ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ
ქრისტიანის ბლოგი

www.QBlog.Ge

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

სამყაროში უკვალოდ არაფერი ქრება

ანი ჭილაშვილი 29 ნოემბერი, 2017
ანი ჭილაშვილი 29 ნოემბერი, 2017 6 ნახვა

დაორთქლილ მინას ხელით ვწმენდ. გარეთ წვიმს… ისე არა, როგორც ფილმებში, არამედ ნამდვილად წვიმს. ჯერ ერთი წვეთი ჩამოვარდა, შემდეგ ორი, სამი და ბოლოს თითქოს ციდან მდინარეები გადმოიღვარაო, ისე გაწვიმდა… მე ვიცი, რომ ვარსებობ, რადგან ვსუნთქავ; ვგრძნობ გულისცემას, რომელიც რიტმულად ცემს; უკვე რამდენიმე თვეა, რაც რიტმი არ ირღვევა; ალბათ, ასე გაგრძელდება მარად…

რამდენი ხანია, რაც ადამიანი არსებობს დედამიწაზე? 6000 წელი? 7000? იქნებ მეტი ან ნაკლები? ღმერთმა შექმნა ადამიანი საკუთარი ქმნილებებიდან ყველაზე ბოლოს, რათა ებატონა ყოველივეზე, რაც კი მის გარშემო, მიწაზე, ცაში თუ წყალში იძვროდა და არსებობდა.

ხშირად შემიხედავს ადამიანისთვის და მიფიქრია, რა აზრი აქვს მის არსებობას, როცა ასე სტკივა? ვუყურებ და ვხვდები, რომ მისთვის სამყარო შინაარსისგან არის დაცლილი.

თითქოს სულ ერთია, იარსებებს თუ არა, მაგრამ არსებობს… ყოველ ადამიანს აქვს ის ერთი მიზეზი მაინც, რის გამოც იარსებებს… თუნდაც ყოველი ჩასუნთქული ჰაერი აუტანელ ტკივილს აყენებდეს, ამოსუნთქვისას კი უდიდესი ძალის მოკრება სჭირდებოდეს, ის მაინც არ წყვეტს არსებობას…

მჯერა, რომ სამყაროში შემთხვევით არაფერი ხდება; ყოველ ქმედებას თუ მოვლენას თავისი მიზანი აქვს, არც ერთი ადამიანი არ იბადება შემთხვევით… თითოეული ჩვენგანის არსებობას აზრი უნდა ჰქონდეს, რის გამოც სიცოცხლე ფასეული გახდება.

ყოველი ადამიანი საკუთარ თავში უნდა ეძებდეს ცხოვრების არსს. სამყაროში უკვალოდ არაფერი ქრება. მას შემდეგ, რაც ადამიანი გარდაიცვლება, ის, პრაქტიკულად, არსებობას წყვეტს, რადგან მისი გული ჩერდება, ფილტვები კი ჰაერს ვეღარ ჩაისუნთქავს; თუმცა ეს არ ნიშნავს იმას, რომ ადამიანი აღარ არსებობს, რადგან ყოველთვის მოიძებნება, სულ მცირე, ერთი ადამიანი მაინც, ვის გულშიც ის მარადიულად იარსებებს…

მაშასადამე, არსებობისთვის სუნთქვა სულაც არ ყოფილა საჭირო…

მაგრამ ყველა ადამიანი ვსუნთქავთ, რათა ვიარსებოთ და დავტოვოთ საკუთარი არსებობის დამადასტურებელი საბუთი სამყაროში ან ერთი ადამიანის გულში მაინც.

მე ვიცი, რომ ვარსებობ დღეს, თუმცა არ ვიცი, ვიარსებებ თუ არა ხვალ ღმერთის გარეშე…

ავტორი: ანი ჭილაშვილი.

ანი ჭილაშვილი

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

აღთქმის ორი მხარე − პარადოქსების რელიგია

4 ოქტომბერი, 2015

ტკივილის ზღვაში…

2 აპრილი, 2019

სამყაროს დასალიერის მიღმა…

16 დეკემბერი, 2020

ლურჯი სამყარო − საზღვრებისა და შეზღუდვების გარეშე

11 ნოემბერი, 2016

დაკავებული ქრისტიანი

14 თებერვალი, 2017

რით ფარავ შენს სიშიშვლეს?

7 მაისი, 2018

მე ვარ, რომელიც ვარ…

22 თებერვალი, 2017

მაცხოვრის სამარხად ქცეული გულები

1 მაისი, 2019

თითოეული ჩვენგანია საქართველო…

21 ივნისი, 2019
Facebook

პოპულარული ბლოგები

  • 1

    დაემორჩილე უფალს და დაელოდე მას

    4 ნოემბერი, 2019
  • 2

    უფლის წუხილი დაკარგულ კრავზე

    15 მაისი, 2018
  • 3

    ზეციური სიყვარულის შეხება

    10 დეკემბერი, 2020
  • 4

    ითოვოს ნეტავ…

    26 აპრილი, 2018
  • 5

    იესო – ერთადერთი თავშესაფარი

    28 ნოემბერი, 2019


@2020 - ყველა უფლება დაცულია.