ცხოვრებისგან ნაღალატები და დაცემული ფიქრობ, რომ მარტო დარჩი?
თითქოს ცდილობ, შენში არსებული ძალების უკანასკნელი მარაგი ოფლივით გამოწურო სხეულიდან და კვლავინდებურად გაიმართო წელში.
ცდილობ, თუმცა ამაოდ.
სწორედ რომ ამაოებაა ადამიანური, მიწიური ძალებით ბრძოლა ქვეყნიერებასთან, მაშინ, როდესაც შეიძლება, უბრალოდ ღრმად ჩავისუნთქოთ და მას მოვუხმოთ!
შესძახე ხმამაღლა!
ემანუელ!
იგრძნობ, როგორ მოდის შვება და როგორ დუნდება ჩვენი დაღლილი სხეული.
ღმერთი ჩვენთანაა!
ეს მხოლოდ სიტყვები როდია. აქციე ის შენს გამარჯვებად, შენს მამოძრავებელ ძალად.
ადვილი არაა, უბრალოდ განუდგე სადარდებელს. ის უნდა მიანდო მას, ვინც იმედს არასდროს გაგიცრუებს და არ გიღალატებს.
თქვენი ყველა საზრუნავი მას მიანდეთ, რადგან ის ზრუნავს თქვენზე.
გაზაფხულია და კვლავაც წვიმს…
აქციე რწმენა შენს გაზაფხულად.
ჯერ კიდევ ცივია გარემო…
აქციე უფლის სახელი შენს სითბოდ.
ისევ დაღამდა და სიბნელე გაბატონდა…
აქციე უფლის სიტყვა შენს მზიან ღამედ.
ნაცნობი ფრაზები და სიტყვები…
ღმერთი ჩვენთანაა!
ალბათ ფიქრობ, რომ ეს უკვე იცი.
მაგრამ მხოლოდ ცოდნა არ კმარა, იგრძენი მისი არსებობა.
ჩვენი ღმერთი გამამხნევებელი სიტყვებით არ შემოიფარგლება და შუა გზაზე არ გვტოვებს.
ის არა მხოლოდ ზრუნავს, არამედ მოქმედებს კიდეც!..
