ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

უფლის ხელია ჩემზე!..

თაკო გამგებელი 6 იანვარი, 2022
თაკო გამგებელი 6 იანვარი, 2022 259 ნახვა

დაკარგული ცხვარივით ვარ განწირული მშიერ მგელთათვის და უგზო-უკვლოდ დავეხეტები უსასრულო სიბნელეში. 

არსად ჩანს მწყემსი კეთილი და ამ მტანჯველმა მოლოდინმა დრო გააჩერა ჩემ გარშემო.

დღეები დღეებს მისდევს, თვეები – თვეებს, მე კი კვლავ სიბნელეში ვზივარ. 

თვალთა ზღურბლიდან მდუღარე ცრემლები ეშვება.

მესმის: „გამოდი…“

…თითქოს ლაზარესავით კვლავ შევიგრძენი სიცოცხლე და თავიდან დავიბადე. 

ცაბაოთ უფალმა თავად გამოძერწა ადამიანი, შეეხო მას და სული შთაბერა ტალახს. 

მას შემდეგაა, ყოველი ჩვენგანის სული დაუოკებლად რომ ილტვის ამ ზეციური შეხებისკენ.

გამოფიტულ მიწაზე ისე მჭირდები, როგორც წვეთი წყალი.

ამ მცხუნვარე უდაბნოში ისე მსურხარ, როგორც გრილი ნიავი.

დაცემული ისე ვინატრებ შენს თანდასწრებასა და შეხებას, როგორც მომაკვდავი – წუთით კვლავ სიცოცხლით ტკბობას.

მწყემსი კეთილი სულს გაწირავს ცხვართათვის და ამის დამტკიცება დაკარგულთათვის არასდროს ჰბეზრდება.

ის სიბნელეში არ შემოსულა, ჩემ გვერდით არ დამჯდარა და არ უთქვამს, შენი ტვირთის მზიდველი თავად გავხდებიო. მან ერთხელ უკვე აზიდა ჩემი წილი ჯვარი გოლგოთის აღმართზე და ჩემ მაგიერ დაღვარა სისხლი არა მხოლოდ ადამის მოდგმასთან შესარიგებლად, არამედ იმის გამოც, რომ ქრისტიანთა ცხოვრებაში დამდგარ სხვადასხვა „უდაბნოში“ მისი რწმენით ესაზრდოვათ ამ ადამიანებს, მის ხმას მიჰყოლოდნენ და თავად გამოსულიყვნენ სიბნელიდან.

დახმარების მოლოდინი უსასრულოდ გაგრძელდებოდა, რომ არ ამერჩია – ვყოფილიყავი გამარჯვებული იესოს სახელით!

სადაც არ უნდა იყო, როგორც არ უნდა გიჭირდეს, წრფელი გულით თქვი:

„უფალი ამ ყოველივეზე მაღლაა!  და მისი ხელია ჩემზე! რადგანაც ვიცი, 99 ცხვარს მიატოვებს და მე მომძებნის!  ამიტომაც, ვიღებ გამარჯვებას, რომელიც უფლისგანაა, რომლის სახელმაც დაამარცხა ბნელეთი და დაამსხვრია ჩემი ცოდვის ყოველი ბორკილი!..“

თაკო გამგებელი

ქალაქ გორის „სიცოცხლის სიტყვის“ ეკლესიის წევრი.
მეთორმეტე კლასის მოსწავლე.
ბიბლიური კოლეჯის სტუდენტი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ქრისტიანობანა

2 თებერვალი, 2017

ღმერთი არასოდეს შეგაქცევს ზურგს…

27 აპრილი, 2019

ნუ მოირგებ ნიღაბს…

3 ივლისი, 2020

რომ არა ჯვარი…

20 ოქტომბერი, 2020

აღთქმის ორი მხარე − პარადოქსების რელიგია

4 ოქტომბერი, 2015

ომი, როგორც დაფარულის გამოაშკარავება

17 მარტი, 2022

ჩემ მაგიერ…

4 მაისი, 2016

სინათლე მოდის ბრძოლით

3 დეკემბერი, 2020

ილაპარაკე, რომ დაგინახონ!

19 დეკემბერი, 2019
Facebook

პოპულარული ბლოგები

  • 1

    მოიშორე ტვირთი…

    17 ოქტომბერი, 2019
  • 2

    რატომ, ღმერთო?!

    17 აპრილი, 2020
  • 3

    ცოდვა – კაცობრიობის ერთადერთი პრობლემა

    12 თებერვალი, 2019
  • 4

    გადამწყვეტი წუთი

    26 თებერვალი, 2020
  • 5

    განსაცდელში უფალს მიენდე

    27 სექტემბერი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ