ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

თუ დაგიტოვებია კითხვა უპასუხოდ…

გიორგი ოდიაშვილი 27 იანვარი, 2020
გიორგი ოდიაშვილი 27 იანვარი, 2020 303 ნახვა
303

თუ დაგიგდია სიჩუმისათვის ოდესმე ყური ამ ხმაურით გაჟღენთილ ატმოსფეროში, რათა მეტის მოსმენა შეგძლებოდა?

თუ დაგიხუჭავს ოდესმე თვალები, რათა შეგძლებოდა მეტის დანახვა?

თუ შეჩერებულხარ, თუ დაგიხევია ოდესმე უკან, რათა უფრო წინ წასვლის ძალა მოგცემოდა?

თუ დადუმებულხარ ოდესმე, რათა უფრო მრავლისმთქმელი ყოფილიყავი?

თუ შეგიკავებია ბაგე, თუ გადაგიყლაპავს ოდესმე სიტყვა, რათა შენს სიბრძნეს ელაპარაკა?

თუ დაგიკარგავს ოდესმე ეგო, რათა გეპოვა მოყვასი?

თუ გიმჯობინებია ზარალი საკუთარი, ვიდრე ზარალი ძმისა?

თუ წაგიგია ოდესმე კამათი მეგობრის მოგების სანაცვლოდ?

თუ გამოცლილხარ ადამიანს გვერდიდან, რათა მისდამი ერთგულება დაგემტკიცებინა?

თუ წამოსულხარ ოდესმე, რათა შენი იქ ყოფნა უფრო ფასეული ყოფილიყო?

თუ გითქვამს თავის მართლებაზე უარი, რათა მტკიცედ დაგეცვა შენი სიმართლე?

თუ გითქვამს უარი ბრძოლაზე, რათა ომის მოგების შესაძლებლობა გქონოდა?

თუ მიშტერებიხარ ღამის ცას მეტი სინათლის დასანახავად?

თუ გაგისწორებია თვალი ჰორიზონტისთვის მარადისობის ამოსაცნობად?

თუ დაკვირვებიხარ თავს სარკეში მთელი სამყაროს დაკვირვების მიზნით?

თუ გიტირია ხმამაღლა, რათა სიხარული გამოგეხატა?

თუ ჩაგიყრია მიწაში, რათა აღმოცენებულით გეხარა?

თუ დაღლილხარ ბაღის მოვლისას, რათა მისი ნაყოფით მოგესვენა?

თუ გაგიცია ოდესმე, რათა მეტი დაგრჩენოდა?

თუ გითქვამს ოდესმე უარი ფულზე, რათა მეტი სიმდიდრე შეგეძინა?

თუ დაგინთია ოდესმე ცეცხლი სხვისი გათბობის მიზნით?

თუ მოგიმზადებია ოდესმე საჭმელი სხვის დასაპურებლად?

თუ ყოფილხარ ოდესმე უკანასკნელი, რათა შეგძლებოდა, პირველი ყოფილიყავი?

თუ გიქცევია ზურგი რელიგიისთვის, რათა ღმერთისგან არ მდგარიყავი ზურგით?

თუ დაშორებულხარ ოდესმე „ქრისტიანობას“, რათა ქრისტეს მიახლოვებოდი?

თუ მიწვდენილხარ მუხლებით მიწას, რათა შეგძლებოდა, ზეცას მისწვდომოდი?

თუ გილოცია ოდესმე უხმოდ, რათა შენი ლოცვა ხმამაღალი ყოფილიყო?

თუ დაგიმდაბლებია ოდესმე თავი, რათა შესძლებოდა ღმერთს შენი ამაღლება?

თუ გითქვამს საკუთარ ნებაზე უარი, რათა შეგესრულებინა ნება უფლისა?

თუ მჯდარხარ ოდესმე ცარიელ ფურცელთან სავსე გულის გადმოსაღვრელად?

თუ დაგიტოვებია კითხვა უპასუხოდ, რათა პასუხი ნათელი ყოფილიყო?

გიორგი ოდიაშვილი

ქალაქ გორის „სიცოცხლის სიტყვის“ ეკლესიის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

შენ შეგიძლია მთის დალაშქვრა

8 მაისი, 2020

თვალი უფლისა მის მოშიშებზეა…

12 ნოემბერი, 2021

სინათლემ სძლია სიბნელეს!

30 აპრილი, 2021

იესო, ყველაზე ძლიერი მეგობარი

15 ნოემბერი, 2022

ქრისტე სტუმრად (საშობაო ამბავი)

7 იანვარი, 2019

დააკვირდი, სად თესავ

16 დეკემბერი, 2022

არიან ადამიანები…

22 სექტემბერი, 2020

მილიონი „პატარა“ სასწაული

16 დეკემბერი, 2021

მზე შენს ცხოვრებაშიც გამოანათებს

9 აპრილი, 2022
Facebook

პოპულარული ბლოგები

  • 1

    ჩემგან იწყება ცვლილება

    4 მარტი, 2021
  • 2

    რაც არ ამირჩევია მე, მოწოდებაა შენგან

    4 ნოემბერი, 2021
  • 3

    სიკეთის ენა

    6 ნოემბერი, 2018
  • 4

    რა ღირს ადამიანი?

    1 დეკემბერი, 2016
  • 5

    ჩვენც იქ ვიყავით…

    22 თებერვალი, 2017


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ