ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

ჩემი მოწოდება სიწმინდეა

გიორგი ოდიაშვილი 17 სექტემბერი, 2019
გიორგი ოდიაშვილი 17 სექტემბერი, 2019 172 ნახვა

თუ მებადება კითხვები: „რატომ ვარ დეპრესიაში, რატომ დავკარგე სიხარული, რატომ არ მაქვს კარგი ურთიერთობა ღმერთთან, რატომ არ ვლინდება ღმერთის ძალა ჩემგან, რატომ ვგრძნობ თავს გარიყულად, რატომ მტანჯავს მარტოობის განცდა?“ ამ ყველაფერზე წმინდა წერილი გვაძლევს ასეთ პასუხს:

რომაელთა 6:23: „ვინაიდან ცოდვის საზღაური სიკვდილია...“

ყოველთვის, როდესაც ვცოდავ, მე ვკვდები… კვდება ჩემი სიხარული სულიწმიდაში, კვდება უნარი ღმერთის ხმის მოსმენისა და მასთან სიახლოვისა…

ცოდვა – ეს არ არის უბრალოდ ცუდად მოქცევა ან უარყოფითი ქმედება. ცოდვა თავისი არსით არის ქმედება, რომელიც ამბოხში მოდის ღმერთის ნებასთან…

არის ცოდვები, რომლებსაც ვერავინ ხედავს და არავინ იცის, არც ძმამ, არც დამ, ანდა დედამ ან მამამ – მხოლოდ ღმერთმა იცის დაფარული…

ყოველთვის, როდესაც მე ვცოდავ, არა მხოლოდ ცუდ საქციელს ვიდენ, არამედ ვეწინააღმდეგები ღმერთის ნების აღსრულებას ჩემზე…

ჩვენ მტრობა უნდა გამოვუცხადოთ ცოდვას და ვიდგეთ ჩვენს მოწოდებაში – სიწმინდეში:

ლევ. 19:2: „იყავით წმინდები, რადგან წმინდა ვარ მე, უფალი, თქვენი ღმერთი.“

როგორ ვიდგე სიწმინდეში? მე ვუყურებ ჩემს თავს ღმერთის სიტყვიდან გამომდინარე, რას ამბობს სიტყვა ჩემზე:

  •  მე ვარ გამოსყიდული ღმერთის სურვილის შესაბამისად.
    გალატ. 3:13: „ქრისტემ გამოგვისყიდა რჯულის წყევლისგან და ჩვენ ნაცვლად გახდა წყეული, ვინაიდან დაწერილია: „წყეულია ყველა, ვინც ძელზეა დაკიდებული.“
  •  ჩემი ცოდვები ნაპატიებია და კვლავაც მპატიობს, როცა ვაღიარებ და ვინანიებ.1 იოანე 1:9: „თუ ვაღიარებთ ჩვენს ცოდვებს, მაშინ ის, ერთგული და მართალი, მოგვიტევებს ცოდვებს და გაგვწმენდს ყოველგვარი უმართლობისგან.”
  • ქრისტეს მადლია ჩემზე და უნარი მაქვს, ცოდვას შევებრძოლო.
    2 კორ. 12:9: „და მითხრა: ‘საკმარისია შენთვის ჩემი მადლი, ვინაიდან უძლურებაში ხდება სრულყოფილი ჩემი ძალა.’ ამიტომ უფრო ხალისით დავიკვეხნი ჩემს უძლურებაში, რათა ქრისტეს ძალა დამკვიდრდეს ჩემში!“
  • სულიწმიდა ცხოვრობს ჩემში და სწორ მიმართულებას მაძლევს სინდისის მეშვეობით. 1 კორ. 6:19: „ანდა ნუთუ არ იცით, რომ თქვენი სხეულები ტაძარია თქვენში მყოფი სულიწმიდისა, რომელიც ღვთისგან გაქვთ და რომ თქვენს თავს არ ეკუთვნით?“

როდესაც ვიწყებ საკუთარი თავის დანახვას ღვთის სიტყვის ჭრილიდან, ვაკეთებ რწმენის აღიარებას ჩემზე, რომ მე ისეთი ვარ, რასაც ბიბლია ამბობს ჩემზე, თუნდაც კონკრეტულ მომენტში ასეთი სულაც არ ვიყო; ამის შემდეგ ჩემში თავისუფლდება რწმენა ღვთის სიტყვის საფუძველზე, რომელიც მაძლევს ძალას, ვიდგე ნებისმიერი ცოდვისა და ცდუნების წინააღმდეგ გამარჯვებული!

იდექი სიწმინდეში და ნება მიეცი ღმერთს, გამოგიყენოს თავის საოცარ საქმიანობაში. 2 ტიმ. 2:20-21: „დიდ სახლში მხოლოდ ოქროსა და ვერცხლის ჭურჭელი არ არის, ასევეა ხისა და თიხისაც, ზოგი საპატიოდ სახმარი, ზოგიც – არასაპატიოდ. ამრიგად, ვინც ამათგან გასუფთავდება, ის იქნება პატივდებული ჭურჭელი, განწმენდილი და ხელმწიფისთვის სახმარი, გამზადებული ყოველი კეთილი საქმისთვის.“

ცოდვა – ეს სიამოვნებაა, მაგრამ სიწმინდე – ეს ბედნიერებაა.

გიორგი ოდიაშვილი

ქალაქ გორის „სიცოცხლის სიტყვის“ ეკლესიის მსახური.

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

ოცნებები ნაგავსაყრელიდან…

6 ნოემბერი, 2018

უდაბნო დასასრული არაა

15 ივლისი, 2021

გამოფიტული გულები

30 ივლისი, 2020

ცხოვრება მშვენიერია

10 თებერვალი, 2020

უსახლკარო

29 დეკემბერი, 2021

ის მოკვდა, რათა გვქონოდა საუკუნო სიცოცხლე

20 სექტემბერი, 2021

პატიება

5 დეკემბერი, 2015

“განმკარგველი თუ მფლობელი?”

16 დეკემბერი, 2021

როგორ მოვიქცეთ მაშინ, როცა კანონი ერთს ამბობს, გული...

25 მარტი, 2020
Facebook

პოპულარული ბლოგები

  • 1

    მოიშორე ტვირთი…

    17 ოქტომბერი, 2019
  • 2

    რატომ, ღმერთო?!

    17 აპრილი, 2020
  • 3

    ცოდვა – კაცობრიობის ერთადერთი პრობლემა

    12 თებერვალი, 2019
  • 4

    გადამწყვეტი წუთი

    26 თებერვალი, 2020
  • 5

    განსაცდელში უფალს მიენდე

    27 სექტემბერი, 2019


@2022 - ყველა უფლება დაცულია.

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ