან ახლოს

8 დეკემბერი, 2020

„გულები დაიგლიჯეთ და არა სამოსელი!“

27 აპრილი, 2019

გულში არსებული სიცარიელე

5 მარტი, 2020

მიეცით ნება მზის სხივებს – ანათოს თქვენს გულში...

22 ოქტომბერი, 2020

იქ, არც ისე შორს – შენ გვერდით…

8 მარტი, 2016

ზეციური სიყვარულის შეხება

10 დეკემბერი, 2020

ღმერთო, უშენოდ ვინ ვიქნებოდი?

4 მარტი, 2024

სამყარო შენით იწყება

23 აპრილი, 2021

გოდება უდაბნოდან (ნაწილი მეოთხე)

26 ნოემბერი, 2023
Facebook

პოპულარული ბლოგები

  • 1

    „გაიქეცი უფალთან შესახვედრად“

    27 ოქტომბერი, 2021
  • 2

    მისი სახელია იესო!

    2 დეკემბერი, 2020
  • 3

    პატიება

    5 დეკემბერი, 2015
  • 4

    ცხოვრება მშვენიერია

    10 თებერვალი, 2020
  • 5

    მედროვე ადამიანთა ქმედებები…

    22 მარტი, 2019


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ