ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

მადლიერების გზაზე მატარე, ღმერთო

გუჯა ჩაჩანიძე 1 თებერვალი, 2021
გუჯა ჩაჩანიძე 1 თებერვალი, 2021 614 ნახვა
614

მადლიერების გზაზე მატარე, ღმერთო, რასაც არ უნდა გავდიოდე, მადლიერების გზას ნუ გადაუხვევს ჩემი გული.

რა განსაცდელსაც არ უნდა ვხვდებოდე, შენი წყალობა დამიფარავს.

რომელ ჭაობშიც არ უნდა ჩავვარდე, შენი მკლავი ამომიყვანს.

შიშსა და სირცხვილში შენ იქნები ჩემ გვერდით; ყველამ რომ მიმატოვოს, შენი მზერა მუდამ ჩემკენ იქნება მომართული.

ყველაზე ბნელ ადგილებში შენი ხმა მეტყვის, საით უნდა წავიდე; ტკივილში შენ მოგიახლოვდები, რადგან მკურნალი ხარ; სირცხვილში შენ გამამხნევებ, რადგან შენც გაგივლია სირცხვილის გზა.

შენი მეგობრების და დედის თვალწინ გლანძღავდნენ, ტანსაცმელი შემოგძარცვეს, აბუჩად აგიგდეს, შენზე მეტად ვინ უნდა გამიგოს?!

განა შეურაცხმყოფს ვინმე იმაზე მეტად, ვიდრე შენ შეურაცხგყვეს?! განა მცემს ვინმე იმაზე მეტად, ვიდრე შენ გცემეს?! ხორცი გეგლიჯებოდა ეკლიანი მათრახის დარტყმებისგან.

განა მატარებინებს ვინმე ჯვარს ქუჩებში და ის ხალხი დამიწყებს გინებას, რომლებსაც ვეხმარებოდი?

ტანჯვისგან გაწამებული მაინც ჩვენზე ფიქრობდი: აპატიე, მამა… მჯერა, რომ ეს სიტყვები მამის გულს ისე შეძრავდა, როგორც არასდროს.

სული გეხუთებოდა ჯვარზე და მაინც ადამიანურობის და ღვთიურობის ეტალონი იყავი.

რა უნდა გავიარო ისეთი, რომ შენ არ გაგევლოს? ამიტომ არ ვარ მარტო, რა განსაცდელიც არ უნდა იყოს ჩემს გზაზე.

მადლიერების გზაზე მატარე, ღმერთო, რასაც არ უნდა გავდიოდე, მადლიერების გზას ნუ გადაუხვევს ჩემი გული.

მადლობდეთ ყოველთვის ყველაფრისათვის ღმერთს და მამას ჩვენი უფლის, იესო ქრისტეს სახელით.

ეფესელთა 5:20
გუჯა ჩაჩანიძე

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

იყავი ნამდვილი!

27 მაისი, 2020

გახსოვდეს

14 თებერვალი, 2023

იბრძოლე ბოლომდე!

30 აპრილი, 2021

შენ ხელახლა გამომძერწე…

7 აგვისტო, 2020

ქრისტე – ჭეშმარიტება ათავისუფლებს!

6 ივლისი, 2022

არის სხვა გზაც….

28 თებერვალი, 2015

სამყაროს სჭირდება ქრისტე!

24 აპრილი, 2019

რამ მომიყვანა შენთან?!

29 დეკემბერი, 2020

რით კვებავ შენს ურთიერთობებს?

31 ივლისი, 2019
Facebook

პოპულარული ბლოგები

  • 1

    ნუ გეშინია უბრალოდ გწამდეს

    22 თებერვალი, 2017
  • 2

    ღმერთი არ არის საშუალება

    5 დეკემბერი, 2022
  • 3

    მისი სახელია იესო!

    2 დეკემბერი, 2020
  • 4

    სიკეთის ენა

    6 ნოემბერი, 2018
  • 5

    “განმკარგველი თუ მფლობელი?”

    16 დეკემბერი, 2021


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ