ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ
ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

სამყაროს სჭირდება ქრისტე!

ნატალია ჩიქოვანი 24 აპრილი, 2019
ნატალია ჩიქოვანი 24 აპრილი, 2019 40 ნახვა

სამყარო ტკივილის ბუდედ გადაიქცა… ან იქნებ არც გადაიქცა და სულ ასეთი იყო, მას შემდეგ, რაც ცოდვამ დაიბუდა ბედნიერებისთვის შექმნილ დედამიწაზე.

ნაძალადევ ღიმილს ამოფარებული ადამიანთა სევდა ქარივით დაქრის ჰაერში და ნერვების დაჭიმული სიმები უხილავ ბადეს ქსოვს ადამიანთა შორის. თითქოს ერთ არასწორ მოძრაობას მოელის ყველა, რომ აფეთქდეს დენთად ნაგროვები სიძულვილი ადამის ძეთა ძარღვებში და სამყაროს სისხლის წვეთებად დაედინოს.

ძალადობას ფესვები გაუდგამს სიყვარულისთვის შექმნილ დედამიწაზე… არავის უნდა, ხიდი იყოს… ხიდი სიძულვილსა და სიყვარულს შორის… ხიდი ცოდვის მონობასა და თავისუფლებას შორის… ხიდი, რომელზეც გადაივლიან და უკვდავებას მისწვდებიან… არავის უნდა მოსმენა… ჩვენ დავემსგავსეთ ადამიანებს, ერთდროულად რომ ყვირიან, ტკივილისგან იგრიხებიან და ვერაფერს ხედავენ საკუთარი ტკივილის გარდა…

სამყარო იხრჩობა გულგრილობის ჭაობში… ადამიანებმა შემოიშენეს ციხესიმაგრეები საკუთარი თავის გარშემო, რათა თავი დაიცვან ერთმანეთისგან… სიყვარულისთვის შექმნილი დედამიწა გმინავს… ირგვლივ უნდობლობა და უარყოფაა, წრფელი ღიმილის ნაცვლად მწარე ირონია იკითხება სახეებზე… ძარღვებში სიძულვილი დუღს… სიყვარულისთვის შექმნილ დედამიწას თალხი გადაჰკვრია…

ნუთუ ასე ძნელია, გვიყვარდეს?! ნუთუ ასე ძნელია, სხვისი ტკივილი გვტკიოდეს?! ნუთუ ასე ძნელია, არ ვიყოთ გულგრილნი?! ნუთუ რთულია, მშვიდობის ძეებად და ასულებად ვიწოდებოდეთ?! ნუთუ შეუძლებელია, ვიყოთ ხიდი… ხიდი სიკვდილსა და სიცოცხლეს შორის?!

ძნელი არ არის, თუმცა ქრისტეს გარეშე შეუძლებელია!..

სამყაროს სჭირდება ქრისტე!

შენ გჭირდება ქრისტე!

მე მჭირდება ის… ჰაერზე მეტად, სიცოცხლეზე მეტად, არსებობაზე მეტად…

და მერე აღარაფერი იქნება შეუძლებელი!..

ნატალია ჩიქოვანი

"ქრისტიანული არხის" ჟურნალისტი.
რუსთავის სახარების რწმენის ეკლესიის წევრი.
მინი-თეატრალური დასის და საკვირაო სკოლის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

აჩუქე სითბო…

20 დეკემბერი, 2016

უფლის სიტყვა – ჩემში ჩამარხული ძალა

2 აგვისტო, 2019

ხე ნაყოფით შეიცნობა

18 ოქტომბერი, 2019

LGBT – გაუკუღმართებული გრძნობები…

20 ივნისი, 2017

თაობა, რომელსაც ვჭირდებით

28 ნოემბერი, 2019

ჩემ მაგიერ…

4 მაისი, 2016

საუბარი ღმერთთან

4 მაისი, 2018

ნაციონალური ქრისტიანობა

18 მარტი, 2020

თითოეული ჩვენგანია საქართველო…

21 ივნისი, 2019
Facebook

პოპულარული ბლოგები

  • 1

    ქარიშხლის შუაგულში

    23 თებერვალი, 2021
  • 2

    მისი სახელია იესო!

    2 დეკემბერი, 2020
  • 3

    უფალი ლაპარაკობს!

    23 დეკემბერი, 2020
  • 4

    ცეცხლით და ძალით

    6 ოქტომბერი, 2020
  • 5

    ტანჯვის ქუჩა

    30 ივნისი, 2015


@2021 - ყველა უფლება დაცულია.