ქრისტიანის ბლოგი
www.QBlog.Ge
ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ

რაზე აშენებ შენს ცხოვრებას?

გიორგი ფიროსმანაშვილი 27 აპრილი, 2021
გიორგი ფიროსმანაშვილი 27 აპრილი, 2021 669 ნახვა
669

გამარჯობა.

გთხოვ, უბრალოდ ნუ ჩაიკითხავ.

მინდა, თითოეულ კითხვას გასცე პასუხი შენს გონებაში.

არ ვიცი, ახლა როგორ ხარ, ან ცხოვრების რა ეტაპზე იმყოფები, მაგრამ მინდა, დაფიქრდე:
სწორი მიმართულებით მიდიხარ?

რა გადაწყვეტილების მიღებასაც აპირებ, ბოლოს რა შედეგამდე მიგიყვანს?
ეს შედეგი რა გავლენას მოახდენს სხვებზე?
შენი ქმედებები სხვადასხვა შედეგის მომტანია შენს ცხოვრებაში და რასაც დათესავ, იმას მოიმკი.

მინდა შეგახსენო, რომ ეს ცხოვრება გარდაცვალებით არ მთავრდება. შენი შინაგანი მოთხოვნილება მარადიული სიცოცხლისა, ბუნებრივია, რადგან შემოქმედმა თვით მარადიულობა ჩადო ჩვენში.

სწორედ ამიტომ, ბრძნული გადაწყვეტილება იქნება, თუ შენს ცხოვრებას მარადიული პერსპექტივით განიხილავ. ჩვენი ცხოვრების წესი განსაზღვრავს, უფალთან ვიქნებით თუ მის გარეშე. ამისთვის კი სიბრძნეს თავად უფლის სიტყვიდან უნდა ვიღებდეთ.

ადამიანები, რომლებიც ისმენენ უფლის სიტყვას და აღასრულებენ მას, იესომ კეთილგონიერ კაცს შეადარა, რომელმაც სახლი კლდეზე აიშენა. მოვიდა წვიმა, გადმოსკდნენ მდინარეები, ამოვარდნენ ქარები და ეკვეთნენ იმ სახლს, ის კი არ დაეცა, რადგან კლდეზე იყო დაფუძნებული.

ხოლო, ადამიანები, რომლებიც მხოლოდ ისმენენ უფლის სიტყვას, მაგრამ არ აღასრულებენ მას, იესომ შეადარა უგუნურ კაცს, რომელმაც სახლი ქვიშაზე აიშენა. მოვიდა წვიმა, გადმოსკდნენ მდინარეები, ამოვარდნენ ქარები და ეკვეთნენ იმ სახლს. დაეცა იგი, და ფრიად დიდი იყო მისი დაცემა. (მათეს სახარება 7:24-27).

ეს სახლი ჩვენი ცხოვრებაა. მაცხოვარი არავის შეჰპირებია ია-ვარდებით მოფენილ ცხოვრებას, სადაც პრობლემები არ იქნება. მან თქვა, რომ ცხოვრებაში გასაჭირი უფლის სიტყვის აღმსრულებელსაც შეხვდება და მასაც, ვინც არ აღასრულებს. მაგრამ ამ გასაჭირიდან როგორ გამოვალთ, დამოკიდებულია იმაზე, თუ რა იყო ჩვენი ცხოვრების საძირკველი, რაზე ვაშენებდით მას.

ვინც უფლის სიტყვის მიხედვით ცხოვრობს, უფალი მათ მარადიული სიცოცხლით ასაჩუქრებს.
ნუ შეგეშინდება განსაცდელის, რადგან უფალია შენთან! ის გაგაძლიერებს და გამოგიყვანს ყველა სირთულიდან! მიენდე მას. იესო ქრისტესთან ერთად ცხოვრება გაცილებით უმჯობესია, რადგან ის მიგიძღვის წინ, ის არის შენი საძირკველი, შენი იმედი; შენი ამავსებელი სიყვარულით, მშვიდობით, მადლით.

დაე, უფლის სიტყვა გახდეს შენი ცხოვრების შეურყეველი საძირკველი, ერთგული მეგზური, სიბრძნის წყარო და მარადიული სიცოცხლის მომცემი!

უფალს ებარებოდე!

გიორგი ფიროსმანაშვილი

დატოვე კომენტარი პასუხის გაუქმება

შეინახე ჩემი სახელი, ელ.ფოსტა და ვებგვერდი ამ ბრაუზერში, შემდგომი კომენტარების დასატოვებლად.

შემთხვევითი ბლოგები

თუკი ადამიანი უფალს ირწმუნებს…

14 მაისი, 2018

მოიშორე ტვირთი…

17 ოქტომბერი, 2019

ლურჯი სამყარო − საზღვრებისა და შეზღუდვების გარეშე

11 ნოემბერი, 2016

პატიების ძალა

13 აპრილი, 2022

ცხოვრება მაინც მშვენიერია

2 აპრილი, 2021

იესო ზღვის პირას

12 თებერვალი, 2020

გადაწყვიტე, გაიმარჯვო!

26 თებერვალი, 2019

კმარა, უფალო!

5 დეკემბერი, 2019

იბადები, ადამიანო

1 ივნისი, 2023
Facebook

პოპულარული ბლოგები

  • 1

    იფიქრე, რაზე ფიქრობ

    17 მარტი, 2022
  • 2

    უფლის სიტყვა – ჩემში ჩამარხული ძალა

    2 აგვისტო, 2019
  • 3

    ჩემგან იწყება ცვლილება

    4 მარტი, 2021
  • 4

    რატომ არ ხდება ოცნებები?

    1 მაისი, 2019
  • 5

    რა ღირს ადამიანი?

    1 დეკემბერი, 2016


© - ყველა უფლება დაცულია

ქრისტიანის ბლოგი
  • მთავარი
  • ახალი ბლოგები
  • ბლოგერები
  • ვიდეო
  • ჩვენ შესახებ