ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

უფლის სიტყვა – ჩემში ჩამარხული ძალა

მარიამ ბაიდაშვილი 2 აგვისტო, 2019
მარიამ ბაიდაშვილი 2 აგვისტო, 2019 210 ნახვა
210

სამყაროს შუაგულში ვდგავარ და მოაბიჯებს ტკივილთა ჯარი, თითქოს ყოველი გზა ჩემკენ მოდის, სადაც ტკივილი დაიარება. ხალხის ხელები, ჩემკენ გამოშვერილი უსამართლოდ ბრალს რომ მდებს, უფრო ნათელს ხდის ჩემს სამყოფელს და სადაცაა, უსამართლობა ტკივილთან ერთად პირს დააღებს და ჩამყლაპავს.

ერთი ცალი ვარ, ერთი ცალი, სამყაროს შუაგულში მდგარი, სამართალს მტვერი დაედო და კაბა გაეცრიცა, ნაცნობმა სხეულებმაც ზურგი მაქციეს და გაუჩინარდნენ. საკუთარ სხეულზე არსებულ ტალახს იფხეკენ და მე მესვრიან, მაიძულებენ, მიწის მტვერი ავიკრა ტანზე.

სამყაროს შუაგულში, კლდის პირას მდგარს შიში მიპყრობს, შიში მარტოობის, შიში სამართლის დაკარგვის, შიში იმისა, რომ უიმედოთა ქალაქი შენებას გააგრძელებს ჩემ გარშემო.

თუმცა, ყველასგან მიტოვებულს, ერთი რამ არასდროს მტოვებს, ერთი რამ გამუდმებით ხმამაღლა ისმის ჩემს გულში, გულში ჩამარხული წერილი ღვთისა. იმედი იმისა, რომ სიმართლისა და ნუგეშის მეფე ამ შტორმში ჩამომძახის:

მე შენთან ვარ,

შენთან ვარ,

ნუ გეშინია!

და ვიხრები მიწად, ხელში ფსალმუნთა უჭკნობელ კონებს ვიღებ და ჩუმად წარმოვთქვამ:

შენ ხომ მაინც ჩემთან ხარ, უფალო,

შენ ხომ მაინც ხარ,

შენ ხომ მაინც ხარ.

და ტკივილი თანდათან უკან ბრუნდება, ჩემკენ უსამართლოდ გამოწვდილი ხელებიც ძირს ეშვება, კლდის ნაპირებს ვშორდები და შემიძლია, სამყაროს დასალიერში ჩავიდე იმის ძახილით, რომ უფალი ჩემთან, ჩემ გვერდით, ჩემთან ახლოს, ჩემს გულთან მდგარი ჩემთვის ფხიზლობს.

წერილი ღვთისა, რომელიც შენს გულში ჩამარხულა, საჭირო დროს ამოიზრდება და ყვავილივით გაიფურჩქნება, სურნელებას მოჰფენს შენს გულსა და გონებას, დათრგუნავს შენში ჩაბუდებულ უიმედობას, შიშს და კიდევ ერთი ისტორია დაიწერება იმის შესახებ, რომ მამა გესაუბრება; რომ მამა არ წყვეტს შენს ნუგეშისცემას; რომ მამა გამუდმებით შენს მხარეს დგას; მამა, რომელიც სამართლისა და სიმართლის ფერია; მამა, რომელიც სიყვარულის ფერია; მამა, რომელიც ნუგეშისა და იმედის ფერია.

როგორც დავითი იტყოდა თავის ფსალმუნებში:

„შენი მცნებები სიხარულია ჩემთვის – ჩემი მრჩეველნი არიან ისინი.“ (ფსალმუნი 118:24)

და მართლაც:

უფლის სიტყვა ჩემში ჩამარხული ძალაა, ძალა, რომელიც არასოდეს მტოვებს!..

 

 

მარიამ ბაიდაშვილი

ქალაქ გორის ევანგელურ-პროტესტანტული ეკლესიის წევრი.
ეკლესიის მგალობელთა გუნდის მსახური.
ილიას სახელმწიფო უნივერსიტეტის სტუდენტი

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

რას ხედავ შენ?

12 იანვარი, 2021

ახალი ქმნილება

21 თებერვალი, 2017

რა ღირს ადამიანი?

1 დეკემბერი, 2016

ნუ წააგებ სიცოცხლეს!!!

8 ნოემბერი, 2019

ერთიდან შეგვქმნა…

4 მაისი, 2016

უფალო, ჩემი მტვრიანი გულის დამლაგებელო

1 თებერვალი, 2022

მაცხოვრის სამარხად ქცეული გულები

1 მაისი, 2019

მოიშორე მწუხარება შენი გულიდან

4 ივლისი, 2022

შაბათი ადამიანისათვის

25 მარტი, 2020
Facebook

პოპულარული ბლოგები

  • 1

    მეორე ლოყის მიშვერის შესახებ

    2 აპრილი, 2019
  • 2

    რა ღირს ადამიანი?

    1 დეკემბერი, 2016
  • 3

    იბადები, ადამიანო

    1 ივნისი, 2023
  • 4

    პატიება

    5 დეკემბერი, 2015
  • 5

    სიკეთის ენა

    6 ნოემბერი, 2018


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ