ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ჩაეჭიდე აღთქმას!

ნატალია ჩიქოვანი 17 სექტემბერი, 2015
ნატალია ჩიქოვანი 17 სექტემბერი, 2015 303 ნახვა
303

„ამ საწყობის ქვედა ნაწილში ვიყავი.ზუსტად აქ, 20 მეტრის ქვევით, სამი წლის განმავლობაში განმარტოებულ საკანში.

მთვარე და მზე არ მინახავს ამ დროის განმავლობაში. თითქმის ყოველდღე მცემდნენ. ახლა ბიბლიები და ჩემი წიგნებია აქ შენახული, ამაზე უკეთესს რაღას მოიმოქმედებდა ღმერთი!…“ (რიჩარდ ვურმბრანდი)

ქრისტიანის ცხოვრება რაღაცით კარდიოგრამის ფურცელს ჰგავს, აღმართს დაღმართი ცვლის, სწორ მონაკვეთს აქ ვერ ნახავ, თუმცა სიცოცხლეს სწორედ ეს უსწორმასწორო ხაზი „ქმნის“… თითოეული ჩვენგანი ცხოვრების გარკვეულ ეტაპზე დგება ეჭვის, ტანჯვის, დაცემის, ავადმყოფობისა თუ იმედგაცრუების პირისპირ და მაინც, სწორედ ესაა, რაც გვაძლიერებს. ჩვენზეა დამოკიდებული, რას ვხედავთ, პრობლემას თუ გამოწვევას.

ეჭვი

შენ თუ ფიქრობ, რომ ყველაფერი ისე არ მიდის შენს ცხოვრებაში, როგორც ოდესღაც ღმერთმა გითხრა, გახსოვდეს, რომ მიზნამდე მისასვლელი ჩვენი ხედვა და ღმერთის გზები განსხვავდება ერთმანეთისგან. ზოგჯერ პარადოქსულ და ალოგიკურ სიტუაციებში ვხვდებით. ხშირად კითხვაც გვიჩნდება: „რატომ, ღმერთო?!“ ხანდახან კი თითქმის ვრწმუნდებით, რომ ჩვენმა ცხოვრებამ გეზი იცვალა, მაგრამ თუ უფალში რჩები ყოველთვის, გახსოვდეს: „მტკიცედ უნდა მივყვეთ იმედის აღსარებას, ვინაიდან აღმთქმელი ერთგულია!“ (ებრ. 10:23)

ტანჯვა

იმ დროს, როცა იტანჯები და ურთულესი პერიოდია შენს ცხოვრებაში, ძნელია იფიქრო ნათელ მომავალზე, ძნელია თვალი მოსწყვიტო შენ ირგვლივ არსებულ რეალობას და მზერა ღმერთის დიდებულ აღთქმებს მიაპყრო. ძნელია… მაგრამ არა შეუძლებელი, რადგან წერილი ამბობს, რომ „მორწმუნისათვის ყველაფერი შესაძლებელია.“ (მარკ. 9:23)

დაცემა

იმ დროს, როცა ფიქრობ, რომ პრობლემა ან შეცდომა გაფერხებს ღვთის სასუფევლისათვის მსახურებაში, შეეცადე შეხედო ყველაფერს ღმერთის თვალით. მას შეუძლია შენი ნაკლი თავისი დიდების კიდევ ერთხელ დასამოწმებლად გამოიყენოს. ღმერთს შეუძლია შენი პრობლემა შენს ძლიერ მხარედ გარდაქმნას და სხვებისთვის კურთხევად გაქციოს. გამხნევდი და იმედიანად იყავი, რადგან „ღვთის მოყვარულებს და მისი განზრახვით მოწოდებულებს ყოველივე სასიკეთოდ ეწევათ“. (რომ. 8:28)

ავადმყოფობა

იმ შემთხვევაში, თუ მძიმე დიაგნოზს ებრძვი და სიკვდილის სუნთქვა სულ ახლოს გიგრძნია, ფარ-ხმალს ნუ დაყრი. სანამ ცოცხალი ხარ − იცოცხლე და გწამდეს, გწამდეს შეურყევლად იქამდე, სანამ არ იხილავ შენთვის დაწერილს: „მისი ჭრილობებით ჩვენ განვიკურნეთ…“ (ესაია 53:5)

იმედგაცრუება

იმ შემთხვევაში, თუ განგიცდია უარყოფა, სიმარტოვე და დამცირება, თუ ბევრჯერ მოგცარვია ხელი და ფიქრობ, რომ ყველაფერი დამთავრდა, თუ გგონია, რომ მომავალი აღარ არსებობს, მაშინ გაიხსენე უფლის სიტყვები და გამხნევდი: „მე განვიზრახე თქვენთვის სამშვიდობო გეგმები, რათა მოგცეთ თქვენ იმედი და მომავალი“. (იერ. 11:29)

უფლის სიტყვა არ არის მხოლოდ შავი ასოები თეთრ ფურცელზე დაწერილი, ის ცოცხალია, მოქმედია და ჩვენი ცხოვრების გარდაქმნის ძალა შესწევს. შენი ცხოვრების რთულ მომენტებში უფრო მეტად იკვებე უფლის სიტყვით, გამხნევდი და ჩაეჭიდე ღვთის აღთქმებს. აღმთქმელი ერთგულია!

ნატალია ჩიქოვანი

"ქრისტიანული არხის" ჟურნალისტი.
რუსთავის სახარების რწმენის ეკლესიის წევრი.
მინი-თეატრალური დასის და საკვირაო სკოლის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ისევ გათენდება…

11 ივნისი, 2015

მას სჯერა შენი…

13 მაისი, 2017

გაიარე უდაბნო რწმენით

15 ნოემბერი, 2022

რანაირები ხართ ადამიანები?!..

1 მარტი, 2018

აქციეთ რწმენა თქვენს გაზაფხულად

19 მარტი, 2021

მშვიდობა სძლევს ომს

1 მარტი, 2022

მეორე ლოყის მიშვერის შესახებ

2 აპრილი, 2019

განსაკუთრებული საჩუქარი

28 იანვარი, 2021

მამა, მე მოვედი…

19 ივნისი, 2015
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    ცოდვა – კაცობრიობის ერთადერთი პრობლემა

    12 თებერვალი, 2019
  • 3

    ჩვენთვის ჯვარცმული მაცხოვარი

    30 აპრილი, 2021
  • 4

    ბარაბას ადგილზე რომ ვყოფილიყავით…

    14 აპრილი, 2023
  • 5

    რა ღირს ადამიანი?

    1 დეკემბერი, 2016


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ