ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

რწმენით მიღებული ფრთები

თაკო გამგებელი 2 დეკემბერი, 2020
თაკო გამგებელი 2 დეკემბერი, 2020 466 ნახვა
466

სიცივისგან გაყინულმა, ჩვეულებისამებრ, ცარიელ, მდუმარე ოთახში გავახილე თვალები. ჯერ კიდევ ძილისგან გაბრუებულმა, გაყინული ფეხები იატაკს შევახე. უცებ ამოვიოხრე, წარბები შევჭმუხნე და უკმაყოფილომ დავხედე იატაკს. ჩემი გალურჯებული ფეხის ტერფიდან წვეთ-წვეთად მოდიოდა ელვარე სისხლის წვეთები და მათი დაცემის ხმას მდუმარე კედლები გამაყრუებელ ექოდ გამოსცემდა. შუშის ნამსხვრევები სისხლით მთლად შეღებილიყო. ფეხის ტკივილი მაწუხებდა, მაგრამ ვერ გაბატონდა. სიჩუმე დავარღვიე და გვარიანდ შელახული ხის კარის სახელურს ფრთხილად შევეხე. ზღურბლს გადავცდი და უჩვეულო თავისუფლება ვიგრძენი. ზამთრის ცივ და გარინდებულ დილას აქამდე ასე არასდროს მოვუნუსხივარ.

გული სიხარულით ამივსო იმის ხილვამ, რომ უკიდეგანო ცის კამარა მთლად გადათეთრებულიყო, იქიდან წამოსული თოვლის ნაზი ფიფქები კი მორცხვად ეცემოდა ჩემს გაფითრებულ კანს. ფიფქები მალევე ქრებოდა, მათ ადგილას მხოლოდ წყლის პატარა წვეთები რჩებოდა, რომლებიც ცრემლებივით ასველებდა ნატანჯ ღაწვებს.

აქამდე არ განმიცდია ასეთი საუცხოო შვება, როგორც მაშინ. თვალები დავხუჭე და ხელებგაშლილმა სიამოვნებით გავიარე თოვლზე. ვიღიმოდი, სიცივის შეგრძნება სრულად დამეკარგა და არც ის მაღელვებდა, რომ თოვლის ფიფქები მასველებდა.

სინამდვილეში, რწმენის გარეშე დარჩენილი ადამიანი ფიზიკურად თუ არა, სულიერად არის ცარიელ და მდუმარე ოთახში ჩაკეტილი. მისი გული კი დაჭრილია.

დაჭრილ გულს კი ვერავინ და ვერაფერი განკურნავს, გარდა იესოსი. მისი სისხლი ხომ იმისთვის დაიღვარა გოლგოთაზე, რომ ჩვენ მიგვეღო ხსნა და განკურნება.

სინათლის გარეშე ჩაკეტილი სული ავადდება და, ადრე თუ გვიან, დაიღუპება. ის ვერ გასცდება ოთახის ზღურბლს და ვერ გაინავარდებს. ვერ შეიგრძნობს თავისუფლების სურნელს. რწმენით სავსეს კი ამქვეყნიური სნეულება ვერაფერს დააკლებს.

ღმერთს მინდობილი, რწმენით მებრძოლი ადამიანი თოვლის ფიფქივით სუფთა და თავისუფალია.

ის ღრუბლებში გაჭრილი ფრინველია, რომელსაც რწმენით და ლოცვით მიღებული ფრთები ძალიან შორს, ჰორიზონტს მიღმა მიაქროლებს.

თაკო გამგებელი

ქალაქ გორის „სიცოცხლის სიტყვის“ ეკლესიის წევრი.
მეთორმეტე კლასის მოსწავლე.
ბიბლიური კოლეჯის სტუდენტი.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

რომ არა ჯვარი…

20 ოქტომბერი, 2020

ღმერთი იბრძვის შენთვის

13 სექტემბერი, 2022

მარხვა, დამარხვა…

3 დეკემბერი, 2020

იყოს ნება შენი…

15 მარტი, 2017

სინათლე უკუნეთ სიბნელეში

5 ნოემბერი, 2018

ზეციური სიყვარულის შეხება

10 დეკემბერი, 2020

დააკვირდი, სად თესავ

16 დეკემბერი, 2022

გამარჯვების დროა!..

24 დეკემბერი, 2021

სამყაროში უკვალოდ არაფერი ქრება

29 ნოემბერი, 2017
Facebook

პოპულარული ბლოგები

  • 1

    სიკეთის ენა

    6 ნოემბერი, 2018
  • 2

    ცოდვა – კაცობრიობის ერთადერთი პრობლემა

    12 თებერვალი, 2019
  • 3

    უყურე ცხოვრებას ფხიზელი თვალით – დალევა გამოსავალი არ არის!

    22 აპრილი, 2015
  • 4

    ღმერთი სიყვარულია

    24 მარტი, 2016
  • 5

    მეორე ლოყის მიშვერის შესახებ

    2 აპრილი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ